Yaa ka mas'uula dhibaatada ka dhacaysa Somalia???.

Maqaal  26 Fabaury 2009 Waagacusub Media

su'aashaa haddaan ka jawaabo dad badan waxay niyada ku hayaan waa qab-qable dagaal iyo waa mid diin sheeganaya oo dagaalaya iyo wadamo shisheeye ayaa ka mas'uul ah, waxaan oran lahaa dhamaan dadka sidaa aaminsan wali wax baa u dhiman.

Runtu waxay tahay dhibaatada ka taagan Somalia waxaa ka mas'uula shacabka Soomaaliyeed oo damiir la'aanta dilatay qabiilkana maankooda gattay,ilaa qab-qable ilaa ethiopia iyo xasuuqeedii ilaa maanta midda socota waxaa ka mas'uul ah shacabweynaha soomaaliyeed ee maanka laga gatay.

 


bal fiiriya xasuuqii iyo bara kicintii Ethiopia ay u geysatay shacabkan damiirka la' ayagoo laayay maato, aqoonyahan, waxgarad, iyo dad badan oo wax tar ah, haddana waxaa ugu darsamay cadaw Somali ah oo boqol waji wata oo maalin walba shaar cusub u soo gashanaya ayagoo dantoodu aysan marnaba dal iyo dad aysan ahayn, maalin walba waxaa dhacaya xasuuq iyo barakacin ay ka dambeeyaan dad dano gaar ah wata taa sababteedana waxaa leh (shacab damiir laawe) oo dhanka qabiilka aad ugu fiican nin walba oo jufadooda ahna daneeya waxa uu wato diyaarna u ah in uu laayo, macnaha (war ma hebelbaa alla muxuu ni karmeed yahay jufadeena sharafkeeda kor buu u qaadayaa) (jufo ciic) shacabow runta haddaad rabtaan '' xasuuq, barakac, baaba, iyo wax walba oo idinku dhaca idinka ayaa keensaday, war heedhahaya xaafadahiina ayaa laga tuurayaa madaafiic oo qolo kale lagu tuurayaa deetana markuu ninkii tuuray uu iska tago idinkoo afka wada taagayaa baa jawaabtii ninkii lagu tuuray ku la'anaysaan oo ku baaba'aysaan markaas baad cabaad bilaabaysaan markii horena waad fiirsanayseen markii laga tuurayay gurigiina.

Alla damiir xumidiinaa oo aqli ku fool xumo badnidiinaa, shacabow waxaa iga tallo ah haddii aad talo dooneysaan inaad iska dhicisaan qolooyinka dhiigiina ku taajirey oo magaca ku yeeshay baabi'intiina haddaad iska dhicin weysaana waligiin televisionada iyo warbaahinta ka qeyliya sidii baranbaro oo kale.

Walahi haddaad gacmaha is qabsataan oo aad u istaagtaan nabadda oo aad tiraahaan '' dagaal maya, madfac maya, xasuuq maya, baabi'in maya, oo waxuushta maalin walba idin leyneysa oo madaafiicda idinku hogaaminaysa aad iska qabataan iyo kuwa ka yimid wadamadooda ee madaafiicda idiin qeybinaysa aad iska qabataan '' nabad, horumar iyo guul baad gaareysaan. haddii kalase:

Shacabow damiir laawe
Dhiig iyo dhecaan laawe
Geesi iyo waxgarad laawe
Dowladnimiyo wanaag laawe
Qaranimiyo nabad laawe
Aqoon iyo tacliin laawe
Dhalinyariyo halyey laawe''
!!!!!!!!!!!!!!!!!!!!!!!!!!!!!!!!!!

Daacufle aan naxay iyo
mid dhiig cabe ku caan baxay
mid kitaab beena sita iyo
diin ku beenle qaa'ina
nabad aanan doonayn
dowlad aanan doonayn
dantiisu tahay dil
xasuuqiina iyo ''hooy''
baabi'intiina jecel oo
meel kale laga abaabulo
shacabow halkaa maanta taaliyo
diiftiyo haraadkiyo
dhibkiyo rafaadkiyo
a'aaaaa-da adays baday
adigaa dalbaday dil
i xasuuqa oo i barakiciya yiri
!!!!!!!!!!!!!!!!!!!!!!!!!!!!!!!!!!!!!

Lax waliba halkey is dhigtaa
hooy lagu gowracaayee
gacmaha is qabsada oo
ka dhiidhiya daneystaha.
!!!!!!!!!!!!!!!!!!!!!!!!!!!!!!!!

Haddii kalase hooy
isaga jira dhibaatada
xasuuqa iyo barakicinta
Allah dhiigiina daawada.
!!!!!!!!!!!!!!!!!!!!!!!!!!!!!!!.

Shacabow walaahi sirta dhankeena ayay ka qurun san tahay ee heedhahaya aan isdaba qabano oo aan u istaagno iska dhicinta dhiigeena cabaha oo aan garano qaladkaba dhankeena inuu yahay , maahmaah ingariis ah ayaa oranaysa "" If you need a peace prepare for war"". marka haddii nabad aan dooneyno aan dagaal isku diyaarino oo aan daafacano xaafadaheena waxuushta ka tuureysa madaafiicda iyo kuwa soo jawaabayaba oo shacabka leynaya ogna in shacab uusan madfac soo ridin.

By. Abdulahi Kullane.
Waagacusub media.

Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media