Faarax:-Yaah...maxaad tiri..!!. weliba laba nin aa...!!. Bal wax iiga taataabo sababta ay sidaas ku dhacday, adiga oo raalli ah..!!.

Faadumo:- Markaan kuu soo koobo, ninkii hore, waxaan u dhalay gabadhan hadda ii joogta, waana ina-adeerkay isagu; laakin sababo xagga dhaqaalaha ah oo aan hadda hoos u sii galayn ayaan ula soo dhaqmi kari waayay.

Ninkii labaad, waxaan u soo kala tagnay arrin ku lug leh maseyr uu iiga masayrinayay sabab la'aan; arrintaasna, ma aan rabo in aan hoos u sii galo, maadaama uu Allah noo soo kala raayay(kala tagnay).

Faarax:- Waa arrin dhici karta, naago badanna, iyagoo iska fiican, oo reerkooda dhaqanaya,ayaa haddana la furi karayaa. Mid, laba iyo ka badan ayaa soo furi kara, hadday isku wada qanci waayaan, ama ay dhibaato un ka dhex-dhacdo. Nasiib iyo Calafna waa ay jiraa.

Laakin docda kale, Nin reer Buur-Hakaba ahaa, ayaa lagu qancin kari waayay in naag fiican la soo furayo, oo wuxuu dhihi jiray:-"Feylanta baa maay liin furay...?!!".

Faadumo:- Wallaahi arrintaas waa mid dood dheer iyo falanqeyn u baahan. Waxaana qabaa anigu in uu qaladku badanaa ka yimaado xagga ragga, laakin haddana loo soo riixo dhanka Haweenka, laguna cabbo. Laakin ma rabo inaan hadda dooddaas galo...

Faarax:- Adigu hadda ma ku fekertay in aad nin 3-aad guursato, mase waaba iska soo duuduubtay Raggii oo dhan...?!!.

Faadumo:- Allahey ka Allah, Ooddey ka-yaasiin, meeshooda ha iga joogeen. Nin wuxuu yahay waa soo arkay, igu filan. Marka hore waa ay booteeyaan, marka dambana dhabtooda iyo dhaqankooda ayaa xaqiiqo ahaan loo ogaadaa...

Faarax:-Warkaas mid lagaa yeelaayo ma aha. Raggoo dhan ma wada xuma. Waase isku imaan doonnaa, sheekaduna waa ay noo soconaysaa, haddase waa kaa sii tagayaa ,oo shanqartii Gaalka(Fabio)ayaan maqlayaa, oo meel ayaan u wada soconnaa..kulanti dambe...

La soco Qaybta 6-aad

WQ/Muxyaddiin M.Kaalmoy

Somalia: Sudan pushes Aweys to support Somalia government

Somalia:Al-Shabaab Is N-One Enemy of Islam and Menace to the Somali People

Somalia: Mortar shell injures 8 women in Mogadishu