Fabio:-Warka i sii hee Faaraxow, waxaan galabta arkayay adigoo xoogaa la sheekaysanaya Gabadheenna Faadumo...ma wax baa soo kordhay, mase baashaal un bay iska ahayd arrintu.. ?

Faarax:-Maya maya, arrintu waxay hadda isaga bilaabantay baashaal iyo is-barasho caadi ah, laakin ninyahow markaan runta kuu sheego muddaba indhahaan ku hayay gabadhan, oo xoogaa bay i dhex-qaadday. Waase la arki doonaa haddii aan isla saan-qaadi kari doonno.

Fabio:-Sidaas iga dheh...War i anfacaaya, oo aan noociisa oo kale jeclahay ayaad ii sheegaysaaye...Weligay waan ku farxaa labadii jacayl isla dhisaysa, waxaanna soo xusuustaa waaya-waayo, waana aan jiriricoodaa..!!.

Faarax:-Horta Wadaayoow waad og-tahay in aan anigu leeyahay Xaas, muddana isa soo qabnay, laakinse ayan weli ii dhalin caruur. Sidaas oo ay tahay ayay haddana Xaaskaasu ku sii darsatay garasho la'aan xagga sida loo maamulo ragga ah..!!. Intaan ka badanse uma sii dul-qaadan doono.

Fabio:-Marka Naagtaadaas hore ma furaysaa, mase tanna waad ku labaysanaysaa, sida ay Diintiinnu idiin oggoshahay...?.

Faarax:-Horta waan eegi doonaa, oo ma aan degdegayo. Waxayse ku xirnaan doontaa in badan, hadba sida aan isu fahamno Faadumo. Kollayse Gabadhu waa ay i soo jiidatay...!!.

Fabio:- Haa waa sidaas. Intaan anigu ka aqaan Faadumo waa qof fiican oo fariid ah. Waan bogaadinayaa xiriirkiinna, welibana marka ay guur noqoto, waxaan idiin siin doonaa gacan weyn oo xagga Maaliyadda iyo Mooralka ah.

Faarax:-Waad mahadsan tahay walaal. Waan kaa filayay sidaas. Aniguna cagta ayaan Cagta u saari doonaa Faadumo, ilaa aan ku qanciyo is-guursi. Albaab kasta oo ay ka-bax is-tiraahdo waan ka soo awdi doonaa, waayo Soomaalidaa tiraahda:-"Gees lo'aad kulaylkaa lagu gooyaa". Waxaan kaloo ku maahmaahnaa:-"Wax lagu fududaado Nikaax ayaa ugu fiican".

Fabio:-Murti dhaxalgal ah ayaad leedihiin haddaad Soomaali tihiin. Hore u sii socda. Aqalkaygu waa Aqalkiinna. Xaaskayga Filipona waan la socodsiin doonaa arrinta. Waan idiin fududeyn doonnaa is-xodxodashada(shukaansi). Mar-mar aqalka oo dhan ayaan idiin firaaqayn doonnaa, si aad u kala bogataan, si xurriyad ahna wax isula jeexjeexdaan...
La soco Qaybta 8-aad

WQ/Muxyaddiin M.Kaalmoy

Somalia: Sudan pushes Aweys to support Somalia government

Somalia:Al-Shabaab Is N-One Enemy of Islam and Menace to the Somali People

Somalia: Mortar shell injures 8 women in Mogadishu