waxaa magaalada Garissa xarunta gobolka W\Bari
Kenya ka dhacday dhacdo la yaab leh oo aad uga yaabisay dadka
magaalada ka dib markii nin iyo xaaskiisa oo uu soo kala dhex galay
muran xooggan oo qarka u saarnaa furiin uu baajiyay Dib Qalooc.
haweeneyda iyo seygeeda ayaa waxaa ka dhaxeeyay colaad xitaa
reerahooda gaartay ugu dambeyna lagu heshiiyay inuu ninku gabadha furo.
subax subxaha ka mid ah ayaa labadan qof ee is qabay uu dhex maray
dagaal, ninka ayaa u gacan qaaday xaaskiisa xilli ay xaaqeysay
daaradda guriga.
iyadoo dooneysa inay ku dhufato waxyaabaha gacan qabsiga ah ee
agagaarkeeda ka dhowaa ayay gacanta la gashay baaldi qashinka lagu
shubi jiray ka dibna waxaa ka qaniinay dib Qalooc aad u weyn.
haweeneydii oo aad u xanuunsatay gurigana ay xiligaas keligood ku
sugnaayeen ayaa ku qeylisay: " alla aboowe waan ku baryayaa farta iga
xir"
seygeeda oo ay xoogaa naxariis gashay ayaa fartii ka xiray kana miiray
suntii dib qalooca, halkaasna waxaa ku soo afjarmay colaadii dhex
taallay labadooda oo xiligaasba furiin ku dhoweyd.
labadan ruux reerkooda iyo dadka xaafadda ayaa aad ula yaabay, hore
ayaa loo yiri ( nin iyo xaaskiisa heshiisna maaha colna maaha).
ninkan oo aad arrinta baajisay furiinka ugu farxay ayaa sheegay in dib
qalooca uu ahaa wax kheyr leh.
Faadumo Macalin Abuukar(faadumo ruush)
Email:fadumoruush@hotmail.com
Waagacusub Arimaha Bulshada
fatkayare123@hotmail.com
