Maqaal 20 Fabaury 2009 Waagacusub Media

Booqo Waagacusub English Site PhP

       بسم الله الرحمن الرحيم


Qoraal uu qof saxafi ah qalinka uqaato oo uu misana kusoo bandhigo aaladaha warbaahinta ma ahan mid sahlan oo meel yar taabanaya waana mid yeelanaya saameyn balaaran oo marna dhibaato abuuri karta marna hirglinkarta jawi nabadeed oo farxad galisa bulshada dhexdeeda.

Mudadii kudhawaad labaatanka sana aheyd ee uu dalkeena hooyo ee soomaaliya ku jiray nidaam darida iyo burburka waxaa bulshada loosoo bandhigayay qoraalo qaar badan oo ka mid ah sii kala fogeynayay shacabka soomaaliyeed qaarkoodna lagu tilmaamikaro in ayba ka darnaayeen madaafiicdii sida arxan darada aheyd loogu garaacayay shacabka soomaaliyeed waayo madfac meesha uu haleelo dadkii jooga unbuu laayaa laakiin qoraalkaan dhiiga xambaarsan waxa uu kiciyaa kumanaan iyo kumanaan qof oo markaas si caro leh ku dagaalgala meeshaasna waxaa kasoo baxeysa kumanaan madfac oo bulshada lagu garaaco.

Dhinaca kale lama xaqiri koro in ay jireen Suxufyiin qalinka uqaatay sidey bulshada utusaaleyn lahaayeen muhiimada nadadda iyo sidii looga bixi lahaa dhibaatada argagaxa laheyd ee ku habsatay dalkeena hooyo waana hubaal in ay jiraan suxufiyiin reebay qoraalo taariikhda galay oo ka tarjumayay danta dadka iyo dalkaba.

Hadaba hadii aan usoo daadago muhiimada maqaalkeygan Waxaa maalmahaan danbe aad u soo badanaya qoraalo ay Qorayaan dadka wax qora qaarkood kuwaasi oo marka aad aqriso durbaba aad ka dhadhamineyso waxyaabo aan wanaagsaneyn oo maanta oo lagu tilmamikaro maalintii ugu rajada wanaagsaneyd shacabka soomaaliyeed wali kasii tarjumaya waxyaabo laga tagay oo ku dhisan qof jecleysi iyo qabyaalad kuwaas oo ahaa kuwii lafdhbarka u ahaa baabi'ii inagu dhacay, hadii aan nahay Bulshadda wax Qorta waxaanu ognahay in Saxaafaddu ay tahay MIDDI LABO AF LEH oo aan ula jeedo in loo adeegsan karo dhanka wanaagsan iyo dhanka xun labadaba qofka Suxufiga ahna waxaa wanaagsan in uu dhanka xun uusan adeegsan waayo waxuu ku hadlayaa afkii umadoo dhan oo wixii uu qoro waxaa dhici karta in eey kiciso shucuurta dadka halkaasna ay ka bilaabato colaad markale laharta iftiinka wanaagsan ee haatan noo bidhaamaya ee kasoo baxay shirkii jabuuti ee lagusoo yagleelay dowlada midnimada qaran waxaanan ku arkay warbahinta qaarkood qoraalo badan oo lagu falanqeynayo mas'uuliyiinta dowlada iyo waliba jagooyinka aan wali la magacaabin kaasi oo si qabyaaladeysan lookala tilmaansanayo waano caado aad moodo in aysan wali inaga harin in ugu horeyn mas'uulka lamagacaabo la isweydiiyo cida uu yahay iyadoo aan ognahay dadka soomaaliyeed in ay yihiin dad aan badneyn oo dhinac kastana isaga mid ah sida jinsiga, diinta iyo dhaqankaba.

Aqristoow waa hubaal in qofkasta oo qoraa ah ay saran tahay waajib ah inuu u adeego bulshaweyntan daalan ee soomaaliyeed isla markaana meediyaha loo isticmaalo sidii indhaha dadka iyo dhagahoodaba loogu weecin lahaa dhanka wanaagsan ee nabadda mar hadii la helo nabad waarta iyo maamul wanaagsan waxaa la gaari doonaa xili si fiican loo xisaabtamo loona turxaanbixiyo taladda dalka dadka eey ku wanaagsan tahay iyadoon qabiil loo fiirineeynin, qofkasta oo u adeega saxaafadda ama wax qorana waa inuu ogaadaa in maalin aan maantey aheyn ay taariikhda xusi doonto.

Waxaa wax lagu farxo ah ku dayashana mudan maqaal uu qorey qoraaga Maxamed Barre Xaaji Fiyoore oo uu ciwaan uga dhigay (Raisal wasaaraha Soomaaliya oo noqdey Ninka kaliya ee Ciyaalka xaafadda ah) waxaa laga yaabaa ineey dad badan is weeydiiyaan waxa uu ka wado Qoraaga ciyaalka xaafadda inkastoo laga yaabo dadka qaar aan ku dhalan xaafadaha magaalada muqdisho ama ku soo korin iney si qaldan u fasirtaan waloow dadkii daganaa magaalada muqdisho ka hor burburkii sida la ogyahay eysan isku beel

aheyn qabiilkasta oo soomaaliyeedna laga heli jirey Magaaladda Muqdisho maadaama ay aheyd Magaalo Madaxdii Wadanka dhalinyaradda reer Muqdishana dagaaladii ka hor aysan sheegi karin qabiilka ay u dhasheen, run ahaantii ereygaas waxaa ku duugan murti aad u weyn oo ah sida uu qoraagu u doonayo in dadka Soomaaliyeed maskaxdooda qabiilka la qabsatey looga baabi,in lahaa waa wax lagu farxo markii la is weeydiiyo qofkaasi yuu yahay hadii jawaabtu noqoto waa ciyaalka xaafaddeena ama qofkaasi waa ciyaalka xaafad hebel,qoraayaasha ku talo jira ineey weli qoraalkooda ku soo cadeeyaan qabiil hebel waxaan kula talin lahaa waan soo aragnay qabiil dhibaatadiisiiyee in eey wax ka badalaan qoraaladooda sababtoo ah wexey ugu horeeyaan dadka maanta laga sugaayo ineey la dagaalamaan jahliga iyo qabiilka ayna bulshada wax wanaagsan ku soo kordhiyaan sida qoraa Fiyoore oo maanta mid ka mid ah maqaalada taariikhda galaya usoo bandhigay bulshada, qofka uu ka hadlayana usameeyay maanta mushtamac aad ubalaaran oo taageerayaal ah oo aan qabiil laheyn oo ah intii kusoo barbaartay ciyaalka xaafada.

Marka aad fiiriso habdhaqanka dadyowga hore umaray waxaad ku arkeysaa in ay ku dhaqmaan is gobaleysi iyo is xaafadeysi halkii ay kaga dhaqmi lahaayeen isku urursi qabyaaladeed oo aad qofkii dariskaaga ahaa kaga xigsato qof aad maanta isbarateen oo isku isir hore aa tihiin "Alla wanaagsanaan laheydaa hadii howshu inoo wada ahaato sida qoraa fiyoore uu sheegay ee ciyaalka xaafada"

Si kastaba arintu ha ahaateen qoraayaasha soomaaliyeed waxaa lagudboon maanta in ay iyagana dhinacooda iska ilawaan waxyaabihii lasoo maray ayna ogaadaan in maanta lagaaray waqtigii ay dhigi lahaayeen qalinka dhiiga leh badalkiisana ay qaataan qalin cad oo waxii lagu qoro ay usoo carfeyso qofkii aqriyaa ayna si isku mid ah usoo wada jiidaneyso dadweynaha soomaaliyeed marka taas la sameeyana waa hubanti in dadka kale ee nabad diidka ahna ay qaadan doonaan nabadda mar hadii aysan heleyn qoraa buunbuuniya beentii iyo balaayadii ay usheegi jireen dadka soomaaliyeed.

waxaan qormadeyda ku soo gunaanadayaa Qoraaga wanaagsani waa midka markasta qora ama cabira xaaladda ugu wanaagsan ee dalkiisa ugana diga dadka w

waxyaabaha xunxun isla markaasna tusa Wadadda Wanaagsan sida ku dhaqanka Shareecadda Islaamka Wadaninimo Nabadd Horumar wax soosaar Midnimo IWM


W\Q Fardowsa sh xasan Kuuriya
fardowsok@hotmail.com

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media