Kalmado
badan oo ay ka mid yihiin,
Shukaansi,Naayaa,Naagteeyda,Naagtaas,Habarta
,habarteey,duqda,duqa oo Ragga iyo dumarka Muqdisho dhaqan ahaan ay
isticmaalaan ayey Reer Somaliland aad uga caroodaan,waxayna
kalmadahaas xagooda ka dhigan yihiin aflagaado lafa gaara oo micnooyin
badan Xambaarsan.
Reer
Somaliland waxay shukaansiga u yaqaan ,dhaqan xumo ,sameyn falgalmood
ama tuuqtuuqsi,waxaana laga yaabaa inay kula dagaasho ama xaal lagaaga
qaado hadii aad gabadh {Inan} reer Somaliland ah ku tiraahdo inaan ku
shukaansado ayaan doonayaa.
Waxaa
Jumladaas ay ka sii neceb yihiin dumarka Somaliland in loogu
yeero,Naayaa,waxaase xumaan oo dhan aad gurigeeda garaacday marka aad
Xaaska aad qabto ee guriga kuu joogta,aad qof kuu timid ku tiraa Waa
Naagteeyda,duqdeeyda ee barasho wanaagsan,waayoo kalmadahaas waa kuwa
loo fasirto erayo ceeb badan oo aan si rasmiya loogu cadeyn Karin
sheekadaan.
"
Waxaan la dawaqsanahay qolo reer Xamara oo deris aanu nahay,waar ma
bilaa Xishoodbaa waa maxay Naagteyda,Habarteyda,duqda I dhashay,duqa I
dhalay iyo waxyaabaha foosha xun ee ay tixayaan"sidaas waxaa
Waagacusub ugu waramay gabadh reer Somaliland ah oo sheegtay in
Naagteeyda ceeb tahay oo lamaantaada ama Ooridaada loogu
yeero,gabadheeyda,hooyada ku dhashayna tahay hooyo oo aysan ahayn
mudnaanteeda Habar iyo duq.
Hargeysa
oo ay ku nool yihiin boqolaal dhalinyaro reer Muqdisho ah,waxaa inta
badan ka dhaco isfaham waa iyo kala dhaqan duwanaansho laakiin dhinaca
kale waxaa la oran karaa waa markii ugu dhawaa ee Muqdisho iyo
Hargeysa xaga dhaqanada si hoose isaga faa-iideysanayaan.
Dhalinyarada
Muqdisho marka ay sheeka doonka yihiin,waxayna gabadha ku bilaabaan
inaan ku shukaansado ayaan doonayaa,marka ay sheekada isla gartaana
waxay faahfaahintooda ka dhigtaan,xalay waxaan u shukaansi tagay
heblaayo,laakiin Hargeysa taas waa ka arrin kale oo xaal ma hurto kugu
noqon karta.
Maxamed
Cabdi Sacuudi
Hargeysa-Somaliland
Waagacusub
Arimaha Bulshada
Nurkhaire@hotmail.com
