Somalia:Moderate Islamists declare Jihad against Al-Shabab By Alasow Clickhere

Somalia:People supports government in rallies By Alasow Clickhere

Weriye Cagayare oo warbixin ka soo diray Baardheere.

Baardheere 11 March 2009 Waagacusub Media

Xaaladda degmada Baardheere ee gobolka Gedo ayaa degan kadib markii uu shalay galankii dambe uu dagaal ku dhexmaray ciidamada Al Shabaab iyo kuwa kale oo taabacsan Ururka Ahlu Sunna Waljamaaca, inkastoo khasaarihii ka dhashay dagaalkii shalay galab uu sii kordhayo.
 
Dagaalkii shalay ayaa waxaa ku dhaawacmay inkabadan 8 ruux oo ay kamid yihiin haween iyo dad rayida oo aan waxba galabsan, ayadoo ay u ildaran tahay haweenay uur lahayd oo xabadi ay haleeshay xiliga uu dagaalku soconayay.

Qaar ka mid ah dadkii ku dhaawacmay dagaalka ayaa loo qaaday dhinaca degmada Diinsoor ee goboka Baay halkaasoo lagu dabiibayo maadaama degmada Baardheere aysan lahayn rug caafimaad oo dabooli karta baahida bukaanada.

Sarkaal u hadlay Ururka Al Shabaab ayaa qiray in nin kamid askartooda uu ku dhintay dagaalka kaasoo u nafwaayay dhaawac halis ah oo soo gaaray.

Taliyaha saldhiga booliska degmada Baardheere ee Alshabaab Abuu Shureyn oo lahadlay saxaafada ayaa sheegay in ay la waregeen goobihii lagu dagaalamay iyagoo dhinaca kalena sheegay in ay qaadeen amar deg deg ah oo fiidnimadii xalay ay ku soo rogeen Magaalada Baardheere ee gobolka Gedo.

Goobaha Ganacsiga, iyo suuqyada ayaa dib u furmay ayadoo isku socodka dadkuna uu caadi ku soo laabtay kuwaas oo u xirmay dagaalkii u dhaxeeyay Al Shabaab iyo Ahlu Sunna Waljamaaca.

Amaanka degmada Baardheere ayaa maalmihii la soo dhaafay waxa uu ahaa mid uu muran xoogan ka taagnaa taasoo ka dhalatay kadib markii Culumada Ahlu Sunna Waljamaaca ay ku adkeysteen in ay xusayaan munaasabadda dhalashada Nabigeena Muxamed NNKH halka Xoogaga Ururka Al Shabaab ay iyana diidanaayeen iyagoo marar badana amar ka soo saaray in munaasabad noocan oo kale ah lagu qabto Masaajida iyo gobaha kale ee magaalada Baardheere ay mamnuuc tahay.

Si kastaba ha ahatee odayaasha iyo waxgaradka ku dhaqan Magaalada Baardheere ee gobolka Gedo ayaa haatan waxa ay ku howlanyihiin sidii loo qaboojin lahaa dagaalada ka soo cusboonaaday Magaalada iyagoo baaq nabadeed u jeediyay dhinacyada halkaasi ku dagaalamay.

Shaqaaqooyinkan ayaa ku soo beegmaya xili Inta badan dalka Somalia laga xusay dhalshada nababigeena waxa uuna dagalkani noqonayaa inta la ogyahay kii ugu horeeyay ee ka dhaca goob munaasabadaasi lagu qabanayay.

Mr. Cabdifitaax Ibraahim Maxamed (C/f Cagayare)
+2525 0 986554
+254 (0) 722474596
Cagayare17@hotmail.com

Barnaamijka Tijaabi Codkaaga Part 2 Dhageyso

Halkaan ka akhriso Englishka
Qore By: Elizabeth Withey,
Turjume By: Dahir Abdulle Alasow
Photograph by: Rick MacWilliam,
The Edmonton Journal
Barnaamijka Tijaabi Codkaaga Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media