Somalia:No government no ceasefire, Islamist leader says. By Dahir Alasow Clickhere

Somalia:Worst drought hit Galmudug regions. By Dahir Alasow Clickhere

Maryan Mursal oo dalbatay inaan la waydiin Jaceylkii Cigaal"Wareysi"

Denmark 3 March 2009 Waagacusub Media

Fanaanada caanbaxday ee Maryan Mursal Ciisse bootaan oo la tiriyo inay jaceyl taariikhiya la wadaagtay Fanaanka Ahmed Cali Cigaal oo ay Caruur u dhashay ayaa dalbatay inaan wax laga waydiin oo la qod qodin jaceylkii dhexmaray iyada iyo Cigaal maadama ay tahay Marwo uu qabo nin kale.
Fanaanadda Maryan Mursal oo aftahanimo loo tiriyo mar la waydiiyay inay ka waranto Jaceylkii labo wajiilaha loo bixiyay ee Cigaal ay la wadaagtay, waxay tiri" Qoladiina inaad wax fag fagtiinbaad jeceshihiin,anigu hada sodoh baan ahay,nin kalena wuu i qabaa,hadii aan ka sheekeeyo Ahmed Cali Cigaal iyo Jaceylkiisa wuu i furayaa marka iga dhaafo,waxay sheekadu ku qurux badneed iyadoo meesha Cigaal joogo laakiin hadii Cigaal maqan yahay,anigoo 54 jira,hadii ley furo.nin iima heeysane iga dhaafa saacadaan garoobnimo ha ii horseedinee"Dhageyso Wareysigeeda oo dheer ama Download

 
Ahmed Cali Cigaal wuxuu qaaday heesta magaceedu yahay Baddu inay Madoowdahay biyaha tahay ma moogtahay,taas oo looga gol lahaa midabka Maryan Mursal iyo qabiilkeey u dhalatay,waxaana curiyay Cigaal walaalkiisa Cabduqadir Ahmed Cali Cigaal,sidaas darteed Maryan Mursal cudurdaarkeeda loogama gaabsan ee sidii hadba dhan su-aasha looga dhigayay,waxaa la waydiiyay heesaha Cigaal qaado ee faraha badan kuwii uu adiga kuu sameeyay makuu sheegay,waxayna kaga jawaabtay:-
" Hadii aan dhaho Axmedow ma anigaad ii sameeysay wuxuu i leeyahay maya oo wuu qarinayaa laakiin waa jiraan heeso jaceylkeena quseeyo"
Dumarku waxay caan ku yihiin iska hinaasida,sida badanaa dhacdana la isma tuso kuwa nin qura wada guursado,sidaas darteed Maryan Mursal oo Cigaal uu la qabay gabadha loogu yeero boqoradda Jaceyl ee Khadra Dahir Cige waxaa la waydiiyay ,Fanaaniintee kuugu badan oo aad jeceshahay dhageysiga heesahooda?

Lama filan inay sheekadeeda ku amaanto Khadra Dahir oo weliba Cigaalna ku lamaaniso laakiin waxay Maryan Mursal ku jawaabtay"waxaan aad u jeclahay oo ka helaa heesaha ay Cigaal iyo Khadra Dahir Cige isla qaadaan"

Wareysiga Maryan Mursal intii uu socday waxaa la waydiiyay maxaa kuugu darnaa ee aad fanka kala kulantay,sooma aysan hadal qaadin heesta Baddu inay Madoowdahay laakiin markii ay bad kale jibaaxday ayaa lagu dul shiday"
Sida dabeecadeedu tahay ma kohsan waxayna sii laba laabtay kaftankeedii,bashaashnimadeedii dadnimo,iyadoo heesaheeda kala daran hadba mid gacanteeda ku dooratay.
Maryan Mursal Ciisse Bootaan oo dhalasho ahaan ka soo jeeda Magaaladda Galkacyo ee gobolka Mudug ka mid maaha dadka aaminsan in Somali kala sareeyso,waxay ku faantaa qabiilkeeda sida jahlinimada leh loo yaso.
Inkastoo ay 54 jir tahay,kuna soo caanbaxday heestii Shabeel naagood ee Abwaan Xasan Sheekh Muumin sameeyay allaha u naxariistee,hadana way xasuusataa heesteedii ugu horeysay ee Indhacaashaq buu igu eegayoo,ana waan arkoo ambariirsadee.
Maryan waxay inyar uun xasuusan kartaa in heesta uu erayadeeda sameeyay nin ay magaciisa dhaafsiin wayday Xasan balse magaciisa sedexan yahay Xasan Calas Socdaal.

Ma sheegan in heesteeda dagaal rageedka ee Naacuud u qaaday Ahmed Cali Cigaal laakiin waxay qiratay inay heesaha ay qaado ka turjumayaan dareenkeeda oo Abwaaniinta ka codsan jirtay,ka gadaal markeey uga sheekeyso.
"Nasiibkaa igu kaa daree,Nafteeyd kumeey aqoon inaad tahay nuucan baas,haweenka naxuusiyoo,dhiigoodaba nuugayee" ayaa ka mida miraha heesta Naacuud.
Ahmed Cali Cigaal oo hada degan dalka Mareykanka Maryan iyo Khadra midna ma qabo laakiin marka lala sheekeeysto hoboladda Waaberi oo wax badan kala socday xifaaltankii dumarnimo ee u dhaxeeyay labada gabdhood ee Waaberi ka wada tirsanaa,waxay qabaan in laga qori karo buug sheeko.
Xiliyadda qaar Cigaal wuxuu dareenkiisa siin jiray inuusan Tiyaatarka fuulin isagoo ku qoran heeso la xafdisiiyay,ma aheyn wax lala yaabo balse habeenada aan looga maarmin Masraxa waxaa loo diri jiray Maryan Mursal oo waxay u sheegtaba isagoo faraxsan keeni jirtay golaha Murtida iyo Madadaaladda.
Jaceylka laba daraanlaha ee Cigaal labadiisa gacmood ku qeybiyay waxaa la tiriyaa inuu mici adag surtay Boqorad Khadro waana sababta ay in ku dhaw lixdan heesood oo ay ka mid tahay,dadkoo dhami ha wariyeen heesta la yiraa,ugu qaaday Cigaal iyo dadkii eheladeeda ee diidanaa inay u dhaxdo.
Khadro Dahir waxay Waaberi ku riixaan inay garab ka heshay Abwaaniinta waaweyn Sida Cabdi Qeys,Xasan Ganey,Maxamed Cali Kaariye iyo Huryo oo geeriyooday,allaha u naxariistee.
Abwaan Huryo xilli ay Khadra u muuqatay inay qaati nafeed ka taagneed qosolka Cigaal,wuxuu u sameeyay heesta ay ugu magac dartay QALBI GUDHAN balse bulsho aan ka mid ahay ugu yeeraan Caalwaa Jaceyl.
"Gododloow miyaan,goor iyo ayaan,gaar kuu sasabi,kaa gaabsadee ,niyad kaa go''diyo,qalbi gudhan miyaa qosol lagu gudlaa" ayaa ka mida bartilmaameedyada heesta,waana muuqataa dabcan inay ahayd tii labeeysay heesteedii ka horeysay ee ay ugu sheegeysay inay sheekada dumarkaba bartay,"Adoo gole ka maagloo,haweenkaba ka gaabsaday,soowtaan ku gada baray,Garta iyo tusaalaha,adigoon gorfeyn karin,soowtaan geesi kaa dhigay,go'e halaq miyaad tahay,hadba marada ii galaa,gododleeyntu waa maxaay,waad iga gardarantee,.
La soco,taxanaha fanka iyo fanaanka Waagacusub,ugana naso waalida siyaasadda Somalia.
Todobaadyadda dambe waxaan idin maqalsiin doonaa,Khadra Dahir oo ka sheekeeynee,jaceylkii Cigaal iyo heesaheeda kuwa ay ugu jeceshahay,waxay quseeyaan iyo inay sodohnimo,fanka uga fariisatay.

Barnaamijka Tijaabi Codkaaga Part 2 Dhageyso

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media