Waxaa
beryahan danbe soo if baxayey ama inagu soo badanayey burburka
qoyska kaas oo ah arrin khatar ah oo aad ugu soo badatay
soomaalida, markaa wixii la arkaba in laga hadlo oo wax laga
yidhaa ayaa wanaagsan, qoyska burburkiisuna arrin sahlan maaha
markaa Waxaan isku dayayaa bal waxooga yar inaan ka idhaahdo
dhacdadan inagu soo badatay islamarkaana inagu soo noqnoqotay
hadaynu nahay soomaalida meelkasta oo aynu joogno :
Waxaa markaa
loo baahanyahay bal inaynu isku dayno sidii loo badbaadin lahaa
qoyskasta oo burbur ku dhowaada ama looga hortagi lahaa
burburkaas.
Bulshada soomaaliyeed waxay
iskaga badanyihiin danyar iyo bilaa aqoon marka labada ugu
waaweynina waa labadaas ee reerka burburka u horseeda.
Waxa sida qof wal oo somali
ahiba dareensanyahay inagu soo badatay beryahan danbe burburka
qoyska , bal aan isku dayo inaan qodobeeyo arrimaha ugu waaweyn
ee burburiya qoyska:
1.cilmi la’aan badan oo jirta ,
waxa uu yidhi shekh c/raxman naasir al sacadi "haddii aanu cilmi
jirin dadku waxay noqon lahaayeen xoolaha oo kale" cilmigu ha
ahaado mid diini ah ama maadi ahba e, markale abwaan carbeed
ayaa ku yidhi gabay u tiriyey cilmigu waxaa uu dhisaa guryo aan
tiirar lahayn jahliguna waxuu dumiyaa guryo sharaf iyo cizi leh
oo nolol fiican ku dhisan.
2.doorasho la’aan oo ah in
aanay labada qof marka horeba is dooran (ikhtiyaaru sawja).
Waa haddii labada qof uu
waalidkood isa siiyo ee laakin aanay iyagu heshiin oo isa soo
afgaran haday iyagu heshiiyaan oo wax walba ka soo wada hadleen
waa si fiican laakin hadu waalidku yidhaa aabo waxaan ku siiyey
nin reer hebel ah oo berri soo fadhiisanaya sidaa ula soco.
Hadhow wa xa ka danbeeya waa loo wada fadhiyaa oo waa la arkaa.
3.qadiyadda dhaqaale ooa h
qaddiyada ugu weyn ee imminka somalida sida aadka ah u haysata.
Waa labadii qofba marka aanay
dhaqaale ku filan haysan midkoodna aanu shaqayn sidaas awgeed ay
soo foodsaarto dhaqaale yari markaasna la waayo masaariiftii (biilkii)
sidaas awgeedna la isku qayliyo oo lakala cara ro.
4.dagaalka badan iyo dulqaad
yarida oo ay iskula kacaan labada qof ee is qaba ,waayo meel
dagaal ka jiro nololi kama jirayso ama kama suurtagleyso.
5.fahan la’aan , waxay
yidhaahdaan qolyaha tarbiyaddu " fahanku waa nooc ka mid ah
tarbiyadda.
6.gabadha oo ninka aad uga
weynaata marka hore , haddi laakin uu iimaansado ama uu ku
qanacsanayahay waa ay ku filantahay wax dhibina kama imanayaan ,
laakin wax dhacda inay mar marka qaar gabadhu ninka amar siiso
oo ay isku bidayso inay ka weyntahay oo ay caqli badan
dheertahay sidaas awgeedna uu isaguna inkiro oo uu diido amarka
ay siinayso habartiisu ileen waa nin oo isna wuxu is bidayaa
inuu isagu reerkaba maamulee oo aan wax ka weyn oo caqli ku
dhaamaaba jirine, ka weynaanshaha ay gabadhu kaa weynaataana
dhibtaas bay leedahay oo waa markas oo aad amarkeeda diida uun.
Ariimahas oo dhami waxay ka mdi
yihin arrimaha burburiya qoysaska soomaaliyeed iyado qoysaska
kale ee addunka ay dheeryihiin qodobo kale lakin halkan waxa aan
ku xusnay oo keliya arrimaha burburiya qoysaska soomaaliyeed
maadama aynu nahay soomaali arrintuna innaga inagu fara
badantahay
Intaas ayaan ku soo koobayaa
maqaalkaygan
Wixii talo ioyo tusale ah ee
aad ku biirinaysaan maqaalkan fadlan soo gudbiya waan idinka
aqbalaynaa.
Haddii wax khalad ah uu ku jiro
maqaalkan waan idinka raali gelinaynaa ee noo soo dira waxaad
khalad u aragtaan fadlan.
Waxa soo
diyaariyey :
Dr. cali Baashe C/laahi
Abaashe20@hotmail.com
002522,4446973 mob
Waxaana soo tafatiray amaba isku soo
habeeyey:
Mustafe osman A/rahman
Mustafe_480@hotmail.com
Mustafeyare101@yahoo.com
002522,4411480 mob
Burao S/land
