Dhambalkan
8-aad ee Cinwaankiisu yahay "Alle wuu arkaa wuuse u kaadinayaa"
waxaa qortay gabar u dhalatay dalkii hore loo oran jiray Midowga
Soofiyeeti.
Gabadhaas
oo ka soo jeeday Qoys Sabool ah waxay si aad isu jeclaayeen wiil
isagana kasoo jeeday qoys sabool ah, balse gabadhii waxaa soo doontay
Nin Oday Maalqabeen ah, reerka oo Shiid ahaa si ay shiidnimada uga
baxaan wax Shaki ah ma gelin soo doonashadiisa oo degdeg ayaa ruqsad
iyadoon laga sugin loogu Mehriyey, iyagoo u xilanaya Hantida uu
leeyahay, mudo kadibna deg-deg ugu aqal geeyeen iyagoo aan la tashan
Gabadhii.
Aroos
juu-juub ah oo aysan raali ku ahayn ayay gabadhii gashay, balse saddex
bilood kadib ayay wiilkii ay xiriirka jacayl lahaayeen la soo
xiriirtay oo dhambaalkan u soo dirtay, iyadoo uga sheekeynaysa
daruufihii adkaa ee soo maray muddadii ay ninkaa la noolayd isla
markaana u qalbi qaboojinaysa, waxayna qoraalka dhambaalka Ciwaan uga
dhigtay "Alle wuu arkaa wuuse u kaadinayaa" waxayna ku
bilowday sidan:-
=Ehelkaan
lahaa hadday Oday i siiyeen Anfacana ka qaateen, waa uur xumo i heysee
adigana ogsoonow, oogada jir ahaan ayaan kala jooga, Uurkuna xaggaaguu
soo jiraa.
=Weli
kuma iloobin kumana iloobi doono abid intaan dunida joogo, ayaantii
timaadana orod oo agtag baan is iraahdaa, marna waxaan is arkaa anoo u
yeer is iri, isimkaaga magaca kuu ah soo dhufto.
=Waxaad
ogaataa in Uurku meel yahay, aniguna itaalkey, waxaan is leeyahay
intaad Duni ku nooshahay, mid kaleeto aayiyo Mustaqbal Lama aslaayee,
waxaan uba dambeeyaa adiga weeyaan.
=Adkeysaan
ku leeyahay wiil yahow, arrimada iska ilow, afduubka laygu sameeyayna
anba qaadan maayee, {Alle wuu arkayaa wuuse u kaadinayaa}, ee samir
yeelo.
Kadib
waxaa la caddeeyay in Odaygii gabadha guursaday uu ka war helay in
gabadha lasoo juu-juubay oo nin kale ay jeclayd, Hantina looga
iibsaday qalbi aan u soo jeedin, markaasuu furiin ugu baaqay, lana
shaqeeyay inay dib u hanato wiilkii u qarsanaa qarash badana ku
bixiyay guurka wiilka iyo gabadhaas kana dalbaday cafis guud.
Thank
you Mr Hajji Tahriib.
Waagacusub
Arimaha Bulshada
Nurkhaire@hotmail.com
