fani daahir
ma aysan garan kareyn waxa qudheeda is badalka ku keenay
balse wey hubtay in maanta ay si kale tahay, waxayse u
qaadatay in ay la yaabban tahay sheekada gaarka ah ee ay
muniira ku wargelisay in ay u heyso iyo is badalka Axmed
juqraafi ee xaggeeda ku wajahan.
tan muniira
waxay u qaadatay in wiilkii kaafi ahaa ee ay hore muniira u
kala tageen uu soo noqday xiriirkooda sidaana ay dooneyso
muniira in saxiibteed ay u sheegto, tan Axmedse waxay u
weysay jawaab ku haboon.
Muniira wax
walba oo nolosheeda ku soo kordha waxay keliya la socodsiin
jirtay Fani Daahir oo inta badan ka dhageysan jirtay un oo
xitaa kula talisay go,aankii ahaa xarig u jaridda kaafi
iyadoo ugu daneyneysa saaxiibteed in ay raacdo amarka
walaalkeed,si aysan iskaga hor imaan,balse kama ahayn isku
dirid iyo wax kala geyn.
hadey fani
dareemi lahayd xanuunka jacayl qabo sidaa kuma taliseen
waxaase ugu wacnaa iyadoo dhegta un ka maqli jirtay magaca
jacayl mararka qaarna idaacadaha ayay ka maqli jirtay heeso
jacayl mase ahayn mid arrimahaa tix gelisa.
wax la
sugaba waxaa soo gabagaboobay xiisadihii, waxayna ardayda u
diyaar garoobeen in ay galbadaan,markii banaanka loo soo
baxay waxaa hore isku sii raacay Axmed iyo keyse sidii
caadada u ahaydba dhanka kalana waxaa isla talaabo qaadayay
fani daahir iyo muniiro.
labada wiil
waa Axmed iyo keyse,e waxay sii eegayeen Fani iyagoo ka
walwalsanaa jawaabta ka soo bixi doonta codsiga Axmed.
Muniira iyo
fani xilligaas uma saamaxeyn in sheeko dheer ay galaan oo
arrinta ay dhinac walba ka eegaan sababtoo ah waa xilli
duhur ah, oo inta badanaa loo degdegayo qadada iyo hurdada
intaba .
waxay
damacday muniira in si guud mar ah ay ugu sheegto waxa ay ka
damacsantahay hadana waxay diidmo ka muujisay in qorshaheeda
uu ka kala dhantaalmo,waxayna saaxiibteed u sheegtay in
galabta ay iyada u imaaneyso ama ay fani xitaa guriga ugu
timaaddo si ay u kala sheeko bogtaan.
fani ma
aysan dooneyn in gurigooda oo cooshash ka sameysnaa dacdarro
badanna ay ka muuqatay loogu yimaadee waxay si deg deg ah
ugu sheegtay muniiro in iyada ay guriga ugu imaaneyso sidaa
ayaana lagu ballamay..
markii ay
muniira ka soo dhaqaaqday fani ayay jidka kula soo dhacday
walaalkeed Axmed oo isagana ka soo leexday saaxiibkii keyse.
Axmed
farxad baa hareysay wuxuuna hoosta ka xarriiqay in arrinta
ay guul ku soo dhamaatay, maadaama walaashii ay si dhaqsi ah
u kala tageen iyada iyo fani.
Axmed wax
kaleba ma sugine wuxuu muniiro ku boobay su,aalo inta badan
ka soo baxayay maskax jacayl degay oo hamuun fara badanna
qabta..,,
wuxuu Axmed hadalka ku bilaabay: abaayo haye ii warran
waxaan filayaa in aad ii waddo hambalyo ii sheeg maxay ku
tiri..
muniiro baa
inta yaabtay ku tiri walaakeed.."aboowe Axmed aniga iyo
iyada weli kama hadlin arrintaad ii dirtay, galabta ayaan
ballansannahay..
;yaaaahhh..maxaa
dhacayna abaayo maxaad sidaa u yeeshay? ayuu la soo booday
Axmed oo niyad jab weyn uu ka muuqdo.
muniiro oo
dareensan degdegga walaalkeed ka muuqda ayaa ku qancisay in
galabta aysan dheereyn oo si deggan ay Fani uga
dhaadhicineyso arrintaas ayna guriga imaaneyso.
Axmed aad
buu ugu riyaaqay qorshahaas wuxuuna soo dhoweeyay in maanta
uu arko fani oo gurigooda dhex fadhisa, isla markaana
sheekeyneysa..
Axmed waxaa
la dheeraaday waqtiga, sidii nin diyaar garow aroos ku jira
ayuuna Axmed juqraafi isula muuqday maalintaas, wuxuu sugi
kari waayay xilliga ay fani imaaneysay oo uu xiiso weyn u
qabay maalintaas .
wax waqti
is guraba xilli dambe oo ay qorraxdu qabowday, cirkuna
daruur roob ku laranyahay oo qaanso roobaad dhexda kaga
marantahay ayaa waxaa soo gashay fani Daahir oo aad u
xishooneysa afkana garbasaarteedii iska saareysa..
fani dhar
lebis oo dhan waxay ka qabtay joog dirac iyo garbasaar baati
ah oo ay xiran jirtay marka ay meelo muhiim ah u socoto.
Axmed isagu
wuxuu isku diyaariyay si aan caadi ahayn wuxuu ku wareeray
dharkii uu xiran lahaa,wuxuu rog rogis u galay boorsadiisii
oo la ciir ciireysa dhar,goor dambe ayuu soo xushay hal joog
,ka dibna inta uu dhalo barfuun ah isku soo jebiyay ayuu soo
fadhiistay daaradda hore ee guriga si uu u arko marka ay soo
galeyso fani guriga.
Axmed
intaas oo is diyaarin ah waxay ka ahayd Sidii uu ku soo
jiidan lahaa gabadha fani ah..
markiiba fani Markey aragtay Axmed oo illinka gurigooda
fadhiya waxaa ka lumay socodkii waxayna niyadda iska tiri, "alla
maxaa imikan meesha dhigay ..
ceeb badanaa sidee ku gudbaa.."
waxay fani
isla gunuunacdo waxay soo gaartay gurigii, waxayna iyadoo
hoos un eegeysa oo aan awoodin in ay Axmed indhaha ku
dhameyso cod gaaban ku tiri ..
"haye Axmed ii warran"
Axmedna
wuxuu kaga qaaday salaantii si dhiirranaan leh..weliba wuxuu
u sii raaciyay erayo kaftan ah, oo ay ka mid ahaayeen..
"maanta waad soo dheeraatay…gacmo furan ku soo dhowoow
halkan waa gurigeenna,adna waa gurigaaga ..
ha is martiyeynin " iyo hadallo kale oo u badnaa soo
jiidasho.
fani inta
mahadsanid aboowe ku tiri ayay hore usii gashay gurigii
halkaasoo ay muniiro si heer sare ah usoo dhoweysay.
markii
Axmed juqraafi uu arkay in fani ay gudaha gashay ayuu soo
galay qolkiisii halkaasoo uu doonayay in uu ka dhageysto
waxa ay labada gabdhood kuwada hadlayaan.
fani iyadu
maanta dareenkeeda aad buu uga duwanyahay sidii hore.
sababtoo ah waxaa dhegaheeda ku soo dhibcayay erayo naxariis
leh kuwaasoo ka soo baxaya ruux aysan weligeed uga baran
hadalladaas oo kale,sidoo kale Fani Daahir waxaa niyadeeda
ay si aad ah ula jaan qaadeysay..
neecawda qabow iyo hawada magaalada oo aad u degganeyd,
