Wiil lagu
magacaabo Cabduqadir Ismaaciil ayaa halis kala kulmay
kumanaan sawiro gabdho Soomaaliyeed oo uu aruuriyay tan
iyo qaangaarkiisii,sawirkii ugu dambeeyay ka gadaal markii
uu ula tegay nin ay is yaqiineen oo gabadhaas qabay.
Cabduqadir
ayaa wiilka ay saaxiibka yihiin tusiyay sawirka ,ka
gadaalna wiilka gabadha qabo oo la yaaban sababta uu ku
helay sawirka xaaskiisa ayaa weydiiyay,ma gabadhaan ayaad
taqaan? Markaas ayuu ugu jawaabay” saaxiib waa
dumaashidaada cusub”
Ninka
gabadhaas qabay oo lagu magacaabo Cabdi Hanad ayaa qaab
fajaca ugu celiyay maxaad ula jeedaa waa dumaashidaada
cusub?
Wuxuu
Cabduqadir ugu jawaabay” Saaxiib waa xaaskeeyga ee barasho
wanaagsan”
Cabdi Hanad
oo xanaaq dartiis is celin waayay ayaa dharbaaxo ku
qaaday,wuxuuna kadib dafay bakoorad uu ku garaacay ilaa uu
dhulka dhaco Cabdulqadir oo ilig jabtay.
Cabdi Hanad
oo ay dad ku soo xoomay qabteen ayaa la weydiiyay sababta
uu gacan qaadka ugu bilaabay wiilka ay saaxiibka
yihiin,wuxuuna awoodi waayay inuu hadlo ciil dartiis hasse
yeeshee Cabduqadir ayaa labo maalmood kadib mar uu ka soo
baxay Isbitaal ku yaal Nairobi wuxuu ka sheekeeyay qisada
ku dhacday.
“Tan iyo
yaraanteeydii waxaan aruursan jiray sawirada gabdhaha
qurxoon,hadii aan xaafad tago,waxaan baari jiray albunada
yaal,waxaana ka xadi jiray sawiro wixii gabadh
qurxoon,todobo boorso oo waaweyn ayaan ka buuxiyay waxaana
jeclaa inaan gabadh kasta todobaad dhigto muraayad iigu
dhegan xaafada,bilna aan jeebka ku qaato oo saaxiibadeeyda
tuso ,kuna dhaho waa saaxiibteeyda laakiin nasiib daro
sawirkaan ugu dambeeyay oo aan ka soo qaatay xaafad aan ku
cusbaa ayaan ku galay halis maxaa yeelay ,waxaan afka u
galay ninkii naagta lafteeda qabay oo aan macariifo
aheyn”ayuu yiri Cabduqadir Ismaaciil oo Waagacusub.net u
waramay.
Cabduqadir
wuxuu tibaaxay in sawirada uu hayo oo kumanaan gaaraya uu
ka fikirayo sidii uu ka yeeli lahaa,inuu keyd ahaan u
heysto,inuu gubo,aaso iyo inuu ku daadiyo wadooyinka
Nairobi.
“Waxaan ku
dadaalayaa sidii aan isaga jari lahaa dabeecadeyda maxaa
yeelay balwad ayey ii noqdeen aruurinta sawirada gabdhaha
qurxoon ee Soomaaliyeed “ayuu qaab calaacal la mida ugu
taraabay Cabduqadir Ismaaciil
