Wiil da’diisu
tahay 14 sano jir ayaa carqaladeeyay aroos aabihiis uu la galay haweeney
uu la guursaday Hooyadii kadib markii uu wiilkaasi la maseyray Hooyadiis.
Sida wariyaheena
Nasro macalin Cilmi (Nasro Degan) ay soo sheegeyso aroos ka dhacayay
xaafadda Kaasabobolaare degmada Hodan ee magaalada Muqdisho ayuu wiilkaasi
dhagaxtuur iyo arbishaad ku samee-yay isagoo kaashanayay dhalinyaro
ay saaxiibo isla yihiin oo xaafadda la degan, kuwaasoo xafladdii arooskii
banaday.
Sida warku sheegayo
habeennadii xigay ayay sidoo kale gurigii aroosku deganaa ay dhagax
tuur iyo arbu-shaad kale ku sameeyeen wiilkaa iyo wiilashii kale ee
saaxiibadii ah, iyadoo wiilku uu diiday si kasta oo loo maslaxeeyay
xitaa isaga iyo Hooyadiis oo dhaqaale la siiyey kuma uusan qancin,
halka warku sheegayo in Hooyadiis ay iyadu dhaqaale maseyr tiri ah
oo la siiyey ay ku degtay, balse wiilkii si kasta loo qanci waayay.
Sida warku sheegayo wiilkaas oo lagu magacaabo Maxamed Axmed Jelyaani
ee arooska aabihiis arbushaadda ku sameeyay ayaa mar dambe waxaa u
yimid Oday awoowihiis ah oo degan degmada Marka oo ku qanciyey inuu
u raaco degmada Marka oo haatan sida la sheegayo loo musaafuriyey.
Waagacusub
Arimaha Bulshada
Nurkhaire@hotmail.com
