Muniira waxay u
qaadatay in Axmed uu ka dacwooday isla markaana loo heysto waxa
maanta dhex maray waxay hooyadeed ugu jawaabtay…
"Hooyo maanta aniga iyo isaga ayaa is dagaalnay wuuna I dilay,
anigoo doonaya in aan u sheego waxa ay dadka ka aaminsanyhiin isla
markaana ay isaga un dan u tahay wax kale ma ogi ka dibna wuu
tegay.Inta aysan hooyo
cibaado hadlin ayaa waxaa hadalka qaatay Aabbe Cumar oo ku yiri
gabadhiisa ,,haa hadaan gartay waa maxay waxa dantiisa ah ee aad u
sheegeysay?
Arrinta waxay u muuqatay mid
maxkamad saar ah waxaana hadalka markan isku dhiidhiibaya Aabbe
Cumar iyo Muniira iyadoo Muniirana ay aad u naxsantahay…
Muniira oo Aabeheed uga
jawaabeysa su,aashii uu weydiiyay ayaa waxay tiri Aabbe waan
iskala kaftamayay un anigoo ku iri Axmedow dadka waxay ka sheegaan
in aad isla weyntahay ka dibna wuu xanaaqay anna waxaan ku iri ha
xanaaqin wax un baan kuu sheegaye.
Markii Muniira hadalka intaa ku
soo koobtay iyadoo illowsan in arrinta uu Axmed ku dilay ay ahayd
in ay jeclaan lahayd in Fani dumaashideeda ay noqoto, ayaa Aabbe
Cumar oo si aad ah ugu caanbaxay sida wax loo baaro hadana yiri…
"Intaa oo keliya maahee muxuu
kugu dilay?
"Haa Aabbe markii aan intaa iri
wuxuu iyiri dadka islaweynida iga aaminsan waa gabadhi Fani ah sow
maaha..
anna waxaan ku iri gabadhaas waxba kaama sheegto ee faraha ka qaad
waxaan kaloo Aabbe iri anoo ku kaftamaya waxaan jeclaanlahaa in
Fani ay noqoto dumaashidey…
ka dibna waan ogaan waayay goortii uu I dilay,wuuna baxay dabadeed.
ayay Muniira Aabeheed uga jawaabtay su,aashii uu weydiiyay.
Aabbe Cumar ayaa su,aal kale ku
celiyay muniira oo yiri :
"Waan gartay,gabadhaas iyo isaga
maxaa dhex maray bal ii sheeg?
Aabbe gabadhaas saaxiibteey ah
waa gabar aad u wanaagsan welina ma arkin qof ku dabeecad ah aniga
oo aan faanineyn, isaga iyo iyadana wax dhex maray ma laha iyadana
xushmad weyn bey u heysaa madaama uu kaabba galaaska fasalka yahay
waxaana Aabbe aniga dhibsaday in wiilkan Axmed ah uu si aad ah u
quursado gabadha fani ah oo xitaa markii ay salaanto wuu ka sii
jeestaa,Iyadana waxba uma aragto oo wey isaga dulqaadataa.
marka waxaan un ku iri isla
weynida iska daa walaahi Fanina weligeed iima soo qaadin Axmed
xumaantiisa iyo wanaagiisa midna anigaana mar walba ka raalli
geliya dabeecad xumada uu kula dhaqmo..Muniira ayaa tiri…
Hooyo Cibaado oo markii hore
dhegta un kala socotay indhahana ka eegeysay waxa dhex maraya
seygeeda iyo gabadheeda Muniira ayaa markaan u hollatay in ay
hadasho, balse Aabbe Cumar ayaa ka dhex galay wuxuuna yiri :
"bal sug Cibaado,Muniira waxaan
ku weydiiyay wax kale oo aad ogtahay ma jiraan miyaa?
"Maya Aabbe ayay ugu war celisay
iyadoo faraheeda ku ciyaareysa.
"Orod iska tag waad mahadsantahay
iiina soo sheeg Aabbe waxa uu sameeyo Axmed mar kasta" inta uu
Aabbe Cumar gabadhiisa ku yiri ayuu u soo jeestay Cibaado isagoo
leh:
"Waatahay bal Cibaadooy weynu ka
tashan doonnaa sida aan ka yeeleyno inankan Axmed ah waana u yeeri
doonnaa"
Sidaa ayaana halkaasi arrintii
loogu hakiyay.
Waxay ahayd subaxnimo Axad ah
dhamaan ardayda iskuulka Al _Aqsa waxay dhoobnaayeen daaradda
iskuulka waa xilliga bareegga Axmed juqraafi iyo saaxiibkii Keyse
waxay fadhiyaan meel gees ah,Waxayna ka wada sheekeysanayeen
arrinta Fani.
Hadalka waxaa wata Axmed juqraafi
oo gacanta ku heysta galaas biyo ahWuxuuna ku santiicsanyahay
derbi u dhowaa.
Isaga iyo saaxiibkiina waxay isku
mari waayeen in uu gabadhaas la yeesho xiriir hadii uu waxa sidan
ka dhigay ee harsiga iyo hurdadaba u diiday ay iyada
tahay,kalgacayl uu u qabo.
Wax la murmaba waxaa halkii soo
martay Fani Daahir salaan diirran ayay wiilashii u gudbisay ,Keyse
ayaa si deggan uga qaaday Axmedse wuxuu u muuqday ruux maahsan,
Balse fani oo ku taqaannay isla
weynida ayaa u qaadatay in quursi ay ka tahay iyadoo aan waxba ka
dhigan ayayna isaga dhaqaaqday goobtii.
Faadumo Macallin
Abuukar (Faadumoruush)
faadumoruush@hotmail.com
