Keyse
aad buu ula yaabayaa saaxiibkii Axmed, wax uu ku tilmaamana
wuu garan waayay.
mar
kale ayuu isku dayay in uu Axmed wax dhacsiiyo isagoo yiri:
"saaxiib
waxaad ogaataa in dadkan aad ka cabsaneyso ay iyaga gaad
gaad jacayl ku hayaan gabadhaas,waxaana nacasnimo ah in
dadka oo kugu caayaya gabadhaas hadAad guursato amaba xitaa
aad la socoto, aad u dhaafto dartood adigoo og in fani ay
daawadaada tahay.
sidoo kale saaxiib marna ha isku dayin in aad xaqirto
jacaylka aad gabadhaas u heyso adigoo og in aad ka maarmi
karin oo ay qalbigaaga daaro ka dhisatay. marka adiga hadaad
heyso wax kale waad soo bandhigi kartaa"
Axmed
markan wuxuu isku arkay inuu qaldanyahay,sababtoo ah halka
hadalka uu ka gaaray isaga iyo saaxiibkii ma uusan doaneyn .
wuxuuna habeenkaa go,aanka axmed juqraafi ahaa in uu si
deggan ku dhamaado wada hadalkooda balse waxaa ismariwaagu
uu ka dhex dhashay, Axmed oo doonaya in Keyse uu keeno xal
kale oo aan ahayn in fani uu xiriir la yeesho iyo Keyse oo
saaxiibkii runta u sheegaya in uusan wax kale oo an ka ahayn
in Fani tahay daawada Axmed heyn.
Markaan Axmed baa isku dayay in uu xiisadda dejiyo wuxuuna
saaxiibkii usheegay in uu qaadanayo taladiisa, laakiin ay
haboontahay in si qarsoodi ah ay iskula socdaan isaga iyo
Fani oo aysan ogaan cidna.
Keyse
arrintaas wuu u guuxay, wuxuuse Axmed juqraafi xusuusiyay in
si kastaba jacayl xoogeystay uusan qarsoomi Karin.isagoo taa
saaxiibkii la socodsiinaya ayuu ku yiri:"Saaxiib waad ku
mahadsantahay mar hadaad qaadatay taladeyda, waxaana ballan
kuugu qaadayaa in waxa aan kugula taliyo in aad ku baraarto
mooyee aadan marna ka shalaaydoonin.
Tan
kale maahmaah baa ahayd ;;qunfac iyo jacayl midna ma
qarsoomaan,mar un waa tii la ogaadaa haduuba jacaylkiinnu
noqdo mid idiin wada saameeya kolkaasoo laga garan doono
wejiyadiinna maxayse kaaga badantahay oo aad ku
faleysaa,niman asaagaa ah warkooda ,
Waa
dad qaraar haya oo maba heli karaan gabadhaas sharafta badan
ogowna adigaa ka saacidi kara inta ka dhiman,dhan kastana
wey kaga horreysaa asaageed"ayuu keyse ku soo gaabiyay
hadalkiisa isagoo doonaya in uu ku sii adkeeyo saaxiibkii
go,aanka ay isla qaateen.
Mar
haddii lagu heshiiyay in Axmed uu Fani la wadaago jacaylka
ku beeran keligii, waxaa isweydiin mudan oo aan golaha ka
marneyn sida Fani Daahir looga dhaadhicin lahaa arrintan oo
laga yaabo in ay fajaciso ku noqoto.
Axmed
Juqraafi baa isagoo aan ilowsaneyn qodobkaasi u jeestay
saaxiibkii keyse kuna yiri:
"Saaxiib
Keysow waatahaye sidee gabadhaas loogu sheegaa arrintaan?"
"Taa
micno malaha, anigaa u sheegaya hadaad doonto hadii kalana
warqad baan u qoreynaa…"ayuu keyse ku warceliyay.
Mar
kale Axmed baa diidmo ka keenay oo yiri…
"Walaahi
saaxiib taas suurto gal maaha ,bal ka warran walaasheey
Muniiro oo ay saaxiibbo yihiin hadaan u dirno, si ay uga
dhaadhiciso iyagaa gabdho isla ahee"
"Waa
arrin wanaagsan saaxiib, iyada aan aan ka dhowrno jawaab ka
dib ayaan howsha galeynaa" Inta uu Keyse saaxiibkii ku
qanciyay ayuu mar kale saaxiibkii Axmed Juqraafi gacan
qaaday kuna yiri isagoo kaftamaya: "nolol cusub saaxiib,
waan hubaa in farxad joogto ah aad la dersi doonto iyo
firfircooni dheeraad ah"
Intaa
ka dib Axmed oo faraxsan baa inta labada dhaban ka
dhunkaday saaxiibkii, fadhigii ka sara kacay.
"saaxiib
sidaa baan isku ognahay, habeen wanaagsan" ayuu Keysana ku
sagootiyay saaxiibkii.
Axmed
wuxuu u soo hadaafay hoygoodii ,waa xilli fiid ah oo ay
dadku weli is dhex marayaan.
Axmed
wuxuu dareemayay gaajo, illeyn waa nin aan qadeynin oo
quraacdii subixii ugu dambeysaye markan aad buu uga
degganyahay sidii hore wuxuuna leeyahay maskax uu wax walba
ku dareemo.
Wuxuu
soo guureeyaba wuxuu soo gaaray gurigii oo uu buuq badani ka
taaganyahay, waxaa la is weydiinayay sababta uu Axmed u
qadeyn waayay. ka dib markii la arkay cuntadii oo ku
daboolan miiskii looga tagay.
Muniiro waxay hooyadeed u sheegtay in aysan waxba kala socon
arrimahaasi iyada xitaana ay la yaabbantahay sababtaas.
iyadoo
xaalku intaa marayo, ayuu Axmed Juqrafi dalaq soo yiri, ka
dibna wuxuu salaan waalidnimo salaamay hooyadii Cibaado oo
ku wardisaneysa salligii ay salaadda maqrib ku
tukatay.wuxuuna bilaabay in uu hooyadii xaal wareysto.
"Hooyo
macaan ii warran …hadaaye ayaa iigu kaa dambeysaye" ayuuna
hadal ku bilaabay isagoo ku dheggan weli gacanta hooyadii.
Hooyo
Cibaado ayaa ugu warcelisay wiilkeeda.”waan nabad qabaa
hooyo macaan,adiga bal ii warran halkee imika ka socotaa?"
Axmed
baa isagoo ka jawabaya su,aasha hooyadii yiri..”hooyo sow ma
ihi wiil dhalinyaro ah? fiidsi baan u aaday guriga
saaxiibkey Keyse, gaajo baan dareemayaa ee aaway Muniiro ii
keen casho."
Markii
uu intaa yiri, ayay hooyo Cibaado la soo boodday: "maxaad
Axmedow u qadeyn weysay maanta?"
"Hooyo
walaahi madaxaa I xanuunayay waxaan is iri wax yar seexo
hurdadaase ila tagtay" ayuu ku jawaab celiyay Axmed.
Hooyo
cibaado oo iska afgabneyd baa hadalkii intaa uga hartay
waxayna garowsatay arrinta uu u sheegay wiilkeeda.
Wax
yar ka dib, Muniiro ayaa halkii soo istaagtay iyadoo Axmed
ku leh: "waan kuu diyaariyay aboowe cashada ee orod oo soo
cashee"
Ka
dibna Axmed Juqraafi inta uu fadhigii ka sara kacay ayuu
beegsaday qolkiisii oo ay cashadu ugu diyaarsaneyd.
Axmed
markii uu casheeyay wuxuu isku tuuray sariirta, isagoo
falanqeyn u galay qaabka uu Fani xiriir ula yeelan lahaa .
dabadeedna wuxuu hoosta ka xariiqay in Muniira ay tahay
qofka keliya ee arrintaas soo dhammeyn kara.
wax
yar ka dib waxaa qolkii soo gashay Muniira oo dooneysa in ay
walaalkeed ka qaaddo alaabtii uu ku casheeyay.
markii
ay albaabka ka sii baxeysay ayaa waxaa u dhawaaqay Axmed oo
ku yiri.."abaayo arrin baan kaa leeyahay ee ii soo noqo"
iyadana walaalkeed waxba kama aysan diidi karine,waayahay
ayay ugu jawaabtay…
Muniira markii ay xareysay alaabtii ayay ku soo laabatay
qolkii iyadoo aad u yaabban oo aan ogeyn waxa laga doonayo.
Markiiba iyada iyo walaalkeed waxaa dhex martay sheekadaan:
Axmed
baa hadalkii bilaabay oo yiri: ”abaayo caawa waxaan kaa
rabaa in aad iigu saaciddo aarrin adiga gacantaada ku jirta
, waana waxa isbadalka aad u jeeddo igu keenay"
Muniira ayaa isagoo aan hadalka dhameysan ka soo dhex gashay
oo ku tiri: "aboowe Axmed, waa maxay waxa aan gacanta ku
hayo ee ku xiran caafimaadkaaga? kuguma eeganayo dhibaatada.
waxaad doonto Aboowe waan kuu sameynayaa walaalkey aan
jeclahay baad tahay ee ii sheeg"
Axmed
oo xoogaa degganaan ah muujinaya baa walaashii ku yiri: "abaayo
ii ballan qaad in aadan cidna u sheegin .abaayo waxa igu soo
kordhay waa jacayl aan u qabo saaxiibtaa Fani, abaayo caawa
waxaan kaa rabaa sida ugu dhaqsiyaha badan in aad iiga soo
dhameyso xageeda"
Muniiro yaab baa ilaah u keenay, wey qaadan weysay arrinta
uu walaalkeed ula yimid.
iyadoo
ay ka muuqato sida ay uga dhakafaartay arrintan ayaa waxay
tiri: "waa yaab! aboowe ma run baa waxa aad ii sheegeyso?"
"Waa
run abaayo, been miyaad iiga baratay?adiga hadalka hoos
noogu dhig ee ii soo dhammee abaayo ariintan" Axmed baa yiri.
"Aboowe,aniga
waxaan ahay walaashaa weligeyna warkaaga ma diidin .
waxaadna ogtahay,in aan markasta kuu dadaalo balse iima ogid
waan ka xumahay..
aboowe jacaylka ma aha wax ceeb ah waa wax aadan adiga
xukumi Karin, aniga waad ogtahay in aan dartaa uga haray
wiilkii aan dunida ugu jeclaa.
isagoo I jecel iyo anoo jecel baana adiga amarkaaga anoo
fulinaya aan wiilkii oo I baryaya xiriirka u jaray, waxaana
taa u sameeyay walaaltinimada anoo qadarinaya.
sababtoo ah nin waa la helaa laakiin walaal lama helo"
muniiro ayaa tiri, oo illintu ay soo buux dhaafisay
indhaheeda waxayna awoodi weysay in ay sii waddo hadalka ,waxay
gashay xusuus gocasho leh waxaa hadba horteeda imanayay
Kaafi oo habeenkii isugu dambeysay ku dheggan garkeeda iyo
jilbaheeda isagoo ku calaacalaya…”abaayo..macaanto..gacaliso..miyaadan
ogeyn jacaylka aan kuu qabo baaxaddiisa ..,ma dareemi kartid
miyaa..sida aan kuu jeclahay ..abaayo muniiro maxaad sidaa
iigu galeysaa miyuusan kugu oollin xitaa beer naxaya ..waxaan
ahay naf kuu ooman kaama go,I karo abaayo..caawa waad
ujeedda sida ay indhaheyga illimada jacayl uga daadaneyso
iyo erayo kale oo catow ah, oo ay cidlada kaga hadaaftay…
Axmed
wuu u dulqaadan waayay calool xumada meesha taalla, qudhiisa
waxa hareeyay oo weerarar ku soo qaaday duufaan jacayl
dabadeedna wuxuu ka ilmeeyay qalbiga .
inta uu muniira u soo dhowaaday ayuu ku yiri.."abaayo iga
daa calool xumada, waan qirsanahay qaladka an kaa galay.
waxaana ogaaday markii uu jacaylku I asiibay.
abaayo waxaad doonto hadaba waad sameyn kartaa xor baadna u
tahay ninkaad rabto ee aniga arrintaas ii soo dhamee berri
hadaad fursad u hesho iyada..
Markii
uu intaa yiri, ayay farxad is heynweyday Muniira waxayna
labada dhaban ka dhunkatay walaalkeed kuna tiri.
."aboowe waad mahadsantahay anigaad igu ogtahay arrintaas
waxaana kuu sheegayaa qorshaha iiguma jirto in aan nolosha
la qeybsado ruux aan Kaafi ahayn hadaad isaga ii fasaxdayna
waxaan jeclahay in aan dib u soo celiyo xiriirkeenna..
Intaa
markii lagu ballamay, ayaa ruux walba uu isku diyaariyay
jiif.
Faadumo Macallin
Abuukar (Faadumoruush)
faadumoruush@hotmail.com
