Qeybtii 2aad Cadaalad maaha+ looma dhama+Waa ridoobay ,By Abdullahi Sheekh Hassan

Maqaal 15 Fabaury 2009 Waagacusub Media

 

Wasiirki hore ee kacaanka ka tirsanaa 20kii sano wuxuu yimid asagoo ka faa-iideeystay is heeysadkooda waayoo asagu marka xukumadiisa la ridaayay waxan shaki ku jirin siyaasad uu damco iska daaye xataa naftiisa ayaa qatar ku jirtay.

Runti marki uu Mogadishu yimid si weyn ayaa loo soo dhaweeyay xataa tikinikooyinkii qabqablayaashu lahaayeen ayaa soo dhaweyntiisa ka qeyb qaatay iyadoon qabqablayaashii lahaa raali ka aheyn ayey maleeshiyooyinki waday amar la'aan Balidoogle u kaxeeysteen,shacabkana Mogadishu ilaa Bali doogle ayey safaf dhaadheer la galeen ubaxyo iyo sawirada Cabdi Qasim Salaad Hassan.laakiin nasiib daro kama faa,iideeysan Abdi qaasim aqoonti uu Maamulka u lahaa iyo biseeylka dadka Mogadishu u qabeen xukumad iyo in mar uun arkaan ayagoo u nool sida dunida dadka jooga u nool yihiin.Sababtuna waxey aheyd waxa uu isu dhiibay Dr Abdi qaasim ganacsato ka taajirtay foowdada iyo dowlad la'aanta.

Maadaama Dowladiisa caqabado badani hor yiileen aqoonsigeeda laguna xiray in hadii dekada iyo Airaporka la furo kaalma dhaqaale lasiin doono ayuu gacan dhaqaale marti ugu noqday ganacsato inteeda badan burburki ka hor aan la aqoon oo micneheedu yahay inta dadka Somalida qaar wixi horay ay u shaqeeysteen dagaaladii ku waayeen ay ayagu dagaaladi lacag badan ku heleen, marabo in aan intaas u dhaafo.

Ganacsatadaas islamarkiiba waxey Madaxweyne Cabdi qaasim ka dhaadhacsiiyeen in lacag feelsa ah la soo daabaco si ciidamada Mushaar loogu siiyo,asaguna waa aqbalay ileeyn wax uu ku bedesho ma haayo waayoo hadii uu amniga sugi lahaa asagoon baryin ayaga ayuu canshuuraha uga qaadi lahaa lacagta ay hada ku gaarsiiyeen in Madaxweynihi ogolaado in xaashooyin falsa ah la sameeyo tabar ku kordhinta dowladiisa.

Caqabada kale waxay aheyd Ethiopia oo ayadu marna raali ka aheyn inay Somalia dowlad wax ku ool ah oo ayada ka madax banaan yeelato kuna soo hubeeysay nimankii dad iyo deegaan wadageen Cabdi qaasim sidaasi darteed waa ku qasbanaaday inti uu Ethiopia isu dhiibi lahaa inow tijaarul xarbiga isu dhiibo War iyo dhamaantiis, dowladii Abdiqaasim looma dhama ayeey u naf weysay.

Waxaa la abaabulay shirkale oo Ethiopia garwadeen ka tahay,waxa lasoo dhisay Dastuurkii ay Ethiopia rabtay,Waa federal oo micnihuusa yahay aan kala tagno,waxaa kalooy soo dhistay ninki ay rabatay Waa Abdullahi yuusufe.

Waxa kalooy ku mideeysay Dowladaas ragi ayagu intooda badan Caruurtoodu Jaamacadaha ugu magaca weyn dunida dhigtaan ayagana sumacad ay dhoowranayaan iyo waxay dhaleen oo dalka ka joogay aysan jirin,Waana inaad xasuusnaato ragaas waxa Dowlada loogu daray inay ka hor yimaadaan dowlada hadii ay hareer marto rabitaanka Ethiopia,ileen waa u tababaran yihiin sida wax looga horyimaadee.

Waxa laga ilaalshay hal nin oo Qoryooleeyda kamid ah inuu banaanka ka joogo dowladaas waayoo waxa la rabay in ayada leeysku baabasho waayoo hadafka loo dhisay ma aheyn inay dowlada shaqeeysa noqoto ee waxey aheyd in aan Abdi qaasim magac dowladeed asaga oo sheeganaya shirarka ka qeyb gelin ethiopiana la fadhiisan shirarka Afrikaanka taasna waa lagu guuleestay oo barqacad ayuu Yuusuf ku wareejiyay.

Hadaba waxyar kadib maxaa dhacay,Nimanki ku taqasusay looma dhamo dowladi ay ka tirsanaayeen lafteeda ayey ku dayeen oo yiraahdeen Looma dhama,welibana waxaa xusid mudan nin hogaamiya kooxeedyada ka mida oo aan Wasiir ahayn ma jirin,waxaana u dheeraa xildhibaan oo ay gaarsiiyeen markii horeba in dastuuriyaan qofaan Xildhibaan ahayn Wasiir noqon karin.

Mucaradnimo la yaab maahan dunida laakiin waxa layaab noqotay Wasiiro,Xildhibaano ah hadana Mucaarad ah,dadka qaar waxay isweydiiyeen nimanku ma waxay rabaan in maareeyanimo loogu daro Xildhibaan nimada iyo Wasiir nimada ileen waxkaloo u dhiman lama yaqaane maxaa yeelay gar ayey ahaan lahayd ay iska casilaan xilka eey hayaan dabeetana ay Mucaaradaan ayagoo ku mucaaradaaya wax qalada oo aysan dadweynaha u sheegi karin .

Looma dhamo ragii USC-da u badnaa waxey la gaartay dowlad ay ayagu soo dhisteen oo ayagu gacantooda ku soo qoreen cid kasta oo ka mid noqoneeysa marka naftooda laga bilaabo inay dhahaan looma dhamo!!?
Isweydiintu waxay tahay "Hada xagee maree looma dhamo"
Rag dhalinyara u badan oo wadaada sheeganaya ayaa alle ku saliday reer looma dhamo mid ay bada gelsheen iyo mid ay beriga banaan ku raacdeeyeen ayey ka dhigeen.

kadib xukunkii ay xaafad xaafadaha u kala qoqobteen ayey hal maamul oo inta badan koofurta Somalia wada gaaray ka dhigeen, dadkii waa nastay qof walibana waxey fursad u heshay wixii xoog looga heystay inay si cadaalad ah u hesho xataa waxa hantidoodi u dacwooday ilma Mohamed Siyaad Barre oo looga qaaday dadki hantidooda kaheystay,laakiin waxa sunada alle ka mid ah waxkasta oo buuxsamaa inay dhaxoobaan. waxa kaloo kamida in qof meelkasta kufiican aanow jirin.

Markii ay intaas oo hoowla qabteen oo dekedda iyo Garoonka xirnaa xataa fureen,waxaa ka dhex bilaawday isbar bar yaac iyo in aan amarka hal meel laga wada qaadan,Waxaan xusuustaa Jaad ayaa la gubay,Waa wax fiican diin ahaan iyo dhaqaala ahaanba laakiin diinta islaamku waxey qabtaa qofka wax xun sameeynaaya in aad marka hore u digto ugana nasteexeeysid ficiladiisa xun,hadii uu diido si cadna aad marsiisid waxay shareecada Islaamka qabto.

Qeeynuunka gaaladu ku dhaqanto xitaa wuxuu qabaa in fulinta iyo sharciga la hormarsho sharciga.laakiin in fulinta laga bilaabo meel qabtaahu majirto.

Waxaa dhacday,galab ayaa jaad ka soo degay garoonka Mogadishu waxaa yimid nin Masuuliyiintii Maxkamadaha ka mida ayadoo ninkale oo masuuliyiintaas kamida amray in la gubo qaadka.

kii yimid waxa uu yiri la gubi maa laakiin waa loo digaa in mardanbe la keenin,kii kalena waxa uu ku adkeeystay waa lagubaa dabeetana xaaladii aad ayey u xumaatay,waxeyna gaartay meel aanan hada qoraalkeeyga ku sheegeeyn laakiin ugu danbeeynti waa lagubay

Taasi waxey ku tusee in wax nadaama oo leesku raacsanaa aan wax lagu maamuleeyn marka laga soo tago in shareecda islaamka dalka lagu maamulo

Calaakuli xaal waxa kale oo la og yahay dagaalki baydhabo lagu qaaday in aan tala mideeysan lagu qaadin

Isku soo duub nuxurku ,Waatii Ethiopia wadanka qabsatay,Masuuliyiintii Maxkamaduhuna inta badan waa kuwa Asmara isugu tegay,muda kadib waa tii la dhisay urur loogu magacdaray dib u xoreeyn waxyar kadib waxaa bilaabatay waa ridoobay Kelmedi hore ee looma dhama mid ka culus baa dig soo tiri,maxaa yeelay waa gaaleeysiin oo maaha wax sahlan,La soco qeybta sedexaad ee Qormada si aad u ogaato dulucda sheekada.


W/Q Siyaasigga
Abdullahi Sheekh Hassan
Mareeye@hotmail.com
London-Uk

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media