Doorashada Sheikh Shariif Sheikh Axmed maxaa laga fili karaa?

London 01 Fabaury 2009 Waagacusub Media

Waxaannu ogsoonnahay in sababtii duullanka loogu soo qaaday dalka Soomaaliya oo ay kusoo galeen ciidamada cadawga Itoobiya magaalada Muqdishow Bishii Disember 2006,iney ahayd saddex arrimood:
1-In laga hortago iney Soomaaliya ka dhalato dawlad Islaami ah oo si buuxda ugu dhaqanta kitaabka ALLE.

Somalia: Profile of Somalia's new president By Dahir Alasow
2. In Somalia aysan is-raacin oo maamullo iyo gobollo madaxbannaan loo qaybiyo(building blocks).Ayadoo loo arkay in shareecada Islaamku tahay waxa keliya oo qabaa’ilka Soomaalida mideyn kara.
3.Beesha caalamka oo ka cabsi qabta in dawlad Soomaaliyeed oo xoog leh ay dhul u sheegato Kenya iyo Ethiopia,arrinkaas oo ururka midowga Africa uu la qabo,weliba marka lagu daro waddamada carbeed qaarkood.
Maanta waxaa ALLE mahaddiisa iyadoo laga guuleystay cadawgii dalka soo galay oo si foolxun loo jabiyey,inkastoo uu Dibu-heshiisiinta Jibouti uu ku ceeb qarsanayey(face saving).Waxaa aan haynnaa in la doortay hoggaamiyihii Maxaakiimta Islaamiga ee ay Ethiopia ka tuurtay jagadiisii,taasoo marka loo fasiro dibloomaasiyada caalamka muujinaysa iney qirteen iney ku khaldanaayeen duullaanki lagu soo qaaday Somalia,sidaas awgeedna ay u furan tahay shacabka Soomaaliyeed in magdhaw uu weydiisto khasaarihii naf iyo maalba lahaa ee loo geystay,iyo tacaddiyadii xuquuqda aadamiga ee laga galay intaba.

Maxaa la gudboon Madaxweynaha DKMG Sheikh Shariif?

Sheikh Shariif waxaa loo doortay mansabkii ugu sarreeyey ee dawladda Somalia,kaasoo uu isaga qudhiisu dadaal weyn usoo galay sidii uu ku gaari lahaa.Haeseyeeshee,waxaa Sheikha hortaal laba amuurood oo waaweyn,kuwaasoo imtixaan ku ah sidii uu u maareyn lahaa,waxayna kala yihiin:
1-Rabitaanka Shacabka Soomaaliyeed,oo doonaya in si buuxda loo qaato Kitaabka ALLE,laguna dhaqmo shareecada Islaamka,taasoo uu markiisii horeba lagu bartay.
2-Beesha caalamka oo shareecada Islaamka ka soo horjeeda,haddii uu qaatana laga yaabo iney ka baddelaan Wadaad Qunyarsocod ah kuna beddelaan Wadaad Xagjir ah.

Maxaa la gudboon mujaahidiintii kasoo horjeesatay heshiiska Jabuuti?

Haddii markii horeba hadafka loo dagaallamayey ahaa in cadawga dalka qabsaday laga saaro,diinta ALLE kor laga dhigo,waxay ila tahay in sabab loo dagaallamaa aysan meesha oollin,mar haddii dawlada KMG ah ay qaadato shareecada Islaamka.Sidaas awgeed,ayaa laga sugayaa in mujaahidiintu ay ka qayb qataan hirgelinta dawladdii loo dagaallamayey,loogana dambeeyo culummada sida iyo qaabka ugu habboon ee shareecada Islaamka loo fulin karo..

Guusha ama guuldarrada dawladda KMG ah ee Sheikh Shariif hoggaaminayo waxay ku xiran tahay sida uu arrintaas ula tacaalo,waxaanse ugu ducaynaynaa in ILAAHAY tubta toosan ku duwo.

Qore.
Abdullahi Jama(Binadam)
Binadam43@googlemail.com
Halkaan ka dhageyso Muxaadaro Janaqoow

DHAGEYSO HEESTA WAAGACUSUB EE SANADKA CUSUB 2009

Faallo-Xulka Bariiska Jaayga Ku Soo Cunay Xerada Jabouti Iyo Natiijadiisii+sawiro

Mohamed Qanyare should sue the Atlantic, not threaten Waagacusub

Dhageyso Su-aalaha iyo Muxaadarada Hassan Dahir

Afhayeenka Hawiye Vs Mukhtaar Roobow -Dhageyso

Dhageyso dabaal dega Gor Gor Media Group

Madaxweyne Geelle oo khudbad dheer jeediyay Halkaan ka dhageyso 

 Murtida iyo Majaajilada Waagacusub Dhageyso

Waagacusub Media