| |
Taqtar caan ah oo ku taqasusay cudurka Cancer-ka oo jooga
dalka Mareykanka ayaa ka dgigey in dhalaanka yar yar ay
isticmaalaan teleefoonka Gacanta ah (cell phone), waxayna
ugu baaqeen waalidiinta inay xadidaan isticmaalka
Carruurtooda Mopile-lada sababtoo ah buu leeyahay Jabaqda
danabeed ee Mopile-ka waxa uu si ka qoto dheer tan dadka
waa wayn u saameynayaa maskaxda ubadka.
Digniinta uu soo jeediyay Dr. Ronald B waxaa daba socday
warbixino digniino ah oo dhawaan ay soo jeediyeen quburo
Candian ah oo ku baaqay in carruurta ka yar da'ada 10 sano
inay isticmaalaan taleefoonka Landline-ka islamarkaasina
ay xadidaan isticmaalka badan ee Mopile.
Dr. Ronald B. Herberman oo ah hormuudka machadka loo
yaqaano Pittsburgh Cancer Institute iyo quburo kale oo
caalami ah ayaa galaiyay website jaamacad leedahay
digniino ku wajahan adeegsiga taleefoonada gacanta lagu
qaato.
Bishi June ee sanadkan ayay ahayd kolkii xarunta Toronto
Public health ay daabacday in waalidiinta ay haboon tahay
in waalidiinta ay ka xaddidaan ubadkooda adeegsiga
Mopile-lada ayagoo sii xiganayay saraakiil dhinaca
caafimaadka.
"Xubnaha koraya ee ilmaha uur jiifka ah iyo dhalaankaba
waxay u nugul yihiin inay waxyeeleeyaan Jabqda danabeed ee
ka dhasha Mopile-lada, sidaas darted ha u ogolaanina
dhalaankiina inay si joogta u istcimaalaan taleefoonada
gacanta ilaa xaalada deg deg mooyee " sidaasi waxaa yiri
mid ka mid ah saraakiisha Toronto Public Health.
Dhinaca Laanta caafimaad ka ee Dalka Canada ayaa sheegtay
in wali aysan jirin daliilo muujinaya inay jiraan xiriiro
ka dhaxeeya mopile-ka iyo cuddurka dilaaga ah ee
Cancer-ka.
"ilaa hada ma jiraan tijaabo lagu sameeyay Aadamiga iyo
xayawaankaba taasoo muujinaysa in Jabaqda taleefoonada
gacanta ay sababaan halis caafimaad sida canser-ka,
Qalalka, iyo dhibaato xaga hurdada ah" sidaasi waxaa lagu
qorey website ay leedahay hay'ad la yiraahdo Federal
Agency.
Taqtar-kan soo jeediyay digniinka ku aadan isticmaalka
carruurta da;dooda ay yartahay ayaa ku doodaya in
Nudayaashe nool ee Ubad-ka yar ay u nugul yihiin inay
waxyeeleeyaan jabaqda uu sii daayo walxaha danabeed ee
Mopile-lada, waxa uuna hoosta ka xariiqay in ubadka yar
Unugyada Maskaxdooda ay nuugis badan tahay maadaamaa
koriimo ay ku socoto.
Dr. Ronald B. Herberman ayaa aaminsan in diraasada hada uu
sameeyay in wali aysan cadeynaynin in ay jirto Qatar weyn
oo xaga caafimaad ka ah, balse waxaa ixtimaal ah buu
leeyahay in dhibaato caafimaad ay timaado. Ditoor-ka ma
uusan soo jeedin in gabi ahaan la joojiyo Mopile-lada
hayeeshee waxa uu farta ku fiiqay in la yareeyo waxyaabaha
sabab u noqon kara dhibaatada, kuwaasoo uu ku tilmaamay
sida in markaad isticmaalayso taleefoonada Mopile-lada
inaad ka fogeyso dhegtaada ama inaad adeegsato Text
message.
Quburadaan dhinaca caafimaad-ka ayaa ku taliyay inaad la
isticmaalin Mopile-lada marka Anteenadu ay daciif tahay,
iyo marka uu qof-ka ku socdo xawaare dheer sida kolka uu
saran yahay Gaari ama Tareen taaso kordhisa awooda jabaqda
danabeed ee Mopile-ka si uu ula qabsado Anteenada is ku
bedelaysa meela-yowga kala duwan ee Gaariga ama Tareen-ka
marayo.
Si kastaba ha ahaatee, xeel dheerayaasha dhinaca caafimaad-ka
ayaa isku raacsan in carruurta yar-yarka ah kaga
nugul-yihiin dadka waa wayn waxyeelada taleefoonada
Mopile-lada, waxayna ku baaqeen in dhalaanka da'adooda
yartahay ay isticmaaleen taleefoonada Landline-ka ah.
W/D: - Saxnuuni
Cairo, Egypt. Email:- xuseensaxnuuni@hotmail.com
Sources: - Canada.com
Waagacusub Arimaha Bulshada
fatkayare123@hotmail.com
|
|
