5.
BOGSIIN
a)
GODOBREEB
Meel xinjiri
taal xabna ha yaal. Meel xinjiri taal xarrago ma taal. Marka
laba beelood colaad xumi dhexmarto waxay isa siin jireen hablo
ay kala guursadaan si colaadda loo damiyo oo xal waara loo helo
wixii hore u dhacayna la isaga bogsiiyo.
Waxay odhan jireen meeshii xinjiri ku bururto xab baa lagu
bururiyaa.
Guurka noocan ah waxa ujeedadiisu ahayd in halkaa colaaddu ku
dhammaato oo aan wax dambe la isku raacin maadaama colaadda
soomaalida ay ka dhalan jirtay godob aan dhammaad lahayn oo
kolba hurisa colaado hor leh.
Soomaalidu maahmaahyo badan bay arrintan godobta ka lahayd.
Waxa ka mid ahaa wax toban geed kaa kiciya godob sokeeyaa jirta.
Sow godobi surinkaad martaba sabab qarsoon maaha, sow nabadi
sahaydaada ood sidato uun maaha.
a)
KU QAADASHO
Haddii
ay dhacdo in fara xumayni timaaddo inkastoo dhaqanka noocan ahi
ku yaraa bulshadii soomaalida ee raacatada ahayd haddana si xal
loo helo ninkii inanta faraxumeeyey waxa loo dhisi jiray inantii
uu faraxumeeyey oo wuu ku qaadan jiray wixii ku yimaad. Ku
qaadashadu maaha uun kufsi sida immika loo yaqaan haddaadse wax
gaadhsiiso jidhka inanta oo quruxdeeda wax u dhinto waa inaad ku
qaadataa. Waxa arrintan soomaalidu kaga maahmaahmaahday
quruxdeeda wax u dhime qadaadkuu u ritaa.
Guurka noocan
ah waxa loo yiqiin bogsiin oo waxa lagu kala bogsiin jiray
reerkii inanta la xumeeyey ka dhalatay iyo reerkii inanku ka
dhashay.
Arrintani waxay faa’iido lahayd in la yareeyo ku dhiirrashada
falalka waxyeellada iyo ku xadgudubka dumarka ee ragga maadaama
ninku sii garanayo hadduu waxyeello u geysto in loo dhisi doono
inanta uu dhibaateeyey.
Foojignaan iyo taxadar bay u ahayd iyo dhowrsanaan.
Sidoo kale waxa lagu baajin jiray colaad ka dhex dhalata labada
reer maadaama dumarku ka mid ahaayeen waxyaabihii hurin jiray
colaadda soomalida, iyadoo weliba colaada dumarka ka dhalataa ay
ahaan jirtay mid baahda oo daminteedu adkaato.
Dhamaad
taxanaha guurka tooskaa ee sirta guurka
Waxaa
Qoray Qoraa sare
Hassan
Madar
Hargeysa-Somaliland
