Wiil
reer Muqdisho ah oo lagu magacaabo Mahad N.C ayaa lagu xakumay inuu
xaal ka bixiyo isfaham waa kala dhexgalay isaga iyo gabadh uu doonayay
inuu guursado Aabaheed kadib,markii uu Aabaheed u tagay oo isu baray
inuu doonaya gabadhiisa.
"Adeer iska waran,magaceygu waa Mahad,waxaan doonayaa inaan
gabadhaada guursado ,waana dhameeysanay,sidaas daraadeed anigu halkaan
ehel iima joogo,waxaana kuugu socday inaad garab iyo ehel ii
noqoto"ayuu ku yiri Mahad ,Aabaha dhalay Samiira oo ah gabadh ay
mudo is jeclaayeen una dhalatay gobolka Togdheer ee Somaliland.
Aabaha
dhalay Samiira ayaa mar qura kursigii ka istaagay,wuxuuna ku yiri
Wiilka Reer Muqdisho"Waaryee maxaad leedahay,waa maxay waxa aad
ku hadleeyso,sideebaad ku guursaneysaa gabadheeyda,waar ma dhaqan
celis baad tahay ,bilaa dhaqanyahoow"
Samiira oo
dibada qolka fadhiday ayaa ku naxday qeeylada Aabaheed ,waxayna ku
oraday maqsinkii ay ku jireen laakiin Jacaylkeedii oo baxsada ayaa
iridka ku jiiray,dabadeedna waxay Aabaheed ku tiri" Aabe maxaad
wiilka sidaa ugu qeeylisay oo ku helay"
Samiira
wuxuu Aabaheed ugu jawaabay" Waar waa maxay bilaan dhaqanka aad
wadatay ee doonaya inuu hooyadaa guursado,inaalilaahi wa inaa ilaaheey
raajacuun,soow kan halkaan ka sugayay Inantaada ayaan is dooneeynaa
igu yidhi"Gabadhaada ayaan doonayaa inaan guursado,subxaanalaah"
Samiira oo
naxdin aawgeed dhidid xoogan ka socday ayaa mar qura qosol aawgeed
dhulka dhacday,waxayna ku tiri" Aabe dhaqankeena ayaa kala
duwan,Reer Koofurka waxay gabadh u yaqaanaan Inanta,wuxuuna ula jeeday
,Inantaada oo ah aniga ee Aabe Cafwan"
Samiira
sharaxaadeeda waa u cuntami wayday Aabaheed,wuxuuna ku yiri" Aabe
aniga waxaa ha igu maslaxeyn,wiil xun oo dhaqan bi’isa ayaad ii
keentaye,waan is gacan qaadeeynaa haduu igu soo laabto"
Ismari waa
iyo isfaham xumo markii ay lix maalmood aloosneed oo Samiira Aabaheed
maalin walba dib u goconaya wixii uu wiilka ku yiri,ayuu Mahad u
bandhigay rag ay asaxaab ahaayeen,waxayna ugu dambeyn isku raaceenin
Xaal la siiyo gabadhaas aabaheed,laakiin Mahad oo ay u cuntami
wayday,markii uu baaris dheer sameeyay kadb wuxuu garwaaqsaday in
Gabadhaada ay u macna tahay Xaaskaada marka la eego lahjada ama luqad
fahamka dhaqan ee Beelaha wada dega Somaliland.
Mahad N.C
oo ka mida dhalinyaradii Muqdisho uga baxay dagaaladii March ee
sanadkaan,waxaa uu dhacdadaan uga sheekeeyay Wariyaal ka tirsan
Waagacusub,wuxuuna sheegay in dhib badan ka jiro isfahamka Muqdisho
iyo Hargeysa,isagoo ku kaftamay" waxaa jira rag badan oo tii
dheereed ay ka raacday,balse qarsanaya jugtooda"
Maxamed
Cabdi Sacuudi
Hargeysa-Somaliland
Waagacusub
Arimaha Bulshada
Nurkhaire@hotmail.com
