markiiba,waxaa fani la soo agdhigay macmacaan iyo weliba wixii ku
haboonaa in lagu soo dhoweeyo ruux si sare loo qiimeeyo….
kaftan iyo sheeko iska caadi ah ayaa in cabaar ah la waday..
ka dibna muniiro ayaa markan damacday in ay soo bandhigto ujeedada
ay saaxiibteed u casuuntay.
Axmed isagu
hadallada oo dhan wuxuu ka dhageysanayaa sariirtiisa dusheeda oo
si aad ah ugu dhoweyd..
qolka ay labada gabdhood ku jireen.
Muniira ayaa
hadalkii bilowday iyadoo leh.."abaayo fani maanta anigaa kuu
yeeray..
waxaana kaa leeyahay dan weyn oo aan rabo in aad iga ogolaato …
abaayo ma
aha wax dhibaato kuu keenayo mana aha wax imika cusub oo ceeb ah..
waa wax soo jireen ah oo dunida ka jiray..
Fani ayaa
hadalka ka dhex gashay saaxiibteed oo tiri..
abaayo macaanto wax aan kaa diidi karo miyaa jira?ii sheeg waxa ad
iga rabto oo aniga igu xiran…
Muniira oo
dhiirranaan iska raadineysa ayaa tiri..abaayo waxaan rabaa in aan
ku ogeysiiyo in walaalkey axmed ee aan jeclahay uu dartaa
udhibaatoonyahay..
Yaaaaaaaaaaah…abaayo maxaan ka sameeyay oo uu iga tabanayaa ma
rabi axmed in uu iga xumaado abaayo maxaan u dhimay ayay fani si
naxdin leh ugu hadaaqday...
waxaana indhaheeda soo dhaafay illimo ay awoodi weysay in ay
xakameyso..
muniira oo dejineysa fani arrintana dhinac kale ka tuseysa ayaa
tiri..
abaayo wax kama aadan sameyn ee wuu ku jecelyahay wuxuuna doonayaa
in aad wax la qabato…
Axmed
markaasi farta ayuu wadnaha ku hayaa wuxuuna dhowrayaa jawaabta ay
fani ka bixineyso…
Fani ayaa
mar qura indhaha taagtay..yaab baa alla ukeenay..
wey qaadan weysay waxa dhegaheeda ku dhacay..
waxay u hollatay in ay hadasho balse hadalkii baaba ku dhegay …
goor dambe ayay si dhib ah u tiri…ma qaadan karo mana rumeysan
karo abaayo waxa aad iila timid..
ma waxaad abaayo muniiro dooneysaa in aad igu ciyaarto..
aniga hadaan walaalkaa dembi ka gelin..
waa maxay waxa kale oo aad iigu wacday..
Allow yaa u
sheega in naf aan rabin uu jacaylku qasab ugu xiray…
imikana ay u boholyoobeyso..
Muniira..ayaa mar kale saaxiibteed la hadashay oo tiri..
abaayo waxa aan kuu sheegayo maaha dhalanteed..
waa run walaalkey dartaa buu harsi iyo hurdo uga go,ay kuguma
ciyaarayo.
fadlan ha u deyrinin ee wax la qabo…
Fani markii
intaa lagu yiri..qalbigaa dhalaalay ..
meel laga jiro iyo meel kale ayay aqoon weysay..
wax ay ku hadashana wey garanweysay…
qudheeda ma oga waxa nafteeda ku soo kordhay waxayse dareensaneyd
in maanta aysan ahayn sideedii hore ..
fani dareenkeedii hore wuxuu is badal ku dhacay markii weligeed ay
aragtay axmed juqraafi oo deymo kalgacayl ku dheehanyahay ku
eegaya .
markaas oo iyadii dhan niyadeeda ay si kale noqotay…
In muddo ah
markii ay fani la maqneyd jawaabtii sida sanad oo kale looga
sugayay..
ayay la soo hinqatay jawaab ka nixisay dhamaan dadkii hamuunta u
qabay dhegeysiga waxa ka soo baxaya afkeeda.
haba ugu horreeyo axmed juqrafi,e.taasoo ahayd….aniga abaayo wax
kasta I dheh kaama diidayo balse arrintan ma aha mid qorshaha iigu
jirta..nifaasna uma hayo..
abaayo waadna la socotaa xaalkeyga.
intaa ka dib
muniiro ayaa hadalkii qaadatay oo tiri..
abaayo abaal mar baa leysku galaa..
maanta aniga iyo walaalkey ayaa kuu dhibban waxa axmed dhibaya
anna wey I dhibayaan..ee abaayo macaanto..buugga naxariista fiiri..
walaahi walaalkey xaaladdiisa hadaad ogaan lahayd..sidaa ma
dhahdeen..ama aad mar qura dareemi lahayd xanuunka jacaylka ..
Fani markii
intaa lagu yiri waxay tiri..abaayo muniiro aniga keliya maahee
maanta waxa aad ii sheegeyso ma jiro ruux rumeysan kara ..
ma walaalkaa sida aad ogtahay salaanta aan iga qaadi jirin quursi
dartiis baa ijecel ma aha suurto gal hadaad dan kale leedahayna
waad ii sheegi kartaa..
"abaayo
xaashaa lillaah..ma waxaad is tiri saaxiibtaa wey ku
khiyaameyneysaa amaba ku shirqooleysaa..
igama
suurowdo macaanto..
miyaadan ogeyn in aniga..uusan jirin ruux aan kaaga kalsooni
badanahay..mase dareemi kartid miyaa sida aan hadba kuula
socodsiin jiray xaaladeyda iyo afaaraheyga hoose."
muniiro ayaa
tiri iyadoo dooneysa in ay fani daahir ogolaansho ka hesho…
Fani marna
ma muujineyn wax dabacsanaan ah..
waxayna mar walba difaac ka galeysay in ay aqbasho arrintaas…
waxayna mar kale tiri..
abaayo waan ogahay in aadan waxba iga qarsan anigana sidoo kale
marka abaayo banii,aadamku waxaa wanaagsan in uu taxadar muujiyo..
wax aad yareysaneyso ayaa buuraha kaala qaro weynaanaya.
marka abaayo
macaanto wey igu adagtahay aniga go,aan baan ku gaaray inaan ka
miro dhaliyo waxbarashadeyda mana geli karo afaarahaas ee abaayo
macaanto waan ku baryaayaa ee iga daa arrintaas…
Axmed
juqraafi neeftii ayaa ku dhegtay..aad buuna isku
ciilkaambinayay..wuxuu liqi waayay jawaabta gurracan ee laga
bixiyay codsigiisa..ciil badanaa qoftaan nafteydaa igu
qasbeysa..iyadana ima rabto..aniga hadii aan tanaasulaad sameeyay
oo iyadoo aan ii qalmin laabta ku soo dhoweeyay xaq maaha in ay
sidaa uhadasho mana ka yeeli doono anigaba aan la hadlee..axmed
juqraafi baa iskula hadaaqay.
Labadii
gabdhood markii ay intaa ukala mareyso ..ayaa muniira bilowday in
ay ka sheekeyso taariikhdeeda jacayl iyo waqtigii wanaagsanaa ee
ay isla soo qaateen gacaliyaheedii hore ee waayuhu uu la ciiray..
waxay muniira dooneysay in saaxiibteed ay sawir guud ka siiso
dareenka jacayl…waxayna ku bilowday..
abaayo
weligey si dhameystiran kaagama aan sheekeyn qisadii na dhex
martay aniga iyo kaafi..
abaayo jacaylku ma aha wax la dafiri karo..
mana aha mid la iska indho tiri karo.aniga sidaada oo kale ma
dooneyn aniga oo aan waxbarashada dhameynin in aan rag la hadlo
amaba aan xiriir jacayl la yeesho..
balse waxaa dhacday in kaafi oo aad ogeyd in uu ahaa wiil
wanaagsan oo boqor ah ruux aan la dhigana aan imika aqoon uu igu
tallaalo jacayl aan illaa iyo xad isla soo muudsannay
miiddiisa,kaafi waxaan inta badan si goonni ah ka sokow iskuulka
ku kulmi jirnay hoyga qoys deriskeenna ah oo ay kaafi qaraabo
yihiin taasoo si xornimo ah aan iskula kaftami jirnay..
aniga mar kasta waxaan xiiseyn jiray aadista gurigaas markaan
firaaqo leeyahay si aan u arko kaafi …marka iskuulka la joogo
badanaa waan ka gaabsan jiray aniga oo walaalkeey ka cabsanaya..
sababtoo ah abaayo wiil ay kaafi ilmo adeeryihiin baa axmed ay
dhex martay xumaan sidaa daraadeed buu axmedna u colaadiyay kaafi..
yaan hadal kugu daaline aniga xilligaas ma garan Karin sababta
dhalisay in aan xiiso iyo boholyow daran u qabo kaafi..
adiga wax aan sidaa ahaanaba isagaa ii soo bandhigtay jacayl qiimo
badan oo qalbigiisa dhxex jiifay ..
anna qabilto mooyee ma aanan heyn jawaab kale oo aan dheggaha
kaafi amaahiyo…
sidaa darteed muddo dheer waxaan isla wadnay jacayl aan
labadeennaba ku qanacsaneyn .
waxaan isla wadaagnay kalgacayl dhab ah.
waxaan is amaahinnay dareen dhab ah oo ku saleysan daacadnimo..
kaafi si aad ah buu ii jeclaa anna kaba daran..lamaanayaal ay
naftu ka dhexeyso isma moogaadaane waxaan noqonnay kuwo aan kala
maarmin is agjooggeenana wuu batay waxayna taa kashiftay
arrinteenna..
waxayna sababtay sidaad ogeyd in walaalkeey axmed juqraafi uu soo
rogo amar deg deg ah oo uur kutaallo igu noqday kaasoo ifarayay in
aan ka haro wiilkaas..
walaahi abaayo awood aan kaga haro ma aanan lahayn balse hadaad
tahay saaxiibteey taladaad igula talisay baan qaatay anigoo meel
dheer wax ka eegaya walaalkeey axmed jacayl walaaltinimo oo aan
uhayo baana kaafi xaq uga galay..
hadii maanta nabsigiisa uu iga soo baxana waa dow aan ka talaabi
Karin.
.illaa iyo imikana kama harin waxaana sugayay in maalin qura uu
nasiibku ii saamixi doono in aan dib u soo celiyo xiriirkaas
qiimaha badnaa..
hadana walaalkeey wuxuu ii ballan qaaday in aan u fasaxanahay
arrintaas…
hadii aad adiga iga yeesho in axmed aad wax la qabato…
Fani markii
ay sheekadaa dhageysatay waxba kama badalin go,aankeedii waxayna
ku war celisay..
abaayo aniga iyo adiga isku mid manihi ..adiga iyo kaafi waad isku
qalantaan..
wax dhibaato ahna kuma heystaan waad ogtahay aniga qoyskeenna sida
ay ku noolyihiin..
abaayo waxaan ahay qofka keliya ee ay hooyadeey iyo walalaheey ay
sugayaan..
marka hadii aan hadda ubareero arrintaas aad sheegeyso waxaan
weynaayaa waxbarashadeyda..
isku midna ma noqon karno aniga iyo ruux ay labadiisa waalid u
noolyihiin..kuna nool nolol heer sare ah..
inkastoo aniga xitaa aan ku qanacsanahay nolosha aan ku noolahay
hadana..
dadka ayaa aaminsan in duruuftu ay ceeb tahay…
Markii ay
fani hadalka intaa marineyso axmed juqraafi qolkiisa ayuu ka
ilmeynayay waxaana wiilkii saaqay caloolyow…
wuxuu garwaaqsaday in sababta ay gabadhu u diidantahay ay sax
tahay balse wuxuu niyadda geliyay in maalin un ay dhici doonto in
ay arrin wadaagaan..
Dhanka kale
wax labadii gabdhood ay talo rogrogaan ayaa waxaa la gaaray waqti
dambe..
gabadhii
muniira ahayd oo arrinta usoo gabagabeyneysa saaxiiibteed ayaa
tiri..
abaayo fani in badan baan kula hadlayay waxna waad iga maqliweysay
hadii aad saaxiibtinimadeena daneyneyso walaalkey wax la qabo
hadii kale wax aan isku sheegeyno malaha aniga iyo adiga..
Fani
jawaabta meel dheer kamaba aysan doonine..
waxay ugu jawabtay saaxiib aad baan uga xumahay in arrin aan
moodayay in aad garwaaqsatay aad sidaa iigula hadasho marka waa
adiga iyo garaadkaa waxaad ku taliso balse marnaba aniga
go,aankeygaas kama laabanayo..
Markii ay
fani intaas tiri ayaa ay fadhiga ka sara kacday isla markaana ka
soo baxday qolkii saaxiibteedna u sheegtay in ay baxeyso iyadana
wey ka aqbashay xitaa ma aysan sii sagootine sariirteedii ayay
dhacdiid ugu seexatay..
axmed juqraafi baa arrintaa aad uga xumaaday oo qaadan waayay in
gabadha fani ah sidaa loola dhaqmo..
mar wuxuu is yiri fursadan ka faa,iideyso oo kadaba bax hadana
wuxuu is yiri..
sow hadda muniiro kalama hadlin oo go,aankeeda kuma dhegana..
wuxuuna is tusay in imika ay tahay habeen oo hadii ay sheeko
galaan waqtigu ku sii dheeranayo..
Axmed markii
uu hubsaday in ay fani baxday ayuu qolkii soo galay,wuxuuna hadal
ku bilaabay ..
muniiro ma waalantahay maxaad gabadha sidaa ugu gashay..
xitaa maxaad u sagootinweysay ..qof gurigaaga kugu timid oo hadana
aad xumaan ku dirtay waa maxay..
Muniiro
iyadu xilli dambe ayay ku soo baraarugtay in saaxiibteed ay maanta
six un ugashay..
aad beyna uga qoomameysay..iyadoo hadalkii walaalkeed ka
jawaabeysana waxay tiri..
aboowe
waxaan u qabay in ay xoogaa soo dabceyso..weyse ka fuqi weysay
go,ankeeda..adiga waan dareensanaa in aad qolka naga
dhageysaneysay…
Axmed baa la
soo booday…run sheeg waan ceeboobay iyada xitaa ma I fahantayne?
Maya kuma
fahmin ee aboowe wey diidantahay arrintaan ee maxan sameynaa?
Muniira ayaa tiri..
Axmedna
awuxuu ku jawaabay..abaayo iska daa caawa keyse baan u tagayaa
waana u sheegayaa waxa dhacay isagaana iga ballan qaaday in
gabadhaas uu ogolaasho iiga keeni doono…
Faadumo Macallin
Abuukar (Faadumoruush)
faadumoruush@hotmail.com
