Gool_Hayihii Hore ee Xulka Somalia Jeylaani qaliif oo 2 dameer uu Lahaa laga diley+Sawiro

Mogadishu 27 Fabaury 2009 Waagacusub Media

Goolhayihii hore ee xulka kubadda cagta ee dalka Somalia Jeylaani Qaliif Maxamed ayaa waxaa la soo deristey dhibaato xagga nolosha ah ka dib markii laga diley 2 dameer oo uu ku shaqeysanaayey.

Jeylaani qaliif oo iminka degen Tuulo ku dhowaad 10 km u jirta degmada afgooye ayaa isaga oo u waramayey Waagacusub Media waxaa uu sheegey in dad uusan garaneyn ay u soo dheceen gurigiisa isla markaana ay toorey ku dileen 2 dameer oo uu sheegey in nolosha caruurtiisa uu ku deberayey.Halkaan ka dhageyso Wareysigiisa ama Download

 
"Ma joogin aniga guriga xiligaasi waxaan soo jirey degmada Afgooye markii aan reerka u laabteyna waxaa la ii sheegey in 2dii dameer ay dhinteen oo la diley 6 saac oo habeenimo ayuu sheegey Jeylaani qaliif oo ahaa Goolhayihii birta ahaa ee qaranka iyo Naadigii Horseed.

Mucjisooyinka ka dhacaya dalka Somalia ee ay sababeen Dagaalada iyo dhibaatooyinka ayaa waxaa ay keeneen in dad magac iyo shacbiyad ku lahaa dalka ay iminka ku nooladaan nolol aad u liidata oo aysan u qalmin,

Wallow ay bulshada inteeda kale ay kala simanyihiin dhibaatooyinka iyo Dar xumada ka jirta dalka ayaa hadana Shaqsiyaadkii Magaca u keeney dalkena Somalia iminka qarkood ku dhibaateysan yihiin Gudaha dalka.

Ex-Goolhaye Jeylaani Qaliif Maxamed (Baaba-Jeey) waxaa uu kamid ahaa Goolhayayaashii magaca iyo sumcadda Ku dhex lahaa Bulshada taasi oo uu ku kasbadey dadaalkii iyo magacii uu u soo hooyey Xulka Kubadda Cagta dalka iyo Naadigii caanka ahaa ee Horseed.

Waxaana Jeylaani Magaciisa uu ku faafey dhamaan wadamada caalamka Gaar ahaan Qaaradda afrika iyo carabta.

Cabdulxafiid zaciimka

Zaciimka02@hotmail.com

Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media