Waxay macaamil ka samaysatay dukaanno waaweyn oo ku oolli jiray Suuqa Xamar-Weyne, siiba kuwii dharka. Dhar kala nooc-nooc ah oo ay jumlad ku soo qaaddo ayay iyagoo tafaariiq ah ku wareejin jirtay Xaafadaha si ay wax uga hesho.

Gacan-saar iyo deynba dharka waa ay ku bixin jirtay Faadumo, waxaana laga iibsan jiray Dhar isugu jiray:-Koofiyadaha, Camaamadaha, Gareysyada, Macawisyada, Garbasaarrada ..iwm. Faa'iido xoog leh kama ay heli jirin Ganacsigaas, waxayse dhihi jirtay:-"Waan isaga mood-moodayaa, intii aan fadhin lahaa".

Arrimahaas oo dhan waxaa Faadumo ku xambaarayay ujeeddooyin ahaa;-inayan asaaggeed gacmaha u hoorsan; inay madaxeeda dhulka ka qaadato; inay sharaf ku noolaato illayn shaqadu waa sharafe' iyo inay daboosho baahideeda iyo baahida gabadheeda Fowzia.

Docda kale, horaa loo yiri:-"Doonaa waa gaaraa"; Faadumo Gacmaheedaa Alla u maceeyay. Farsamayntii Cunnooyinka oo ay jeclayd, dadkuna ay xiisaynayeen ayuu Ilaaheyna gacan ku siiyay..!!. Haweenkii Xaafadda oo dhan ayaa waxay hal-qabsi ka dhigteen:-"Cunno sidii Faadumaa loo karsadaa ama waa layska dhaafaa"..!!.

Qaabab kala geddisan oo la -yaab leh ayay Baastada, Bariiska, Soorta(shuurada), Digirta, Hilibka, Kalluunka iyo Macmacaannada u farsamayn jirtay Faadumo.

Sidii ay arrintu sidaas isaga ahayd ayay maalintii dambe Faadumo maqashay Ogaysiis sheegaya:"Tartan loo gelayo xagga cunno karinta, oo qofkii ku guulaystaa cunno-kariye u noqonayo qoys Talyaani ah oo maal-qabeen ah".Qoyskan doonaya Cunno-kariyaha ayaa degganaa Agagaarka Madbacadii Qaranka ee Muqdisho.

Waxaa tartankii xagga cunno-karinta, farsamaynteeda, kala agaasinkeeda iyo naafaddeedaba isu soo taagay Tartamayaal 40-neeyo ahaa oo isugu jiray:- Soomaali, Carab, Hindi, Sawaaxili, Cafar iyo dadyow kale oo jaaliyado ku lahaa Muqdisho.

Waxaa Imtixaanka qaadayay, dadkana kala xulanayay Cunno-kariyayaal Talyaani ah oo gaamuray oo laba ahaa iyo Qoyskii Talyaaniga ahaa ee iyagu doonayay cid u shaqaysa. Qoyskan ayaa ka koobnaa 'Mr.Fabio iyo Marwadiisa Filipo'.


La soco Qaybta 3-aad...

WQ.Muxyaddiin M.Kaalmoy

-kalmoi@hotmail.com

Somalia: Sudan pushes Aweys to support Somalia government

Somalia:Al-Shabaab Is N-One Enemy of Islam and Menace to the Somali People

Somalia: Mortar shell injures 8 women in Mogadishu