Saxaafadda Somalia oo dhambaal u dirtay Madaxweyne Shariif Sheekh Ahmed.

DJibouti 31 Janaury 2009 Waagacusub Media

Gudoomiyaha Ururka isu taga Suxufiyiinta Soomaaliyeed ee ASOJ Mudane Dahir Abdulle Alasow ayaa hambalyo iyo bogaadin u diray dhamaan shacabka Soomaaliyeed gaar ahaan Madaxweynaha cusub ee Somalia Shariif Sheekh Ahmed. Halkaan ka dhageyso

" Waxaan dhambaal Mahadcelin huwan u dirayaa shacabka iyo dowlada aanu walaalaha nahay ee Reer Jibouti,waxaana si gaara ugu dirayaa hambalyo Madaxweyne Ismaaciil Cumar Geelle oo si kalgacaltooyo iyo xilkasnimo ka muuqato isugu hoowlay samatabixinta shacabka dhibaateeysan ee Soomaaliyeed"ayuu Dahir Alasow.
Mr Dahir Alasow oo shir Jaraa'id uga hadlay Isbedelka Somalia iyo doorashadda Madaxweynaha cusub wuxuu ku wajahay arrimo badan isagoo fariin iyo talo gaara siiyay Madaxweyne Sheekh Shariif.
" Madaxweynaha cusub ee Somalia waxaan kula talineynaa inuu tixgeliyo Madaxbanaanida Saxaafadda Somalia,waxaan uga digeeynaa inuu ku daydo keligii talisyadii Somalia soo maray,waxaana fareeynaa inuusan lumin miiska Cadaaladda"ayuu yiri Dahir Abdulle Alasow.
"Mudane Madaxweyne waxaad ogaataa inaan wax badan kaa qori doono,hadii aan ceebaalo kugu aragno sida eex,qabyaalad iyo musuqmaasuq,sidaas darteed u samir oo ha isku dayin dhaqamadii lagu yaqiin kuwii kaaga horeeyay toowrada"ayuu yiri Dahir Alasow
Gudoomiyaha Associated Somali Journalists wuxuu xusay in Saxaafadda Somalia noqdeen kuwa barakacay iyo koox afka juuqda gabay,loogana baahan yahay Sheekh Shariif inuu ka dulqaado heeryada caga jugleynta iyo caburinta.
Ugu dambeyn wuxuu Saxaafadda Somalia ugu baaqay inay nabad ku dabaalida gacan weyn ka geystaan maadama ay dhibaatada ku dhaceyso hooyooyinka iyo Caruurta Soomaaliyeed

By Weriye Mohamed Sacuudi
Halkaan ka dhageyso Muxaadaro Janaqoow

DHAGEYSO HEESTA WAAGACUSUB EE SANADKA CUSUB 2009

Faallo-Xulka Bariiska Jaayga Ku Soo Cunay Xerada Jabouti Iyo Natiijadiisii+sawiro

Mohamed Qanyare should sue the Atlantic, not threaten Waagacusub

Dhageyso Su-aalaha iyo Muxaadarada Hassan Dahir

Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media