waxay
aheyd maalinimo jimco ah waxaana hortaagnaa al-baabka
guriga habaryarteey, saacaduna waxaya abaareysay 11:00 subaxnimo
jawiga waxa uu ahaa mid qabow, waayo waxaa da'ayay roob xiif xiif
ah, runtii subaxaa aad bay u sareysay shucuurteeda
farxadeeda.
waxaa I
saacidiyay jawiga guud ahaan, saxansaxada roobka iyo dooga
cagaaran ee xiligaa ka muuqday dhulka waxay ahaayeen kuwa ay
nafteydu ku diirsatay, aniga oo farxadaa iyo reereyntaa dhex
maquuraya, ayay mar qura indhaheyga waxay qabtaan muuqaalka gabar
aan iyada oo kale dhaaya saarin intii aan ku noolaa
dunida korkeeda, dhab ahaantii markii hore waxay ila aheyd wax
dhalanteed oo kale ah marna waxaan u qaatay inaan ku jiro riyo
maalmeed,
in muda
ah ayaan ku mashquulsanaa daawashada waaxyaha jirkeeda, ugu
dambeyn waxaan garowsaday inay gabadhu tahay qof kheyro caadi ah
oo dareemaheyga oo idil ay u wada qushuuceen,
waligeey ma aanan fileyn inaan aduunyada kula kulmi
doono gabar ceenkaan oo kale ah waxaana oran karaa aragtidii aan
arkaba waxaa igu beermay jaceyl aan qiyaasi Karin inta baaxadiisa
la egtahay, akhristow gabadhan.
waa
gabadhii iigu horeysay ee aan ebad si dhab ah u
jeclaado inkastoo ay jirtay in aan saaxiibo la noqday ayada
horteed gabdho fara badan laakiin gabadhan ayaa
noqotay gabadha kaliya ee aan jaceyl run ah u qaado, markii ay
horteeda soo gaartay ayaan waxaan goostay, inaan la qabsado
kadibna u sheegto dhibka I hayo markii aan la sinmay,
ayaan cod qabow ku iri "abaayo waan ku salaamay" .......la soco
qeybta dambe
By.
Axmednuur Cabdulaahi Cali
axmednuur2@hotmail.com
