Keyse
ayaa markii ay fani tagtay ku yiri Axmed,war axmedow maxaa kugu dhacay?
Miyaadan xitaa gabadha salaanta ka qaadeynin waxaasi waa ceeb
Wax
ay fani kaa galabsatay ma jiraan,ee sidaan isku dhaan.
Axmed
inta uu si quman u fariistay ayuu ku jeestay saaxiibkii isaga oo
dembiga iska riixaya wuxuuna yiri….
Saaxiib waa isku mid hadaan aniga ka qaado iyo hadaad adiga ka qaado
intaba,intaasna dembi ha iiga dhigin.
Keyse
ayaa hadalkii qaatay oo yiri…saaxiib aniga waxaan la yaabanahay ruux
naf uu jecelyahay lagu qasbayo in uu wanaajiyo ,adiga waan kala saari
la,ahay in qoftaas aad jeceshahay iyo inkale .
Aniga
saaxiib qoftaas ma jecli balse nafteyda ayaa jecel.
Ayuu
axmed ku warcelinayaa..
Keyse
aad buu saaxiibkii ugu jahwareersanyahay waayo taladii uu siiyo ma
qaadanayo,wuxuuna kala kulmay daal fara badan intii uu wax ka
dhaadhicinayay…
Wuxuuna yiri isaga oo hadalka u soo gabagabeynaya
Saaxiib aniga waan kaa quustay mar dambena arrintaasi ha iila imaan
sababtoo ah…illaa iyo hadda iima heysid cadeymo muujinaya in
gabadhaasi aad jeceshahay iyo in kale,si talo ku aadan aan kaa siiyo
ma nin weyn oo rag ah wuxuu ku hadlaa aniga ma jecli nafteydaa jecel
adiga iyo naftaada labo miyaad kala tihiin saaxiib bal eeg sida aad u
dhaqmeyso….
Axmed
markaan aad buu u xanaaqayaa wuxuuna ku sigtay in uu fadhiga ka sara
kaco.
Balse
wuu is celiyay arday badan baana daawaneysay sida ay hadalka isugu
dhiidhiibayaan axmed iyo keyse oo ahaa saaxiibbo ay naftu ka dhexeyso.
Keyse
waa wiil fiican dabeecad wanaagsanna leh…mar kastana wuxuu axmed ka
celiyaa waxyaabaha uu ku kaco ee badankood isla weynida ku saleysan.
Labadii wiil iyagoo aan weli wax meel isla dhigin oo lakala
aamusanyahay ayaa waxaa dhegahooda ku soo dhacaya dhawaqa gambaleelka
oo ardayda ogeysiinaya in xilligii bareegga uu dhamaaday fasalkoodana
ay ku xaroodaan.
Arrintaasi waxay uur ku taallo ku noqotay axmed juqraafi oo aan ku
qanacsaneyn sida uu ku dhamaaday wada hadalkii dhex maray isaga iyo
saaxiibkii.
Waxaa
lagu xarooday fasalka,axmed iyo keyse waxay u muuqdeen dad careysan
midkoodna kan kale lama uusan hadleyn taasna waxay shaki ku beertay
ardaydii fasalka la dhiganeysay…
Muniira oo ahayd axmed walaashii aad bey ugu kuur galeysay waxa
dhacaya balse nasiib darro ma ogaan karto waxa ay ka wada hadlayeen
walaalkeed iyo keyse.
Muniiro waxaa malmahan dambe ka go,neyd in ay baarto kana salgaarto
arrinta axmed ku soo korortay waqti walba haku qaadatee.
Waxaa
dhamaaday xiisadihii fasalka loogu talo galay waxaana la gaaray
xilligii rawaxaadda.
Sidii
caadada u ahayd axmed iyo keyse hore ayay isku sii raaceen mana jirin
wax hadal ah oo ay is dhaafsanayeen,ardaydii gadaashood socotay ayaa
la yaabanaa waxa labada wiil ku dhacay wey isla socdaan hadana ma wada
hadlayan maxa ku dhacay ayayna niyadda iska lahaayeen.
Axmed
juqraafi iyo keyse waxay socdaanba waxaa loo soo dhowaaday wadadii ay
ku kala leexan jireen halkaa ayayna isku macasalaameeyeen axmed baana
hadalkii furay oo yiri saaxiib aad ban isugu buuqsanahay iga ralli
noqo waxaan kuu imanayaa caawa …
Keyse
ayaa inta uu saaxiibkii gacan qaaday ku yiri waayahay saaxiib.
Sidii
ayaana lagu kala tagay…
Waagacusub Arimaha Bulshada
fatkayare123@hotmail.com
