Dhanka
kale wiilkii kaafi ahaa ee isaga iyo muniira la kala
irdheeyay sidii uu uga soo kabtay jacaylkii uu uhayay
muniira, wuxuu iska gataa dukaan isagoo gabadhaa darteed uga
baxay iskuulkii ay isla dhigan jireen ka dibna aawadeed
inta uu unacay waxbarashadii ayuu ganacsi iska galay.marna
ma uusan ku taameyn in gabadhaas uu xiriirkeeda soo celiyo
..
Inta
ay kala goosteen isaga iyo muniiro waxaa ka soo wareegatay
labo sano,kaafi wuxuu ahaa wiil aad u dabeecad fiican isla
markaana ku darsaday hanaan uu eebbe u dhaliyay iyo
daacadnimo xad dhaaf ah,lama soo koobi Karin inta jeer ee ay
gabdho ay soo jiidatay dabeecaddiisa ay arji ula yimaadeen
balse wuxuu uga aqbali waayay xanuun gocasho waayo waayo ah
oo qalbigiisa ka damqanayay .
wuxuu
ku hamin jiray mar un in uu arko muniiro oo nabsiga ay ka
gashay uu ka soo baxo..
wuxuu xusuus u galaa waayihii soo maray noloshiisa ee
waqtigii macaanaa uu jacaylka ha kufin ha jabin iyo ha
dhicin ku socday ee uu la soo qaatay gabadhii uu u hibeeyay
noloshiisa ee hadana meel cidlo ah kaga tagtay.
kaafi
mar walba oo uu arko laba ruux oo jacayl wadaag ah waxaa ku
soo lixaadsanayay dareenkii ku beernaa qalbigiisa..
inta badanna wuxuu isku madadaalin jiray heesaha catowga ah
isagoo isku qancin jiray in arrinta ku dhacday aysan ahayn
mid isaga un ku kooban balse ay tahay mid soo jireen ah oo
rag badan ay hore ula soo kulmeen,wuxuu dhex fadhiyaa
dukaankiisii yaraa waxaana u shidnaa hees ku reebtay xusuus
niyadiisa taasoo uu ku luqeynayay fanaanka Bashiir Cali
Xuseen.
Jacayl
kala awood weyne.
kii
iilka dhigay qeys
leylana ag seexshaa
anna
igu abuurmoo
oogaduu ku faafoo
diiday
in aan adkeystee
ii kaa
asqeeyoo
igu
kaa eryaayee
imisaa
adoo kale
arji
iila timidoo
oofin
maayo aan iri
aawadaa u joojee
wadnahay ololayee
ii
dhigo abaaloo
arrinteyda meel mari.
Axdi
been ah lama galo
wacad
lama ilaabee
ruuxii
ku aamina
lagama
indho saabtee
afar
saniyo dheeraad
arrimahaan dhiseynee
aan is
iri idlaadeen
waa
adigii irdheeyee
imisaa
adoio kale
arji
iila timidoo
oofin
maayo aan iri
aawadaa u joojee
wadnahay ololayee
ii
dhogo abaaloo
arrinteydan meel mari.
haddii
aan milicsanno gabadhii Fani ahayd iyadu waxay ku
mashquulsaneyd sidii ay dadaal dheer u muujin lahayd
imtixaanka sanad dugsiyeedka oo foodda ku soo hayay.
waxay
Fani ku hamineysay in ay dhibcaha ugu sarreeya ee imtixanka
ay hanato,wuxuu ahaa imtixaankii loogu gudbayay dugsiga sare.
fani
ujedkeeda ugu weyn wuxuu ahaa in dadaalkeeda dheeriga ah ay
ku hesho jamacad dibadeed.
Muniira iyadu waxaa ay si aad ah ula yaabbaneyd hadalladii
uu u sheegay walaalkeed Axmed juqraafi ee ahaa in Fani uu
jecelyahay, waxaa maskaxdeeda si aad ah ugu soo
laalaabanayay sida ay arrintaas ku dhacady .
waxayse isku qancisay in jacaylku uu ku beermo siyaabo kala
duwan.
mararka qaarkood in uu jacayl kugu beermay waxaa lagaa
dareemi karaa wanaag fara badan oo aad u heyso ruuxa aad
jeclaatay,waxaad la soo baxaysaa naxariis iyo caadifad aad
ku habeyso qofka uu dooqu ku raacshay ,sidaa si la mid ah...
waxaa jira jacayl marka uu qalbiga ka soo go,ayo ay la
socoto dabeyl nacayb uu ku dahaaranyahay.
sidaa
darteed muniira way iska garwaaqsatay arrintaas waxayna
go,aansatay in marka iskuulka laga rawaxo ay Fani Daahir
sheeko gaar ah la yeelato, si ay taas ugu suurto gashana
waxay sii ogeysiisay Fani oo ay u sheegtay in maanta dan
gaar ah ay ka leedahay..
Fani kama aysan diidin saxiibteed codsiga ay u soo
jeedisaye,inta ay ka aqbashay baa hadana waxay maskaxdeeda u
soo gudbisay su,aalo dhowr ah oo codsigaas ku aaddan.
Fani
maalintaas waxaa isugu darsoomay oo shaki weyn ku beeray
codsiga Muniira ee ah in dan gaar ah ay ka leedahay iyo
Axmed juqraafi oo si gaar ah u eegayay oo ka duwan sidii
hore.
labadooda waxay fadhiyeen laba kursi oo iska soo
horjeeda,badanaa Fani hoos ayay uga jeesaneysay xishood
dartii markii ay isku dhacaan indhaheeda iyo kuwa Axmed oo
deymo qooraansi ah oo raxmad ay ku dheehantahay ku soo
eegayay.
maalintaas Fani si aad ayuu dareenkeeda isku badalay mana
aysan ogeyn waxa sababay arrimaha jahawareerka ku riday,
waxay si aad ah ula amakaagtay dareenka Axmed ka muuqda ,
mararka qaarna wuxuu ku soo tuurayay hadallo damac uu ku
dheehanyahay oo isagoo aan is ogeyn uu carrabkiisu u
hadiyadeynayay dhegaha Fani Daahir ee aan weligood maqlin
hadallada jacaylku ka dhadhamayo.
fani,
Axmed Juqraafi kagama aysan baran in uu la hadlo iska daaye
xitaa salaanta in uu ka qaado, maantase aad bey uga
duwantahay maalmihii hore ee nacaybka ruux walbana dhankiisa
ayuu ka dareemayaa dareen hor leh oo noloshiisa ku cusub.
Faadumo Macallin
Abuukar (Faadumoruush)
faadumoruush@hotmail.com
