Gabadhii fani ahayd iyada intii
ay jidka sii mareysay waxaa hadba sidii cajal oo kale ay
maskaxdeeda usoo celcelineysay sheekadii dhex martay iyada iyo
muniiro..
mar waxay la ahayd riyo ..hadana waxaa jahawareer ku riday waxa
keenay in axmed iyada jeclaado iyadoo xog ogaal u ahayd in axmed
uu xiriir la lahaa gabdho badan.si aad ah bey fani daahir isugu
mashquulsaneyd intii ay wadada socotay.
waxay sii hadaaftaba goor dambe
oo maqribkii uu soo dhowyahay ayay gurigii tagtay..waxayna
hooyadeed oo ay guriga kula kulantay ka dhaadhicisay in ay ku
maqneyd guriga saaxiibteed muniira oo ay casharro la soo
aqrisaneysay..hooyo seynab oo gabadheeda aan been uga baran ayaa
ka aqbashay..
ka dibna waxay la sii waday sheekadii oo ku tiri..hooyo fani
waxaan ku weydiinayaa..
gabadhaas saaxiibtaa ah qof u shaqeeya ma rabaan aniga waxaanba
rabay inaan isaga tago islaantaan maskaxda ayay iga cuntay mar
kastana qeylo ayay igu heysaa marka ma soo ogaan kartaa..
Fani markii intaa ay hooyadeed
ku tiri aad bey ula amakaagtay..waxayna la soo booday maya ..maya
hooyo meeshaada ayaa kuu fiican aniga dad iskool aan isla dhiganno
ma rabo hooyo in gurigooda aad ka shaqeyso..marka iska daa..
Hooyo seynab oo dhoolla
cadeyneysa ayaa tiri..hooyo shaqada ceeb ma aha hadaad adiga taas
ceebsatayna waan iska daayay..ka dibna fani qolkeedii ayay iska
gashay waxayna bilowday in ay casharradeeda iska aqrisato iyadoo
diideysa in xusuus mashquulisa ay ugasho wixii maanta dhacay..
waa yaab dunida wax kastana ka filo hadiiba axmed juqraafi
ijecelyahay aniga, ayay iskula hadashay iyadoo ku foorarta
buugaagteeda oo feynuus dhamaad ahna ay horteeda taallo..
Xilli dadku ay ka soo dareereen
salaadda maqrib ayaa axmed juqraafi oo isku diyaarinaya aadista
guriga saaxiibkii keyse ayaa waxaaba dig soo yiri keyse
nafahaantiisa oo xiiso u qabay oganshaha jawaabta ay fani ka
bixisay arrinta ay ku heshiiyeen isaga iyo saaxiibkii
juqraafi..markiiba keyse si wanagsan ayaa loo soo dhoweeyay ..waxayna
labadii wiil iska galeen gudaha…halkaasoo ay sheeko uga
bilaabantay …
Keyse oo ay ka muuqato sida uu
ugu hamuun qabo in uu ogaado sida ay maanta wax u dhaceen ayaa
saaxiibkii axmed juqraafi kula kaftamay…saaxiib waxaan u
maleynayaa in caawa aad yeelatay lamaane qiimo badan…
Axmed inta dhoolla cadeeyay
ayuu saaxiibkii ugu warceliyay ..saaxiib weli waa rajo maantana
qoftii iyada ahayd gurigeenna ayay joogtay..iyada iyo muniiro
ayaana sheekeysanayay..
Haye..ii wad sheekada..ayuu
keyse kaga soo dhex galay axmed hadalkii..
Axmedna isagoo sii wada
hadalkiisa ayuu yiri..gacalka ha iska boobin saaxiib anigaa kuu
soo wadee..gabadhii iyada ahayd wey diiday in ay aqbasho qorshihii
aad soo jeedisay aniga waan maqlayay waxa ay kuwada hadlayeen.. si
kastaba wey diiday ee maxaan sameynaa hadda..
Keyse oo warkaas dhiillada leh
aad uga xumaaday ayaa saaxiibkii ku yiri..
walaahi saaxiib..horta illaa iyo hadda wey diiday ma dhihi karno
sababtoo ah adiga iyo iyada weli isma arag afbuuxana kuguma dhihin
waxba kulama qabanayo aniga hadda waxaa ila haboon in adiga aad
utagto oo si cad aad ugu bandhigato jacaylkaaga..
Axmed markii uu intaa maqlay ..naxdin
ayuu la gariiray sidii ay fani hor joogto..
saaxiib iga daa ma dhihi karo xitaa ma hor tagi karo..ayuuna ku
cataabay..
Keyse ayaa mar kale hadlay oo
yiri..sidee rabtaa hee saaxiib in ay wax kuugu hagaagaan nin rag
iska dhig gabar yaanyoo ayaad sidaa uga baqeysaa bal ka warran nin
asaagaa ahna sidee baad uga gar naqsan lahayd..
fani sow tii aad indho galka laga bixiyay ku eegi jirtay..
ma hadda ayay qof kale kula noqotay..
Waxa talo la gorfeeyaba keyse
wuxuu ku adkeystay in axmed juqraafi uu isaga qudhiisa fani
usheegto jacaylkiisa……
axmedna inta uu geesinimo iska baaray ayuu saaxiibkiisa su,aal
labaad uceliyay oo yiri..saaxiib waan isku dayayaa balse..
sidee ayaan iyada ku helaa inteese ku ballamiyaa..
Keyse oo su,aasha saaxiibkii ka
jawabaya ayaa yiri adiga sidey kuugu qaadataba isku day in aad
fursad wanaagsan ku hesho..
Sidii ayaana habeenkaa lagu
ballamay oo lagu kala tegay..
