Djabuuti, 27 Janaury 2009 Waagacusub Media


Dagaalo adag kadib waxaa dalkii dib looga xoreeyay xoogagii xabashida ee ku soo duulay dalka Soomaaliya dabyaaqaddii sanadii 2006-dii kuwaasoo gacanta ku dhigay inta badan goboladda dalka Soomaaliya iyagoo markaana mar marsiyo ku aadan duulaankooduna u heystay dowladdii daba dhilifka eheed ee baydhaba saldhigeedu ahaa oo ay lahaayeen garab ayaan siinaynaa si argagixisaddu ay uga amaan hesho.

Midowgii Maxaakiimta islaamka oo iyagu dalka Soomaaliya soo mariyay taariikh lix bilood ku ekoobneed balse dadka qaar ay ku macneeyaan lix sano ayaa iyagu ahaa kuwii soo celiyay amaankii caasimadda Muqdisho iyo iyagoo inta badan goboladda dalka gaarsiiyay maamulkoodii wanaagsanaa, balse markii huwanta amxaaraddu soo abaareen dagaalo adagna dhex mareen ku kala yaacay dibadda iyo guddaha dalka ciidaamaddii iyo mas’uuliyiintiiba.

Inkastoo dadku qaarkii aysan ogeen soo ifbixii maxaakiimta hadana waxaa hoos ka jiray dhalinyaro fir fircoon oo iyagu inta badan dhex-dooda kala amar qaadan jiray waxaa ayna ahaayeen laf dhabarkii ay maxaakiimtu ku tiirsanaayeen xag milatari ahaan xiligii ay dagaaladda kula jireen hogaamiye kooxeedyaddii (Asha-haadu la dirirkii) iyo huwanta Itoobiya-ba, inkastoo ay ku dhex milnaayeen ciidamaddii maxaakiimta hadana waxa ay ahaayeen kuwo ka qaab iyo fikirba duwanaa oo iyagu lahaa Amiiro (Madax) ay si gooni ah uga amar qaataan.

Al-Shabaab waa magaca ay la baxeen dhalinyaradaas oo iyagu gooni isu taagay kadib markii amxaaraddu ay dalka qabsadeen, kahor intii maxaakiimtu ay maamul-ka hayeen waxaa jiray laba golle oo ay maxaakiimtu sameeyeen, Gollaha Shuuradda oo uu hogaaminayay Sheikh Xasan daahir Aweys iyo Gollaha Fulinta oo Sheikh Shariif Sheikh Axmed uu hor boodayay, saas oo ay tahay waxaa go’aano aan laga fiirsan ama gollayaashii maxaakiimtu ka fariisan qaadan jiray dhalinyaraddii Al-shabaab.

Dadka qaar ayaa is weydiin jiray awaamiirtii lagu mamnuucay ka ganacsiga iyo cunista jaad-ka, daawashadda aflaam-ta iyo kuwo kaloo badan, maaheen in la diidanaa in la suuliyo munkarka iyo waxyaabaha xun xun balse waxaa la sugayay go’aan si rasmi ah uga soo baxo gollaha shuuradda oo laga wada tashaday kadibna golaha fulinta ay ku dhawaaqaan fulinta amaradaas.

Dhamaan arimahaas iyo in qof walba oo lagu helo qadaf yar isla meesha lagu karbaasho iyadoo aanan la geyn maxkamad waxaa watay dhalinyaradda Shabaab-ka oo iyagu sal fudeed iyo sugitaan la’aan isku darsaday, tiiyoo ay jireen culu’maaudiin fara badan oo golllaha shuuradda ku jiray halka Maxaakiim badana ay furnaayeen balse iyagu qofkii ay qabtaan ku fulin jiray hadba waxa ay iyagu ay gooyaan.

Looma jeedin Al-shabaab xiligaas, inkastoo mas’uuliyiinta maxaakiimtu ay ogaayeen hadana ma muuqan qaab ay wax uga qaban kareen tiiyoo ay Itoobiyaanku soo muuqdeen waxaana mar aan la sheekeestay mid kamida hor boodayaashii ciidamadda maxaakiimtu uu ii sheegay in dagaalkii IDAALE ama aadidii maxaakiimtu ay aadeen dhanka baydhaba ay aheed xeelad shabaabka lagu mashquulinayay dagaal-ka.

Hadaba aan u soo daa dago dulucda maqaal-keyga ee jabkii gaaray itoobiyaanka ayaa iyo jahwareeka la soo gudboonaaday mujaahidiinta kadib guushii la gaaray oo illaah uu sababay in ay itoobiyaanku ka baxaan guddaha dalka.

Waxaa wali halkeedii ka sii socda sal fudeedkii shabaabka iyadoo haatana ay soo muuqanayso shax cusub oo qarsooneed waxaana dadka inta badan ay su’aalo iska weydiin jireen ama ku wareersanaayeen hadaladda aan is badalin ee shabaab-ku mar walbaa siin jireen warbaahinta kuwaasoo ahaa in hadafkoodu uu yahay in kitaabka alle la isku xukumaa mowqifkaasna uusan isbadaleen, taasoo qaar kamida dadka ay u muujiyeen taageero loona heysay in ay xukun u carar aheyn.

Shabaab-ka waxaa hogaaminayay Aden Xaashi Ceyroow ninkaasoo ahaa mid inta badan aanan isu soo bandhigi jirin bulshada balse mowqif adag lahaa, waxaana lagu dilay duqeyn loo adeegsaday diyaaradaha ugu casrisan dalka mareykanka iyo maraakiib la sheegay in gantaalo ay la soo beegsadeen magaaladda Dhuusa-mareeb ee gobolka uu ka soo jeeday ee galgaduud.

Dhimashadii Ceyroow iyo ciddii ka dambeysay in la dilo ayaan ilaa hadda si cad loo heyn waxaana shakiga ugu badan uu soo baxay maal-mo dhaweed kaas oo muujinayay in guddaha shabaab-ka ay arinta dilka Ceyroow u badatay maadaama uu ahaa hogaamiyahii ugu adkaa ee mowqifkiisa aan isbadalin.

Shabaab-ku waxa ay adeeegsan jireen miinooyinka dhulka lagu aaso, hoobiyayaal lagu duqeyo goobo kala gadisan, dilal qorsheysan oo qof walboo laga shakiyo lagu qaarajiyo iyadoon la hubsan, is miidaamin ama isqarxin aan loo meel dayin iyo waxyaabo badan oo ay ka sameyn jireen guud ahaan goboladda dalka gaar ahaan magaaladda caasimadda ah ee Muqdisho.

Shacabka ayaa intaa indhaha ka eegan jiray iyadoo ay sidaas habooneed maadaama cadow wadanku ku sugnaa xiligaas waxaase marag ma doonto ah in cadowgu inta uu si bareer ah u dilay iyo inta ay gabaadka ka dhigteen ama sababta loo dilay ay iyagu lahaayeen ay kala badan yihiin maadaama aan la socono inta goor oo ay hal xambad ama hal hoobiye ay rideen jawaabtiisa gantaalo ada adag lagu soo asqeeyay goobo ay dadku ku badnaayeen gaar ahaan suuqa Bakaaraha kuwaas oo galaaftay nolol shacab kumanaan gaaraya.

Shabaab-ka ayaa haatan waji cusub la soo baxay kadib ka bixidii baydhaba ay ka baxeen ciidamaddii itoobiya, waxaana afhayeenkooda MUQTAAR MANSUUR ABUU ROOBOW lsku ifiyay tooshkii ugu weynaa halkaasoo uu ku waayay kalsoonidii shidaal-ka ka sii dhamaanayay oo ay dadka qaar u hayeen.

Waxaa uu gacanta ku dhigay rag uu ka mid ahaa XAABSADDE oo isugu ku heyb ah waana la sii daayay oo hubkoodiina lagala wareegay ayaa dib loo siiyay mise lagu si galbiyay lakala garan waa.

Looma kala harin wali dadkii dhaga fiiq ayaa heysta sow Xaabsade maaheen daba dhilif amxaaro sow iyagii ilaa xiligaas Baydhaba ku hayay amxaaradda iyo kuwa la shaqeen jiray, sow tuu yiri shabaab waa in la sifeeyaa oo la tir tiraa. Maxaa Dooriyay maankii ABUU ROOBOW.

Maahi kuma jiri dadka oranaya Roobow maxaa Xamar keenay ama maxuu xabadda uga ridayaa, qabiil kuma riixayo laakiin isagaa isa soo banaan bixiyay qorshayaasha shabaab ee aan la fahmi Karin iyo waxa ay kala qarsanayaan waxaa sii dheer in iyana ay Itoobiya qorshooyin kale soo maleegtay Allaahu aclam in iyaga qaarkood ay wax kala ogyihiin balse amuurahan hoose u fiirso.

Itoobiya waxa ay uga tagtay magaaladda baydhaba hub aad u fara badan sida dadka oo dhan ay wada ogyihiin, hubkaas waxa uu gacanta ugu jiray qabaa’iladda kala duwan ee Goboladda Bay iyo bakool wada daga, Shabaab-kuna dagaal walba kuam soo haweysan laheen wax saacado ku kooban in uu guddaha magaaladda u galo.

Hubkii oo ay heysteen qaar kamida xildhibaanadda beeshiisa waa ROOBOOWE wey ku wareejiyeen sida in lagala dar daarmay oo kale isagana shir uu la qaatay dabadeed u sii galbiyay garoonka Waajid ee Bakool si ay uga qeyb qaataan shirka Jabuuti, Roobow xitaa ma awoodi waayay in uu xiro ama uu ka baajiyo shirkaas oo uu isagu u yaqaano ama ugu yeero shir aan diinta shaqo ku lahayn ama aysan wax aan umaddu anfacaya ka soo baxayn.

Waa maxay kalsoonida intaas la eg oo ay Roobow isagu dhiibeen ragaas, maxaa ka dhaxeeya oo aan gumaca rasaasta ama (gaalo raacnimo iyo mujaahidiin) ahayn, sow ma ogeen in uu soo galayo magaaladda oo horeyba idaacadaha uga sii daayay in uu ku wajahan yahay, xabadaha yar yare e magaaladda ka dhacay kadib maxay ka wada hadleen kulankoodii kadib.

Intaas oo su’aalo ah iyo ka badan waxaa iiga soo baxay aniga in Itoobiya guul daradeedii dhan milatari iyo dhan siyaasadba ay ku fakirtay in shabaabku sii wato shaqadooda, waxay uga tagtay ama u dhaaftay hubkeedii, waxayna ugu danleedahay sii qariba oo yuusan wadanku dagin maadaama iyadu ay hore u adeegsan jirtay hogaamiye kooxeedyaddii dalku ka dagi waayay.

Hiiraale oo Kismaayo u soo faruuryo qaniinsanaya waa tii laga leexiyay, Itoobiya iyadaa galbinaysay Kismaayo iska dhaafee goboladdii geddo ay ka mid eheed ee uu ku abtirsanayay ayaa dib looga gurtay oo laga celiyay, ma fahantay ujeedadaas.

Maxamed Dheere ayaa la xirtay oo baydhaba lagu haayay , hal hogaamiye kooxeed hub lama siin markii ay Soomaaliya ka arur sanayeen agabkooda balse kaarto kale ayay aliftay itoobiya oo ah ku shaqeynta SHABAAB!.

Shaxda maanta qarsoon ayaa ah ku shaqeynta shabaabka, dowlad walboo lasoo dhisaa ama Soomaali yeelataa Itoobiya waxay ka xigtaa Geeri iyo gablan, maantana waxay heshay fursad ay kaga faa’iideysato isfaham la’aanta heysata Mujaahidiinta iyo madax adeega Alshabaab, maxaase la gudboon iyaga iyo inta kale.

Shabaabku hadeysan keenin caqli kaloo shaqeeya oo aan ka ahayn kan maanta ay wadaan waxaa ay ka baxayaan dariishadii ay Itoobiya ka baxday waana in ay umadooda ka mid noqdaan warka culimadda –na maqlaan.

Mujaahidiinta kale waa in ay feejignaan mujiyaan iskuna kalsoonaadaan si aan look ala fur furin lagana wada shaqeeyaa howlaha di u dejinta dadkii bara kacay iyo in aanan mar dambe dib loogu laaban sal fudeedkii ay seefta u hayeen Shabaabka.

Wixii aan qalday iyo intii aan gafay waan ka cudur daaranayaa, ma qaldame waa illaah towfiiqda allaha na waafajiyo, waana qaadan doonaa dhaliil iyo amaan wixii aad ii soo jeedisaan.

Fikir Akhriste Waagacusub
Samme Guilled
Qaransuge2009@hotmail.com

Halkaan ka dhageyso Muxaadaro Janaqoow

DHAGEYSO HEESTA WAAGACUSUB EE SANADKA CUSUB 2009

Faallo-Xulka Bariiska Jaayga Ku Soo Cunay Xerada Jabouti Iyo Natiijadiisii+sawiro

Mohamed Qanyare should sue the Atlantic, not threaten Waagacusub

Dhageyso Su-aalaha iyo Muxaadarada Hassan Dahir

Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media