”Fikirkaba
Ha Daayee, Aabahaana Fahansii,Halka Faraska Lagu Wado,Haka Furo
Shakaalkee”
“Miraha geed sare ku yaal,mar baad u mililicdaa,dadkana waad uga
mid tee,waxaan ku mataalaya,nin maqanoo meel fog jira,anseen meher
kaaga tegin,miyaa malab loo tufaa”
Jaceyl lama Moosi karo, Sagaal habeen kadib ayey Nimco xariggii ka
fakatay lana hadashay Nasrudiin,waxayna uga sheekeeysay waxa
dhacay iyo dhibka ay kala kulantay waalidkeed.
“Hoheey hagardaamo iyo maxaan hiirtaanyo ooyay” Nasrudiin
hadalkaas aad ayuu uga Naxay markuu eegay dhibkii uu galay mudadii
ay kala maqnayeen, waxaana mar kale qalbigiisa ka guuxay,isagoo ay
ilmo ka qubaneyso Faadumooy jaceeylkani, Waa fiid baxayoo,
Ku fidaayo feeraha,sida ruux la falay baan,
Fiidkii habeen nimo kaligeey faqaayaa, Waa kan iga fogaadee,
waa fiyoow bideeydee Kama foga agtaaddee, waa naggoo Firaash
iyo, Farxad aan Wadaagnoo, faysal ii xanbaartoo
Faarax Daadiheeysaa.
Caashaqa Fan Weeyyee faa,idadiisana,cidi yaaney faragalin,
Fikirkaba Hadaayee aabbahaana Fahansii, Halka faraska lagu
wado, haka furo shakaalkee.
”Erayaddii Allaha u naxariistee Ustaad Abdalla Nuuradiin uu ka
curiyay Qisadiisii ilmada Jaceyl ee uu ugu magac daray ANIGA IYO
JACEYL ayaan aniguna la ehel ahay ee abaayo cidda u sheeg,hana ka
qarin,inshaa allaah anigana waan la hadlayaa,mana filayo inay
curaar naga gelinayaan himiladeena,waana ku hanweynahay” ayuu ku
laab qaboojiyay Nasrudiin gacalisidiisa caashaqeeda loo geliyay
xabsi guriga.
La soco qeybta 5-aad ee taxanaha Dikaan
Jaceyl
Waagacusub Arimaha Bulshada
fatkayare123@hotmail.com
