xmed
juqraafi sidii uu u fadhiyay goobtii uu ku dhageystay heestii
gilgishay dareenkiisa wuxuu ka kacay markii uu dhegahiisa ku soo
dhacay aadaankii salaadda maqrib si degdeg ah ayuu u beegsaday
masajidka oo wax sidaa ah uga fogeyn halkii ay deganaayeen.
ka dib salaadda ayuu axmed
sidii ballanta ahayd u holladay in uu aado guriga saxiibkii keyse.
xilliga lagu jiray wuxuu ahaa
xilli roobadka oo dhaxan darani ayaa habeenkaa dhaceysay,dadku
waxay siteen jaakado ,balse axmed maba uusan dareemeyn wax is
badal ah..
intii uu axmed ku sii jeeday
hoyga saaxiibkii wuxuu ka walwalayay sida ay noqondoonto talada
keyse.
wax uu soo guureeyaba wuuu soo
gaaray gurigii waxaana ka furtay albaabka gabar yar oo keyse la
dhalatay inta uu gabadhii madaxa usalaaxay ayuu hore u beegsaday
qolka keyse oo markaa isagana ku howlanaa dhar feereyn.
markiiba axmed baa ku booday
saaxiibkii halkaana waxaa ka dhacay is marxabeyn.
keyse wuxuu si dhaqsi ah u
bogay howshii u tiillay ka dibna inta uu dharka iska xareeyay ayuu
saaxiibkii axmed juqraafi soo agfadhiistay is xaal wareysi ka dib
keyse ayaa hadalkii bilaabay oo yiri....
"saxiib manta ma qadeysay?
ma ogi xilli aan qadeeyay maba
xusuuto ayuu axmed si degdeg ah ku yiri...
keyse oo doonaya bal in uu
saaxiibkii marka hore weydiiyo waxa is badalka ku dhaliyay ayaa
sii watay hadalkiisa isagoo yiri:
"saaxiib waad waalan rabtaa
adiga waxaa kuu dhiman oo keliya in aad dharka tuurato.
haa saaxiib beentaa maaha
waxaad i dhado waa run waad waalantahay walaalkaa baa laga
helaa..ayuu axmed ku yiri saaxiibkii.
keyse waxaa ka muuqatay
xamaasad,wuxuu ka gilgilyooday xaaladda saaxiibkii halka ay
taagantahay oo uu hubay hadii ay sidaan ku sii socoto in uu qatar
ku suganyahay axmed.
mar kale ayuu keyse bilaabay
in uu saaxiibkii waaniyo uu dhinacyo badan wax ka tuso maadaama uu
kaga horreeyay xagga fahmitaanka nolosha iyo dhacdooyinka noocan
oo kale ah sida loo xalliyo.wuxuuna keyse hadalkiisa
ku billaabay...
“horta saaxiib waxaa hore loo
yiri nimaan tashan wa loo taliyaa waxaan filayaa in imika aad iigu
timid in aan talo kaa siiyo waxa kan kugu soo kordhay,,bal marka
hore aan muuqaal guud kaa siiyo sida aad isku badashay waxba kaa
qarinmaayo..
saaxiibkeey baad tahay aan
jeclahay wixii ku gaarana waan ku qasbanahay in aan kula
qeybsado,waxaad ogaataa in dunidan ay tahay maalmo kooban ilaah
dadka wuxuu ku kala sarreysiiyay waa xikmad u gooniya,kala
sarreynta dhabta ahna maaha dunida oo maal lagu kala sarreeyo,e
waa taqwada ilaah.
marka walaal gabadhaas maanta
ma jirto gabar aan u dhigaa xag walba,waxaana ku dhihi lahaa
maanta daawo kale oo aan kuu hayo ma jirto oo aan ahayn in aad
gabadhaas xiriir la yeelato,weliba waxaa ku jira caafimaadkaaga
waxa dhan sidaan kuu galayana waa kalgacayl xooggan oo aad u qabto.
markii uu keyse ku dheeraaday
hadalkii ayuu axmed ka dareemay in uu doonayo in uu markiisa siiyo
fursadda...
wuxuuna yiri isagoo axmed
jaleecaya..haye saaxiib maxaad ka dhihi lahayd waxa aan ku iri...
axmed baa bilaabay in uu
jawaab ka celiyo hadalladii saaxiibkii wuxuuna yiri...
“saaxiib waad mahadsantahay
saaxiibka dhabta ahna waxaa la gartaa xilliga baahida,maanta ma
jiro wax iiga dhib badan arrinta i heysata oo aad iga caawinlahayd...
waana wax jira waxa aad ii soo jeedisay dhamaan,balse saaxiib
arrintaas ah in aan xiriir la yeesho gabadhaas fani ah maweysan
jirin wadiiqo kale oo aan kaga gudbi akro?
keyse baa la soo booday...horta
saaxiib maxaa kaa hortaagan arrintaas ii sheeg?
axmed baa isagana ku jawaabay...saaxiib
waad ogtahay dadkaan warkood...
waayahaye ma heysaa adigaa og
sida aad wax u dareemeysee arrin kale oo kuu roon..
keysaa mar kale weydiiyay
axmed.
saaxiib ma ogi aniga balse
adiga xal kale keen..axmed baa yiri..
