| |
Fanaanadda Raxmo Ahmed Ali (Rahmo Ruuxi) oo ay Soomaalida
ugu yeeraan Boqorada Yar ee bedeshay Alaha u naxariistee
Boqoradii Codka Xaliimo Khaliif Cumar Magool ayaa
socdaalkii ugu dheeraa waxay ku mareysaa dalalka Yurub.
Fanaanada Raxmo Ruuxi oo dalka Holand kula hadashay
Warbaahinta Waagacusub waxay socdaalkeeda ku sheegtay inay
ku taageereysay Ciyaarahii Xageyga ee Sweden ka dhacay,oo
ay heeso wadaniya ku fureen iyada iyo Fanaanka weyn ee
Xasan Adan Samatar.
 "Heesahii
Sweden inaan furo ayaan u imid Yurub,waxaan ku furay heeso
wadaniya oo ay qaadi jirtay Magool maxaa yeelay
balwadeeyda waxay ahayd Sports,1993 ayaana ku soo biiray
fanka oo bilaabay inaan heesaha qaado anigoo jooga
Italy"ayey tiri Raxmo Ruuxi.
Raxmo Ruuxi oo socdaal ku soo martay Denmark,kulana soo
kulantay Fanaaniin waaweyn waxay amaantay Warbaahinta
Waagacusub oo ay sheegtay inuu yahay kan ay ugu booqashada
Waagacusub.
 "Warbaahinta
Waagacusub waxaan siinayaa hees wadaniya oo magaceedu
yahay ka NOQO SOOMAALIYEEY,waxaa heesta sameeyay Abwaan
Xasan Jaceyl,waxaana Muusiga saaray Ustaad Naaji,mana
bixin weli" ayey Raxmo Ahmed Ali ku tiri Wareeysi dheer oo
ay siisay Waagacusub ugana hadashay taariikh nololeedkeeda
iyo goorta ay ogaatay inay leedahay cod la mida ama lagu
xasuusto Xaliimo Khaliif Magool.
Raxmo oo xustay inay ku dhalatay Degmadda Wardhiigleey ee
Muqdisho waxay tibaaxday in magaca Ruuxi ay u bixisay
hooyadeed.
Inkastoo Raxmo Ruuxi marka la dhageysanayo codkeeda lagu
kala qaato sharad la xiriiro,waa Magool iyo waa Raxmo
hadana degmadda ay ku dhalatay ee Wardhiigley waxaa ka soo
baxay fanaaniin waaweyn oo codkooda aad loo jecel
yahay,lagana xusi karo Magool qudheeda,Salaad
Derbi,Sulfa,Khadiijo Foodeey iyo Fanaanka soo baxay ee
Cabdulahi Boqol.
Si kastaba ha ahaatee,waxaan dhawaan idiin soo gudbin
doonaa Wareysi dheer oo ay Raxmo kaga hadleyso heesaheeda
cusub,heestii ugu horeysay ee ay qaado iyo heesaha
wadaniga,Jaceylka ee ku soo baxaya Album cusub oo ay soo
wado.
Dahir Abdulle Alasow
Amesfoort -Holland
Waagacusub Arimaha Bulshada
fatkayare123@hotmail.com
|
|
