Isi sharaxdee yaa ku dooranaya

Mogadishu 26 Janaury 2009 Waagacusub Media

Magaca musharax wey ka simanyihiin xaq ayeyna u wada leeyihiin in ay isa soo sharaxaan maadaama aysan wax muran ah ku jirin in ay soomaali u wada dhasheen misane marka si hoose loo sii fiiriyo waxa ay u qeybsan yihiin dhowr qeybood oo kala ah.

1-kuwa aqoon, karti iyo waayi aragtinimaba u leh in ay hogaamiyaan dalka horeyna u kasbadey kalsoonimda shacabka kadib markii ay ku quuleysteen in itoobiya ay isaga baxdey dalka maadaama aysan jirin dhibaata ka weyneyd joogitaankii ciidamada itoobiya ee gudaha soomaaliya, halkaan waxaad ka garan kartaan in aysan wax macna ah sameyneynin in aad mar qura ku dhawaaqdo in aad tahey musharax ee loo baahan yahey wax qabad iyo ficil dadka ay kuugu raacaan sida shaqsiyaadka aan sheegey ee Nuur Cadde iyo Sheeq Shariif.

2-kuwa wax ku soo bartey dibadaha muda badana ka maqnaa dalka laakiin aanan laheyn wax waayaragtinima ah oo ku saabasan arimaha jahwareerka badan ee soomaaliya islamarkaasna aanan wax door ah ku laheyn dhaqshaqaaqyada samatabixinta ah ee loogu jiro sidii loo heli lahaa qaran soomaaliyeed oo dhameystiran.

3-kuwa aqoon ahaan u qalma in ay hogaamiyaan dalka laakiin horey ugu fashilmey siyaasada dalka ugu danbeyna laga aryey xililkii lagu tijabiyey kadib markii ay uga dareen shacabkii la rabey in ay badbaadiyaan.

4-kuwa aqoon iyo caqli wax lagu hogamiya minda aanan laheyn isla markaasna ah daqaal oogayaal qaab qabiil iyo sad bursi ah ku baabi,iyey shacabka soomaaliyeed isla markaasna qeyb ka ahaa fashilkasta ee lagu kala direy isku dayadii hore inkastoo hada aysan waxba aheyn markii loo barbardhigo waagii hore.

Qeybta koowaad kuwa aan ku soo qaatey waxa ay isku sharaxeen ee ay rabaan in lagu soo doorto waa waxqabadkii shacabka iyo aduunyadaba ay tuseen ee ah isbadalka ka muuqda dalka soomaaliya oo ay ugu muhiimsan tahey magalada caadimada ah ee muqdisho marka aan sidaas leeyahey waxaa laga yaaba in aqristayaasha qaar ay ila yaabaan oo ay dhahaan maxaa is abadal ah waa taas shacabka la isku miidaamiyee wadada shaaqala.

Ismiidaaminta iyo iska hor imaadyada ka socda gudaha magaalada muqdisho iyo ciidamadii itoobiya ee dhoobnaa magaalada muqdisho oo dhan waxa ay ahaayeen dhibaatooyinka ugu xumaa ee heystey shacabka muqdisho marka hadii itoobiya ay kala tagtey dhibkii ay ku heysey muqdisho miyeysan taas aheyn is badal oo hal dhibaato oo hooya u aheyd dhibaatooyinka dhan aysan meesha ka bixin waxa hareyna ay tahey dhibatada isqarxinta ka dhalata, isqarxintase wax waa laga qaban karaa hadii shacabka muqdisho ay hal meel uga soo jeestaan, itoobiyase wax malaga qaban karey hadii ay sii joogi laheyd marka loo barbardhigo dadka iyo dalka soomaaliya oo maanta aanan laheyn awood malatary oo muuqata?
su,aashaas jawaabteeda waxaan u gartey maya waa sida ay ila tahey,

Musharaxiinta Nuur Cadde iyo Sheeq Shariif ee kala hogaamiya dhinacyada dowlada federaalka iyo Isbaheysiga ARS-ta waxa ay u dhisan yihiin qaabab lagu qanci karo waqtigoodana waxa ay u hureen sidii loo heli lahaa dowlad qaran oo loo dhan yahey waxyabihii ay balan qaadeen qaarkoodna wey ka rumeeyeen sida itoobiya oo shacabka ay ka dul qaadeen iyagoo dhinaca kalena sii wada balanqaadkoodii ahaa dhisida maamul qaran oo loo dhan yahey sidaas darteed waxaan dhihi karaa wey u qalmaan in ay isa soo sharaxaan iyagaana ugu xaq badan qof kasta ee aan iyaga ka mid aheyn ee damca jagada madaxweynenimada, aniga Abdullahi Jama ahaan iyaga ayaan u cadeyn lahaa hadii fursad la ii siin lahaa in codkeyga aan dhiibto waxaana rajeynaa in badanka soomaalida ay ila qabaan fikiraan.

Qeybta labad kuwa aan ku soo qaatey waxaan u arkaa in ay wax tar u leeyihiin dalka iyo dadkaba waana kuwa wax ku soo bartey dibadaha mudan badana ka maqnaa gudaha dalka, cilada ay leeyihiin ayaa waxa ay tahey hadii aysan waaya arag u aheyn waxa ka jira soomaaliya sidey u wajahaan mise waxa ay rabaa in ay waqti badan ku lumiyaan la qabsiga siyaasada jahwareersan ee maanta ka taagan gudaha soomaaliya waxa ay la mid yihiin dhaqtar raba in uu daweeyo bukaan uu garan la,yahey meesha laga haayo marka waxaan kula talin lahaa qolyahaas in marka hore ay dalka dib ugu laabtaan oo fahmaan sida xaalka uu yahey iyo sirta meesha ay ka quran san tahey isla markaasna ay qeyb qaataan wax u qabadka bulshada si bari marka ay isa soo sharaxaan ay bulshada ugu qadmaan oo loo dhaho waa hebelkii wadada burbursaneyn noo dhisey ama waa kii daawooyinka na siin jirey ama biyaha nadiifka ah bilaashka nagu siin jirey ama xitaa wax barashada bilaashka ah caruurta ugu deeqi jirey laakiin dhowr iyo labaatan sano ama afartan sano ayaan qurbaha wax ku baranaayey ama ka shaqeysanaayey oo aan ku noolaa halkaasna aan ka daawanaayey dhibka shacabka soomalida ah heystey kadibna maanta markii aan maqley in xilkii madaxweynaha uu banaan yahey qofkasta oo muwaadan soomaaliyeed ahna uu isu soo taagi karo ayaan intaan warbaahinta la hadlo ku dhawaaqaa in aan musharax ahey waa wax caqliga wanagsan uu diidaayo marka waxaan dhihi karaa waa adiga is sharaxee yaa ku dooranaya.

Qeybta sedexaadna waa kuwa aqoon u leh laakiin hadana horey loo bartey waxa ay galaan iyo waxa ay gudaan waayo waxa ay jagooyin muhiim ah ka soo qabteen dowladii itoobiya maciin bidey ee ka dalbatey in ay nabad ku taageerto oo aan ognahey dhamaanteen go,aankaas waxa ka dhashey, hadii aan isku dayo in aan sii ifiyo qolyahaan waxa ay musharxnimadooda kaga dhawaaqeen Nairobi iyo Qahira, marka hadii qolyahaasba ay isa soo sharaxayaan maxaa C/laahi Yuusuf cadaadis loo saarey oo loogu qasbey in xilkiisii uu maalin cad isaga huleelo waa wax la yaab leh marka waa iyaga is soo sharaxee yaa dooranaya mise anaga ayey nagu cayaarayaan maxaase ka duwan hogaan xumadii ay horey u sameeyeen oo hada ay la soo shirtageen.

Qeybta afaraad ee ugu danbeysa ayaaba ka sii daran qeybta 3aad waayo waa Hogaamiyaal kooxeedyo,dagaal oogayaal,qabyaalistayaal iyo xitaa aan dhaho damiir laawayaal fashilan waliba oo qofkasta oo soomaali ah uu ogyahey kaalinta ay ku leeyihiin dhibaatada dalka ka jirta waayo 17 sano ayey dalka ku heysteen afduub oo wax aysan hogaanka u heynin iyo wax gacanta loo galiyeyba ay fashilinayeen ilaah mahadiis waxaa ku soo baxey madowgii maxaakiimta oo dadka hor dhaafiyey hadeyna rabaan in mar kale ay dib u soo ceshtaan awoodii sharci darada iyo qabiileysiga ku dhisneyd.

Markaan dhaalacdo ama aan dhageysto qalabka warbaahinta soomaalida ee aan arko qolyahaan aan ugu magac darey waa iyaga isa soo sharaxee yaa dooranaya mar waan qoslaa, mar waan yaabaa marna waxaan is dhahaa malaha wey saxsan yihiin inta ay helayaan shacab u sacaba tumaya musharxnimadooda waayo waxaa qeybo ka mid ah warbaahinta ka maqley ama websate-yada aan ka aqristey shacab soomaaliyeed oo si weyn u soo dhoweynaayo mushaxnimada qolyahaan mararka qaar aan dhihi karo waaba danbiilayaal dagaal oo mudan in maxkamad la soo taago{ waxaan ula jeedaa kuwa aan ku xusey qeybta 3-aad iyo qeybta 4-aad}

Ugu danbeyn waxaan kula talinayaa shacabka soo maaliyeed meelkasta ay joogaan in ay iska ilaaliyaan waxa keeni kata kala qeybsanaan ku dhisan qabyaalad waayo waa waxa ay ka faa,ideystaan qolyaha aan qeybaha danbe ku xusey.

waan ugu mahdcelinaa qofkasta ee aqrista qoraalkeygaan.
W/Q Abdullahi Jama.
Exiled Somali Journalist.
Middlebrug-Nederlands.
cadawe20@hotmail.com
cadawe20@yahoo.com
Halkaan ka dhageyso Muxaadaro Janaqoow

DHAGEYSO HEESTA WAAGACUSUB EE SANADKA CUSUB 2009

Faallo-Xulka Bariiska Jaayga Ku Soo Cunay Xerada Jabouti Iyo Natiijadiisii+sawiro

Mohamed Qanyare should sue the Atlantic, not threaten Waagacusub

Dhageyso Su-aalaha iyo Muxaadarada Hassan Dahir

Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media