Guusha Shariif Sheekh iyo Qormada Weriye Abdullahi Jamac

Holland 01 Fabaury 2009 Waagacusub Media

Guusha Sheekh Shariif oo Bog cusub u furtey Siyaasada iyo Shacabka Somalia

Hadii aan qoraalkeyga ku bilaawo waxa iiga baxey doorashii Jabuuti ee codka aqlabiyada ahaa uu ku qaatey Sheeq Shariif kursigii madaxweynenimda soomaaliya waxaan dhihi karaa waxa ay aheyd doorasho soo gabagabeysey bog hore islamarkaasna furtey bog cusub taas oo macnaheeda uu yahey in la heley waxa caalamka iyo soomaalidaba ay wada doonayeen muda badan sababtoo ah caalamka waxa ay doonayeen mudooyinkaanba qof ay ka iibinkaraan soomaalida oo taageera weyn ku dheh leh bulshada dandareysan islamarkaasna ah qof aqoon weyn u leh dhinaca diinta islaamka iyo ku dhaqankeedaba inkastoo ay ku tilmaamaan in ay muhiim tahey in qofkaas uu yahey qof qunyar socod ah waayo dalka soomaaliya ayaa maanta waxa uu marayaa marxalad adag oo ay buuxdhaafiyeen rabshado ku saleysan dhinaca diinta.

Hadaba si looga soo gudbo bogii hore ee maamulada soomaalida ay caanka ku ahaayeen oo ahaa in maamulada ama dowladaha kumeelgaarka ah ee loo soo dhiso soomaalida in madax loogu dhigo rag muda badan siyaasada ku soo jirey oo aanan ku cusbeyn dhegaha dadka, da,ahaana aad u weyn waxa laga filan karana ay aad u yaraayeen ayaa waxaa hada la garowsadey in loo baahan yahey rag da,yar oo garan kara dhibaatada dhinaca diinta ah ee jirta iyo sida xal loogu heli karo, halka siyaasiyiintii hore badankood ayba qabeen in wadaadada aysan aheenba in ay siyaasada soo galaan igoo dhihi jirey waa in ay ku ekaadaan misaajidada iyo in ay duceeyaan oo kaliya.

Somalia: Profile of Somalia's new president By Dahir Alasow

Marka waxaan dhihi karnaa doorashii madaxweynaha cusub sheeq shariif sheeq axmed waxa ay soo afjartey bogii hore ee soo furnaa mudada badan waxeyna bilowdey bog cusub oo ku saleysan in wadaada laga qeyb qaliyo siyaasada isla markaasna lala macaamilo dhamaan garabyada hubka sita ee soomalida ah hadii ay yihiin wadaado ama kooxo is abaabuley oo maleeshiyooyin ah si loo samata bixiyo shacabka iyadoo la ilaalinayo danaha iyo macaamilka shacabka soomaaliyeed kala dhexeeya gaar ahaan dowladaha dariska la ah guud ahaan caalamka oo dhan.

Hadaba qofka ay wada doonayeen soomaalida iyo beesha caalamkaba waxaa noqdey Madaxweyne Sheeq Shariif Sheeq Axmed waayo gudaha dalka soomaaliya taageera weyn ayuu ku dhex leeyahey beesha caalamkana waxa ay u aragtey in uu yahey qofka kaliya ee ku xiriirin kara shacabka soomaaliyeed in uu yahey sidaas darteed waxaa u suuragashey in baarlamaankii ugu badnaa ebed ee ay yeeshaan soomaalida uu si aqlabiyad ah u siiyey codkiisa si uu u noqdo madaweynaha ay ku wada qanacsan yihiin soomaalida iyo beesha caalamkaba.

Maxaa laga dhowrayaa in uu qabto?

Marka laga soo tago guusha uu soo xanbaarsadey ee ka dhigtey Madaxweynaha xiligan ay leeyihiin umada soomaaliyeed waxaa jira howlo aad u fara badan oo u wada baahan in laga bilaawo dhulka kuwaas oo midkasta oo ka mid ahna ay u baahan tahey in loo wajaho si taxadar, aqoon iyo waayaragtinima ku dhisan iyadoo waliba ay lagama maarmaan tahey daacadnimo iyo wadaniyad in la muujiyo si loogu guuleysto howlahaas oo dhan waayo dalka uu madaxweynaha u noqdey waa dal u u burburey amaan ahaan, dhaqaalahaan, bulsha ahaan iyo xitaa dhaqan ahaan, marka in dib loo soo celeyo dhamaan waaxyahaas oo dhan ma ahan wax sahlan mida ugu adag ee fashilka degdega ah keeni kartana waa soo celinka amaanka iyo kala danbeynta.

Hadii aan si gaar ah u taabto waxyaabaha looga fadhiyo in si degdeg ah uu u sameeyo waxa ugu horeeya soo dhisida gole xukuumadeed oo dheelitiran oo ay ka wada muuqdaan dhamaan beelaha soomaalida iyo dhamaan garabyada ku lug leh siyaasada, marka waxaa su,aal ay ka taagan tahey golaha xukuumada ma waxey noqonayaan kuwa tirahaan aad u badan ileen baarlamaankaba waa tan tiradiisa xadka laga bixiyee mise sidii hore ayey noqonayan kuwa tira ahan yar? waa meelaha ugu horeeya ee qilaafka uu ka bilaawan karo.

Waxyaabaha kale ee laga sugayo sida ugu dhaqsiyaha badan waxaa ka mid ah soo celinta amaanka dalka gaar ahaan caasimada, iyadoo aan la socono in gudaha dalka ay awood badan ku leeyihiin islaamiyiinta diidan ciidamada ajaaniibta ah ee lagu heshiiyey in nabada ay ku taageeraan dowlada midnimda qaran ee sheeqa uu madaxweynaha u noqdey.

waxaa kaloo ka mid ah dib u soo celinta shacabka tirada badan ee ku dhaqan magaalada muqdisho daafaheeda iyo in si degdeg ah ay jawaab ugu bixiso dowlada baahida dadka ay u qabaan ka bixinta qalbiyadooda aamin darada ay ka qabaan dowlada, arintaan waxaan ula jeedaa in aysan ka difaaci karin cida dhibateyneysa shacabka ileen waxa ay arki jireen dowlad iyadaba u baahneyd in la difaaco oo ku tiirsaneyd ciidamo ajanabi ah.

Maxaa caqabad ah oo ka hor imaan kara ?

Aniga sida ay ila tahey waxaa ugu weyn caqabadaha qabsan kara dowladaan uu madaxweynaha ka yahey sheeq shariif waa laba arimood oo ka daran caqabad kasta ee ka hor imaan kara waxeyna kala yihiin:-

1-Wada shaqeynta uu la yeelanaayo beesha caalamka waayo sida aan la socono madaxweyne sheeq shariif wey ku cusub tahey in uu la macaamilo beesha caalamka waxa ay ku doorteena waxa ay u arkaan inuu yahey wadaad qunyar socod ah oo wax ay isla meel dhigi karaan marka waxaan ka cabsanaa in sida ay wax meel iskula dhigayaan in ay noqoto si ka duwan sida ay la tahey beesha caalmka oo sheeq shariif ay isku fahmi waayaan meela badan kadibna dowladaas ay u arkaan tii C/qaasim oo kale sidaasna ay taageeradeeda ugu gaabiyaan.

2-Mida labaadna waa sida uu u qancin karo wadaadada asxaabtiisa ahaa ee nidaamkii maxaakiimta ay ka wada tirsanaan jireen oo maanta u kala baxey dhowr qeybood oo kala ah Garabka Asmara oo aasaaskoodii uu wax ku lahaa hadana u arka in uu qiyaamey oo balantii uu ugu baxey iyo Alshabaab iyadoo waliba Ahlu sunana ay ka mid noqdeen garabyada hubeysan.

Ugu danbeyn waxaan ku talinayaa in uu marwalba qiimeeyo wada tashiga uu la yeelanaayo raga rug cadaaga siyaasadeed iyo dhinaca maamulka ahba kuwaas oo badankood ka mid ah dowlada, hadii uu waxwalba ku saleeyo la tashi uu la yeelanaayo raga daacada ah ee talada wanaagsan waxaan aaminsanahey in uu ka soo baxaayo xilka culus ee loo doortey, waxaana ilaah ugu rajeynaa in uu u fududeeyo gudashada waajibaadka loo doortey
W/Q Abdullahi Jama.
Exiled Somali Journalist.
Middlebrug-Nederlands.
cadawe20@hotmail.com
cadawe20@yahoo.com

Halkaan ka dhageyso Muxaadaro Janaqoow

DHAGEYSO HEESTA WAAGACUSUB EE SANADKA CUSUB 2009

Faallo-Xulka Bariiska Jaayga Ku Soo Cunay Xerada Jabouti Iyo Natiijadiisii+sawiro

Mohamed Qanyare should sue the Atlantic, not threaten Waagacusub

Dhageyso Su-aalaha iyo Muxaadarada Hassan Dahir

Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media