by:c/raxman zaylaci sheikh
DHALAAN ayey aheyd wax daadaheeya ama daryeela may arag aabaheed intii
ayna nuurka dunida arag ayuu hooyday,waxaa barbaarinteeda iyo
ababinteeda alle baday hooyadeed, 7 caruur ayey dhexda kaga jirtay,
wax toll iyo qareena may arag, caruur isku filan ayey ahaayeen, hooyo
wanaagsan oo agoon korisa ayaa dhashay, maama mas,uuliyad cidna kula
gacan qaban ayey qaaday , muruq maal xoogsata ayey aheyd, shaqada nooc
walba ka wardoontay, qaad iibisay, shidaal iibisay, shaahlay noqotay,
subaxii ayey bixi jirtay inta ayna shinbiruhu buulkooda ka baraarugin,
way soo caraabi jirtay xiliga ay soo buul noqonayaan.
subaxa ayey aheyd cirku daruur iyo hogol roob dahaareen samadda ,
onkod gariiray ma jirin uffo roob keenayna masoo hiirin, AGOON koriso
waxaa ay usoo luuday goobtii shaqadeeda , waxaa ay miis ganacsi
kulaheyd xaafad al-baraka ee degmada hodan waxaa ay qabsatay bisinka
yaa fataax yaa razaaqna way raacisay, agoontii mid guriga joogta iyo
mid dugsiga tagtabay la kala dareer, cirku wuu hoorayaa daruuro
xinjira xanbaarsan iyo hogol sumeysan ayuu caranayaa, waxaa dhawaaqay
guux waxaa gariiray dhulka waxaa dakaamay samadda waxaa gantaal
beegsaday AGOON koriso waxaa ciida dib ugu laabtay cadkeedii, lakala
yaac lakala huleel, nasiib uma yeelan wax xaab xaabiyana alle meesha
ma dhigin dugaagna ku daroo, daruurahaa kala dhanbalmay kala haaday
gurmad iyo gaadhsiiyey dhanbaalkii agoontii ay ka hoyatay hooyadii
wanaaga laheyd...
la isku soo bax walaac iyo lamuuji ka xumaan dhaban la qabsado iyo
baroor la isku dar, agoontu dareen maleh, badankooduna maba dareensana
waxa ku dhacay..
hooyo meeday iyo goormay iman ayey ku jiraan baroor iyo tacsiyeen
lakala huleel .. gurigii iyo agoontiina isku soo hadhe, dalka iyo
dadkuba kala haad ayuu marayey nin xasuus iyo gibil naxa leh kuma soo
harin meesha ..
nin cirku ku soo dumay cidi kama dulqaado nin dhulku la ciirayna cidna
caawin meyse sida ciyowga keyntay caruurtii cabaade zuhuur ayaa soo
baxday kana soo wardoontay miiskii hooyadeed..
waxaa ay aheyd gabadh caqli badan,meyna dareemin kala haadka iyo qalo
yaraanta, beegsatay booskii hooyadeed, shalmadii hooyo macaan oo meel
laalan ayey aragtay.. nooday carartay hooyo....
hooyo.. ku hataaqday.. mise ma helin.. miiskii beegsatay mise kuma
yaqaan... oraday rucleyay dhacday mise waxa ay ku istaagtay waa
gacantii hooyadeed oo taalay miiska meel aan ka fogeyn... garaty..
barooratay..gacantii ayey gacalsatay soona qaadatay iyadoo leh.. hooyo...
hooyo .. ma gacantaadiibaa gurigii ayey soo gashay.. garwaaqsatay in
hooyo joogin.. xaafadha u carartay laakiin cid may helin...
xili casar gaaba ayey jeeni qaaratay kii ugu yaraa hogaamisayna kuwii
ka weynaa iyo kuwii ka yaraa una huleeleen xaafad madiina iyo meesha
dadku beegsadeen durdurada ayaamuhu qofbay jeeni qabataa dacar
qadhaadh cabsiisaa...
c/raxman zaylaci sheikh
Waagacusub Arimaha Bulshada
fatkayare123@hotmail.com
