(
Dhambaalkii Runta Ka Dhwaajiyay)
waxay
dhex joogtaa guriga, inta badan howlaha guriga waxba
kama qabato fakar iyo waxay ku jirtaa isku buuqsanaan
aan cedna la ogeyn, dhan hadaad u fiiriso waa garteed
sababtoo ah waxay dhan ay u bixiso la,dahaya qofkii ay
dunida ka calmatay wuxuu u sheegaa mar walba in uu
jecelyahay laakiin iyada kuma qanacsana arrintaasi,
kamana aragto cadeymo muujinaya sida ay u jeceshahay
in uu u jecelyahay.
dhowr
jeer waxay isku dayday in ay isaga baxdo jacaylkan
baas ee wareeriyay ee aysan u jeedin ced sideeda oo
kale uga walwaleysa,laakiin aayaha dambiyo rajo ayay
eegeysaa nafteedana ma karto in ay ilowdo wiilka
qalbiga ka degay.
marka
isaga dhinaciisa la fiiriyo, xiriir un ayaa kala
dhexeeya gabadha xiligaasna magaalada ayuu gees ka
joogaa inta badan iyada ayaa ugu timaada goobtiisa
shaqo . marka ay iskuulka ka timaado wey soo mari
jirtay mar walba, laakiin isaga wuu dhibsadaa wuxuuna
u sheegaa in aysan mar walba u imaanin ee ay mar mar
un u timaado.
wax
lur ah kumaba heyso isaga, in uu xiriir kala dhexeeyo
ayuu ogyahay oo keliya laakiin gabar kale lama
wadaajiyo mana isku dardaro gabdhaha wax ay arrin kala
dhexeysana gabadhaas ayaa ka jirta.
aad
ayay u yaaban tahay sababtoo ah waxay rabtaa sida ay u
jeceshahay isaga in uu u jeclaado , sida ay uga
fakareyso in uu uga fakaro, sida ay ugu boholyoobeyso
in uu ugu boholyoobo, laakiin intaas oo dhan ugama
jeedo.
waxay
niyadda iska tiraahdaa,,, ha ii imaanin mar walba
muxuu ka wadaa? miyuusan i ejceleyn miyuusan ogeyn in
aanan daqiiqad xitaa ka maarmi karin, maxaa keenay in
aniga un aan sidaa ugu hamuun qabo. laakiin wax
jawaabo ah uma hesho.
marar
badan waxay damacday in ay wax walba runta u sheegto
sida uu jacaylka ka fahmayana aysan ahayn ee uu
jacaylku u baahan yahay in la isla walwaalo oo la
koolkooliyo, hadana waxay ogeyd in uu ku ancadoonayo
in uu shaqo hayo oo uusan firaaqo u heynin laakiin uu
jecelyahay.
iyada
dhinaceeda si aad ah ayay gacaliyaheeda u qiimeysaa
wax walba oo uu u baahan yahay oo suurto gal ahna kama
hagrato, nafteedana tiisa ayay ka jeceshahay , si
walba hadey u mahsquulsan tahay iyo wax walba oo
nafteeda ku soo kordhaba marna xusuusteeda kama baxo.
waase
yaabe! miyaa loo ogyahay? jacayl dhab ah iyadaa heysa
yaase la qeybsanaya? waa un keligaa cidlada ku
calaacal ced kuu og ma lehee.
allahayow
dhib badanaa gabadhan xaaladda ay ku jirto! sadex
sano ayayna sidaan ku nooshahay. malaha wax ay ku
dhaqaaqdo , ma jirto ced ay ka maciinsato jacaylkan
sida arxan darrada ah uga galay dhuuxa iyo lafaha
hadana aanan loola wadin sidii loo wadi jiray, waxay
ku calaacashaa muxuu marka hore iigu beeray haduu
sidaan ii galayo? miyuusan aqoon xaqa uu jacaylku
leeyahay?
ma
jirto xilli qura oo ay faraxsantahay ciil iyo
caloolyow ayayna ku jirtaa aan cedna la ogeyn,
inta
badan waxay isku maaweelisaa la faqidda nafteeda,
imika waa galab casar ah , keligeed ayay ku sugan
tahay jardiin cedda ku dhex yaalla iyada iyo nafteeda
ayayna sheeko u socotaa, mar walba nafta waxay
tiraahdaa aniga wiilkaas waxaad doonto samee kama
maarmi karo mar haduu ku jecelyahayna waa ilaah
mahadii.
laakiin
iyada ayaa nafteeda ku canaanatay.....
nafteydaay
damiirkiyo
dooqii
heshiiyaan
kuu
diir naxaynine
adna
diifta kugu taal
daqarrada
ku gaariyo
nabarkii
damqanayaad
la
daalaa dhacaysaa
bal
maxaa ku daba dhigay
ruux
aan dareemeyn
dandarrada
jirkaagiyo
sidaad
ugu il daran tahay
ma
dabayliyo xoog lihiyo
daad
soo rogmanayaad
derbiyada
u jiiftaa
anna
dacar qaraariyo
sun
leygu dilayo
miyaad
igu dirqiyeysaa
sidee
ugu dulqaataa
dibindaabyadiisiyo
dabka
uu is leeyahay
wey
ku diirsan doontaa
waxse
aan dareemeyn
wuxuu
igu dagaayiyo
dembigaan
ka galabsaday?
ha
yeeshee nafta wey garowsatay in ay gardarantahay
keliyana ma taqaan waxay go,aan ku gaarto, balse waxaa
loo sheegay hadii aysan iyada go,aan gaari karin in ay
soo wareejiso xilka ayna iyada qaadaneyso mid kama
dambeys ah.
waxay
ballan ku qaaday in ay u qorto warqad ay ugu
faafaahineyso wixii uurkeeda ku jiray iyo sida ay
xaaladda tahay mar dambana aysan jirin wax dhex mari
kara.
alleylehe
waa go,aan adag oo ay ku liqeyso jacaylkii dhex
yaallay iyada iyo inankaan aanan la ogeyn dhibaatada
iyo xanuunka haya. waxay nafteeda u sheegtay in aysan
ka daba hadlin go,aanka ay qaadato keliya ay marqaati
ka noqoto kuna taageerto waxa ay ku kacayso.
waxay
soo diyaarsatay warqad iyo qalin waxayna isku
diyaarisay in ay u qorto qoraalkii ugu horeeyay una
dambeeyay ee ay ku soo afjareyso jacaylkii keliga ku
ahaa waxayna ku bilowday:
maalinta
runta la isku sheegi lahaa!
markaad
aragtay owgaa
inaan
kuu ildaranahay
waxaan
uurka kaa jirin
ila
soo abaartaye!!!
walaal
waan ku salaamay salaan ka soo go,day naf in badan
silic owgaa ugu jirtay, imikana ka soo baxday xabsigii
iyo xeyndaabkii aad ku ooday adiga oo aanan fiirin
xaqa ay kugu leedahay.
hase
yeeshee waxaa maanta farxad ii ah in aan aniga u
holladay sidii aan isku xoreyn lahaa oo aan uga bixi
lahaa xerada keliga aan ku ahay ee aad adigu ii
horseeday.
waan
ku faraxsanahay in aan kuu soo qoro warqadan aad
xaqiiqda ku dareemi doonto, ku ogaan doonto waxay uu
jacalku yahay iyo sida ay nolosha tahay.
waxay
kaa baab,in doontaa fakradda qaldan ee aad heysato.,
saaxiib ogow banii, aadamku ma mudna wax lagu dheel
dheelo ilaah ayaaba karaameeyay marka ma aha in adiga
aad qoonsato.
Ma
xusuusataa markaad jacaylka igu abuureysay? Maxaad ula
jeeday aan ku su,aalee?
Hadii
aad mooday xiriirka jacaylka in uu yahay sida aad u
qaadatay bal maan iska ahaanno dadka caadiga oo kale
oo wanaag iyo walaaltinimo uu ka dhexeeyo.
Waxaad
igu abuurtay jacayl ilaa xad aan la golongolay, welina
aan miidiisa muudsan iska daaye taas naxariis kaagama
aanan helin, nafta wax jecel waxay u baahantahay waad
ogtahay mase I siinin , miyaadan ogeyn in jacaylku uu
u baahan yahay sida aadmiga cunto iyo biyo?
Cuntadiisu
ogow waa hadallada macaan iyo naxariista uu ku siinayo
qofka ku jecel amaba aad jeceshahay , aniga dartaa
hurdo iyo harsi waan ka go,ay sababtoo ah qalbigeyga
jacaylka ku beeran haduu baahan yahay oo loo diiday
cuntada anna ma dhergi karo igamana suurowdo in aan
wax cuno.
Dembi
ma lihid adiguye
Doqonnimo
waxay tahay
Adoon
danba ii heyn
In
aan kugu dul ooyee
Caashaqan
I daashaday
I
dulleystay keligey
Miyaa
leygu dow galay?
Saaxiibkeygii
aan jacaylka kula midoobow, aad baan maanta uga
xumahay halka ay xaaladda iga taagan tahay kama
shaleynayo in aan runta kuu sheego hadii aan markii
hore kaa gaban jiray anigoo raalli nimadaada ku socda.
Ogow
wax walba waan kuu samyen karay laakiin hal dabeecad
ayaan qabaa , yeeli mayo in la igu kor socdo, ma
aqbali karo keligey in aan dadaalo oo aanan la ii
ogaanin,
marna ma yeeli karo in aan noqdo miisaanka darafta uu
ka liicayo ,
micnaha miisaanka aan sinneyn darafta laga awood
badiyay ee liicday ma noqon karo. Aan sinaanno haa…
laakiin tan kale maya.
Waa
mid , waxaad ii sheegi jirtay in aad I jeceshahay,
sidee ii jecleyd? Weli ma aanan fahmin mana rabo hadda
in aan fahmo , aan adiga ku dareensiiyee ma waxaad igu
jeceleyd in markaan kuu imaado aad I tiraahdo ha ii
imaanin mar walba ? mase la dhihi karaa qof la jecel
yahay .
Aniga
daqiiqad walba waxaan dareemi jiray baahi aan adiga
kuu qabo wax walba oo nolosheyda la soo darsana waan
kula soo socodsiin jiray dhib walba iyo mashquul walba
oo igu yimaadana marna xusuusteyda kama bixi jirin ,
adiga maxaa sidaa kuu diiday? Hadii aad I jeceshahay.
Maxay
ku dhacday in aniga aan kuu dhibtoodo , kuu boholyoobo
adna aadan waxba iga ogaanin,
waxaa shaki igu beeray iguna qasbay dhambaalkan in aan
kuu soo diro sababta ay ku dhacday in sadex sano aan
adiga kuu go,doomo adigoo aanan wax dan ah ii heynin
jacaylna aan owgaa la golongolo, run ahaantii waa waxa
aan la yaabay!
Hadda
waxaan taaganahay halkii ay fanaanad ka tiri….
Sidey
tahay nafteydiyo
Lama
socotid howlaha
Sanadahan
I heystee
Sabab
iyo wax sheeg iyo
Samir
waan ka quustoo
Waa
inaan salgaaree
Hadda
ka dib ku bishaareyso kuma dhibayo, kuuma imaanayo ima
arki doontid, magacayga ma maqli doontid, raadkeyga
mehradaada ganacsi kuma arki doontid, waan kala go,nay,
waan kala tagnay. La soco…
Kaarkiyo
xanuunkiyo
Kurabaduu
jacayl qabo
Maxay
saaray keligey?
Kobcinta
caashaqeenniyo
Kordhinta
xiisaheennaba
Maxaan
keli u dhowraa
Korna
ugu qaadaa?
Maxaa
keenay inanyohow
Inaad
kaalintaadii
Kuligeed
ka soo bixin?
Jacaylkaan
kabaayee
Kool
koolinaayee
Keligey
u taagnaa
Kol
hadaan dhankaagii
Aan
ka waayay kaalmada
Anna
kuma filnaan karo
Ogow
kabtiisaan
Koley
kaga tegaayaa
I
kadeedi meyside
Ninba
waa kalkiisee
Markuu
kugu dul meeroo
Keynta
aad ku nooshahay
Kaa
soo salaamaan
Kaa
aarsan doonaa!!!!!!
Faadumo
macallin Abuukar ( FaadumoRuush)
faadumoruush@hotmail.com
