Waagacusub English News Clickhere

Somalia:Local media takes tough stand Clickhere

Madaxweyne Shariif oo la hadlay Jaaliyadda Uganda.

Kampala 15 March 2009 Waagacusub Media

Madaxweynaha Dowladda Kmg ee Somalia iyo wafdi sare uu hogaamanayo oo maalintii sadexaad booqasho rasmi ah ku jooga caasimadda wadanka Uganda ee Kampala ayaa khudbad u jeediyay jaalliyadda Soomaaliyeed ee ku nool Uganda .
 
Boqolaal soomaali oo isugu jira rag iyo Haween ayaa Madaxweyne sharif waxa uu kula hadlay Hoolka Hotel Africana oo ku yaala bartamaha Magaalada Kampala .

Sheekh Shariif waxa uu ugu horeyn uga mahadceliyay Dowladda Uganda soo dhaweynta dadka soomaaliyeed ee ka soo qaxay wadankooda iyo taageeradda nabad ilaalinta ay u fidisay Somalia.

Sheikh Shariif waxa uu xusay in la heesto fursad looga bixi karo dhibaatooyinkii la soo maray,waxa ayna u baahan tahay ayuu yiri Dulqaad iyo naf hurid sida uu hadalka u dhigay.

Madaxweyne sharif waxa uu ka hadlay duruufaha ka jiray wadanka Somalia 18-kii sano ee la soo dhaafay,colaada,barakaca shacabka iyo burburkii soo gaaray adeegyadii bulshada,sida waxbarashada,caafimaadka iyo nolosha dadweynaha,iyadoo arimahaasi uu ku tilmaamay nasiib daro ku dhacday Somalia.

Madaxweynaha dowladda Kmg ee Somalia sheikh Sharif waxa uu sheegay in Dowladiisa ogoshahay iney la hadasho cid kasta oo wax tabaneysa,balse waxaa loo bahan yahay ayuu yiri in ciddii fidno wado loo sheego, oo la qabto,hadii kale waxba ma hagaagayaan.

Marnaba shaki ma galin ku dhaqanka shareecadda Islaamka laakiin waxa ay u baahan tahay in la dhowro Diinta,lana joojiyo dilka dadka iyo wax kasta oo ka horimaanaayo shareecadda,"Diinta islaamka waa sinaan iyo cadaalad,waxaana Dambi weyn ah in Alle iyo Diintiisa si qaldan dadka lagu dhibaateeyo" ayuu yiri Madaxweyne Sharif.

Madaxweynaha Somalia waxa uu rajo wanaagsan ka muujiyay dadaalada nabada ee ka socda gudaha dalka taasoo uu tilmaamay inay ku howlan yihiin,culimaa'udiin,Ururadda bulshadda iyo waxgarad Soomaaliyeed,si dib loogu soo celiyo xasiloonida iyo kala dambeynta dalka.

Dowladda oo kaliya kuma filna wax ka qabashada baahida ka jirta wadanka ayuu yiri sheikh sharif ,isoo hoosta ka xariiqay in wadanka uu soo gaaray burbru lixaad leh oo u baahan in si wada jir ah wax looga qabto shacab iyo Dowladba.

waxaa halkaasi sidoo kale ka hadlay raii'sulwasaare kuxigeenkii 1aad ahna wasiirka Maaliyadda sharif Xasan sheikh Aden iyo wasiirka arimaha dibadda Maxamed Cabdulaahi Omaar iyo safiirka Somalia ee Uganda H.E Sayid Axmed.

sidoo kale waxaa halkaasi ka hadlay culimaa'udiin,ganacsato,Haween,
Waxgaradiyo ardey jaamacadaha mataleysa jaaliyadda soomaalida ee Uganda .

Xasan kalkata,
kalkata1@hotmail.com
Kampala Uganda

Halkaan ka dhageyso Wareysi Madaxa ASOJ

Waagacusub Media: Kulmiyaha Suxufiyiinta Soomaaliyeed

Barnaamijka Tijaabi Codkaaga Part 2 Dhageyso

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media