Tartamayaasha qaarkood, xitaa waxay yaqaanneen Luqado dhowr ah, meelo kala geddisan oo ay Hoteello ka mid ahaayeenna waa ay ka soo shaqeeyeen.

Faadumo waxay Tartamayaashii kale oo dhan kaga fiicnaatay, fariid ku ahayd oo laguna xushay: Firfircoonaan, Farsamaynta Cunnooyinka,U-dhoollacaddaynta Martida, Nadaafadda guud,siiba Ilkaha iyo Ciddiyaha iyo arrimo kale. Marwo Filipo ayaa tiri:-" Anigu bilowga horaba dhaldhalaalka Ilkaha Faadumo iyo Nadaafaddeeda guud ayaa i soo jiitay, oon ka helay".

Faadumo waxay ku guulaysatay in ay Cunno-kariye u noqoto Qoyskii Talyaaniga ahaa ee hantida lahaa. Waxay Fabio iyo Filipo ku wareejiyeen Faadumo maamulkii Aqalkooda, Karinta iyo kala qaybinta Cunnada, Maareynta iyo Kharaj-garaynta Masaariifta, Soo dhoweynta Martida reerka iyo amuuro kale.

Qol goonni iyada u ah ayaa laga siiyay Aqalka. Saacadaheeda shaqadu waxay u dhaxeeyeen 6:00 aroornimo ilaa 8:00 fiidnimo. Mushaar fiican iyo gunno dheeraad ahna waa loo qoray.

Si fiican ayay Faadumo iyo Reerkii Talyaaniga ahaa isula qabsadeen oo isula dhaceen. Waxay reerku ka dhigteen 'Faay'sidii gabadhoodii weyneyd oo kale. Xitaa waxay u ballan-qaadeen in xilliyada qaarkood loo qaadayo oo ku soo nasanayso dalka Talyaaniga.

Mr.Fabio oo Ganacsade weyn ahaa, waxaa kaloo kaaliye ahaan ula shaqaynayay nin Soomaaliyeed oo lagu magacaabi jiray 'Faarax'. Ninkaas waa uu firfircoonaa,Xaas ayuu lahaa, Caruurse ma lahayn. Wuxuu lahaa aqoon fiican, una qaabilsanaa Fabio dhanka Xafiisyada Dawladda,Dekedda iyo dhammaan meelihii kale ee uu Fabio u baahdo.

Kaaliyaha Fabiyo(Faarax), waa uu imaan jiray Aqalka, wuuna la socday oo arkay marar badan Gabadha Soomaaliyeed ee ku soo biirtay Aqalka. Faadumana dhowr jeer ayay aragtay Faarax. Marar aan yarayn waa ay isa salaameen, isha ayay hoos isaga xadayeen,mid kastaaba wax buu ka maqlayay warbixinnada ku saabsan kan kale. laakin fursad isuma ay helin in ay is-waraystaan ama sheekaystaan.

Inkastoo uusan kulan toos ah ka dhex-dhicin Faarax iyo Faadumo, haddana, waxaa jiray iska helid uu mid kastaa qabay geestiisana laabta ugu qarsanayay. Faarax iyo Faadumaba waxay rabeen in ay mar un toos isu hor-fariistaan, isu xog-warramaan, is-waraystaan, si uu mid kastaa ugu sheego kan kale sida uu u arko iyo wixii uu rabi lahaa.....


La soco Qaybta 4-aad

WQ/Muxyaddiin M.Kaalmoy

Somalia: Sudan pushes Aweys to support Somalia government

Somalia:Al-Shabaab Is N-One Enemy of Islam and Menace to the Somali People

Somalia: Mortar shell injures 8 women in Mogadishu