La`dilyayee Maloo Digay? By Mbarre Fiyoore

Qormo12 Fabaury 2009 Waagacusub Media

Uurkaadu wuxuu laba rogmayaa markii uu Walaal kuu dhow kugu weeciyo Waranka adigoo markaa wax walaahow ah aadan ka qabin, runtii waa dareen aad fahmin kartid Aqristow adigoo ah Saxafi Saafi u ah Dadkiisa Muslimiinta wada ah Cadowgii soo jireenka ahaana markii uu caraabay Salaan wacan iyo Saadaal qeyr leh Soomaaliyeey hanta yiri halagu Surgooyo sow Saxiir maahan.

Warfidiyeenadeena waa kuwii Halganka kasoo qeyb qaatay iyagoo in badan oo Baraarursan lehna ay ahaayeen kuwii tabin jiray Gumaadka Cadowga geysanayo kasoo in badan ay isku dayeen Abasiiniya iyo kuwii u ahaa Tooshka in ay Albaab Qufuleh ku xiraan Saxaafada hanaqaadka ah, xiligaa waxaa dhaayaha ku wada heynay in qaar badan la xiray kuwa la Jirdilay qaarna waayeen Naftoodii macaaneyd halka kuwa kasoo haray ee ah halyeeyada Nool ee bisil aysana Saxafadooda ku dhisneyn Af Qabiil iyo Arwaax Doqonimo ay Shafka udhigteen in ay tagaan meel kasta oo uu ka dhaco Gumaad ama duqeyn iyagoo Aduunka ubaahinayey Sawirada Isir tirka iyo Wararkooda ku lifaaqan.

Saxafiyiintena waa kuwii ka reebay hadalada Tariikhda madow galay ee Shisheeya Kalkaalka laga hayo, waxaan ku weydiiyey aqriyow Marxuumkiii ay Dileen Gacmaha Dahsoon ee Cadowga Wariye Mahad Cilmi Allaha unaxariistee kasoo ifka ubaneeyey Maatidii uu Afka ku Difaaci jiray Xaqooda miyaan Maanta Alle maba qadarinee Mindideena u quuri laheyn xiligaan guusha helnay oo aan ka bogsaneyno Nabaradii Injirey, waliba ogow isagoo aan loo digin miyuusan Marxuum Siciid Tahliil sidaa aheyn iyo inta kale ee aan u hanjabno Maalinkasta.

Miyey kula sahlan tahay inta fara ku tiriska ah ee Afkooda iyo Qalinkooda ugu xusul duubtay in ay ka dhiidhiyaan Wayaano Injirey iyo Waladadeedii inagu habsatay in loo quuraa Dil,hanjabaad, iskaba dayee in midaa loo quurayee waxey mudan yihiin inta la isugu keeno meel in midba heerkuu Diinta iyo Dalkaba u difaacay laga abaal mariyo Bilad Geesina Garabka loogu xiro, hadeyse kula tahay in ay yihiin Warfidiyenadeena kuwa aan Qiima ku fadhig ogow jaahilnimaa ku biday sidaase in ay yihiin Tiirka Gobonimada, ogow midkadan Qalbiga Oodan in Dal uusan jiri karin haduusan heysan kuwa Iibiya Himilada Shacabkooda Difaacana marka ay Ciriiri galaan la waayana Harka.

Waxey kula ahaatay Dhagar qabahan la hadlayow Wariyuhu wuu hadlaayee Aamusi, oo kuma Wereystee Aamusi,oo waa Agoonee Aamusi, ogow bulshadaad ka aragtay tasoo Huruda oo aan ogaan Wiilkeeda Samaha jecel iyadoo xitaa hal Mudaaharaad aan isugu iman markii ay Dhagar qabayasha Dileen Marxuum Saciid Tahliil, hadey kacdoomi lahayeen ka qeylin lahayeen Dilkii Marxuum Xasan mayow ee Afgooyo lagu Feentay, hadey u istaagi lahayeen inta baaqiga ah ee Nool Cabsina hareysay,hadey intii horey loo Dilay ka guban lahayeen sida Marxuumiinta kala ah Abshir Cali Gabre, Duniyo, Nasteex Daahir, iyo qaar badan oo saaxiibadey ah Aakhirana u hayaamay waxaa markaa Qufulmi lahaa Albaabka Sharta, Dhagar qabuhuna wuu baran lahaa in Saxafiga Soomaliyeed ay Waardiya adag ka yihiin Shacabkiisa.

Taa badalkeeda waxaa Shacbiweynuhu ku sagootiyaa Wariyhii la Dilaaba Tacsi Idaacad iyo Talo Fadhiid ah, waxey ka hadlaan Waxgarku Warbaahinada sii deynaynaya u Baroorashada Wariyaha dhintay, waxey ku ekaataa Tacsidaa Guud ahaan Saxafiyiinta Soomaaliyeed, Makaroofankii iyo Rikoorkiisii warqabka, waxaa xaqiiqa ah in baahi joogto ah loo qabo Warka uu ku keeno si halisa oo Naf nac ah Runtiina aan ka walwalo marka aan Idaacadaha ka dhageysto Saxafi kasoo waramaya Jiida Dagaalka Bishiina qaata Lacag yar oo aan u qalmin inta uu marayo balse ay kaga weyn tahay Mihnadiisa Warfidiyeenimo, yaase u og aan is weydiiyee wuxuu uhayo Shacabka,waa maya, yeelkadiis,isagaa iska dhintay Wariyuhu.

Runtii maxey iga dhibi laheyd hadii loo digo oo loo sheego waxa lala maagan yahay oo la`yiraahdo sidaa daa ama sidaa filo, taa badalkeedu waa isagii oo aan Walbahaar qabin sheeko Halaasina iska wata, moodayna in Shacabkiisu Jecel yahay walibana dhex mushaaxaya Bartanka Bakaare isagiiyoo ay dhexdana u xiran tahay qofkastana arkaya in uu yahay Saciid Tahliil oo ay la socdaan Warfidiyeno kale oo Mash huura, waxaase taa badalay sida uu iisheegay mid kamida Saxafiyiintii la socotay oo uu isagu ugu hadal danbeyey Marxuum Siciid tahliil in iyagoo qabar daara Xabado ay ku bilaabeen Rag hubeysan, waxaanse la fajacay sida dadku u wada`daawanayeen Dilkiisa iyadoo aysan cidna wax ka qaban balse Su`aasha taagani waxey tahay Marxuum Wariye Saciid Tahliil La`dilyayee Ma`loo Digay?


Mohamed Barre Haji "Fiyoore"
Qorraa iyo Saxafi Somaliyeed


Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media