Dotornimada iyo Diinta Dr. Ali Hirabe ku dayasho ma leh.

Nairobi 28 Fabaury 2009 Waagacusub Media

Anigoo qiimeynaya akhristayaasha Website-yada Waagacusub oo u soo bandhigay qoraalka Dr Ali A. Hirabe shakhsi ahaan igu weerarayo, waxaan halkaan ku tilmaamaya dhowr arrimood:
Qoraalka Dr Ali Hirabe wax xiriir ah lama leh maqaalkeyga cinwaankiisu yahay “Beec aan Ka noqosho laheyn lama saxi karo.” Fiiri http://www.waagacusub.com/news/25.02.09.8ulusow.htm. Kaaso dulucdiisu aheyd inay adag tahay in Golaha Culumada Islaamka ee Muqdishu saxaan beec (deal) aan ka noqosho laheyn oo Beesha Caalamka dhinac ka tahay. Burburka heshiiskii dhexmaray dhinacyada Midowga Maxaakimta Islaamka ee lagu gaaray Magaalada San’ca ee Yemen ayaa tusaale u ah.

 
Qoraalka Dr Ali Hirabe waxaa ka muuqata aqoondarro la xiriirta qaabka shaqo ee Hay’adaha Dowaldda Mareykanka. Nayrobi iyo Addis Ababa waxaan u tagnay dan Soomaliyeed oo aheyd in warka dagaal ogayaasha Soomaliyeed aan la rumeysan iyo in Ethiopia ka baxdo dalka Soomaliya inta dagaal dhicin.
Qoraalka Dr Ali Hirabe waxaa ka muuqata inaysan beenta iyo runta, xishoodka iyo xishood darrida u kala soocneyn. Dr Ali Hirabe waxaa isaga qasan shakhsi iyo Dowlad dastuur ku saleysan. Dotornimada iyo Diinta Dr Ali Hirabe ku dayasho ma leh.
Arrimaha ugu muhiimsanaa maqaalkeyga waxaa ka mid ahaa:
In dhismaha Dowladda Federaalka KMG Midnimada Qaranka ee Jabuuti (DFKMQ-J) aan loo marin hab u gogol xaara dib u heshiisin iyo dhib u dhiska dalka Soomaliya. Waxaan sharraxay fadeexadaha sabab u ah sharci darrada dhismaha DFKMQ-J. Waxaan tilmaamay inaysan aheyn Dowlad Qarameed iyo mid Goboleed toona.
In Axdiga Federaalka KMG qodobkiisa 32 lambarrada 1 iyo 4 ka reebeen (explicitly excluded) awoodaha Barlamaanka Federaalka KMG Somaaliya inuu waqti isu kordhiyo iyo inuu ansixiyo Barlamaan cusub xubnihiisu yihiin 550.
In dhismaha Golaha Wasiiradda uu daaha ka qaaday loolanka siyaasadeed oo u dhexeya Guddomiyaha kooxda Barlamaanka xorta ah, ahna Wasiirka cusub ee Maaliyadda iyo kooxda Midowga Maxaakimta Islaamka, taaso keentay in xubnihii Midowga Maxaakimta Islaamka laga fogeeyay Golaha Wasiirrada. Waxaa lagu soo koobay (1) Wasaaradaha Arrimaha Gudaha oo magac ah,(2) Wasaaradda Cadaaladda iyo Garsoorka oo laga gooyay Arrimaha Diinta iyo Awqaafta iyo (3) Wasaaradda Hiddaha iyo Tacliinta Sare.
In Golaha Culummada Islaamka go’aamiyeen in la beddelo Axdiga KMG ee DFKMQS-J taaso aan waxba ka fogeyn mowqifka kuwa ku dhawaaqay inaysan aqoonseyn DFKMQ-J.
In ay aheyd Ismiidaamin siyaasadeed (political suicide) in DFKMQ-J ka cambaareyso Magaalda Addis Ababa Dowladda Eritrea oo saldhig u aheyd Isbaheysiga Dib u Xoreynta Soomaliya (IDXS). Dowladaha Eritrea iyo Qatar waxay u eedeysan yihiin taagerada halganka Dib u Xoreynta Soomaliya.
In dadweynaha Muqdishu aysan masruufi karin tirada xad dhaafka ee isug jira Madax, howladeenno iyo Maleeshiyaad ka badan 20,000 ee DFKMQ-J iyo in nabadgelyo xumo ka imaan karto tiradaas xad dhaafka ee hubeysan oo baadaya ama boobaya shabacka masaakiinta ee deegaanka.
In Maslaxaddu ku jirto in dalka Soomaliya laga dhiso nidaam dowli ah oo leh gogol xaar ay ka soo qayb galaan qaybaha wakiillada ka ah Shacabka Soomaliyeed si furan, inta badan raalli ka tahay, kontrol ku leedahay, isla markaana kalsooni gelin kara Beesha Caalamka. Isla markaa in waxgaradka hogaammada kala duwan ee Bartamaha iyo Koofurta Soomaliya ku dadaalan xasillonida inta laga taabbagelinayo habkaas.
Dr. Maxamud M Culusow
mohamuduluso@gmail.com

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media