Maxamed Cismaan oo ka mida dhalinyarada ku nool Magaaladda
Kampala ee dalka Uganda ayaa laga quustay in laga daweeyo cudur
loo badiyay inuu yahay sanboor ama xasaasiyad saneed uu ka qaado
aragtida gabdhaha.
“
Hadii aan gabadh arko sanka dhan ayaa I cun cuna laakiin hadii
ay igu soo dhawaato oo I salaanto ama catar ay marsan tahay
udugiisa sankeeyga dareemo waxaan ku waashaa hindhiso ilaa ay
indhaha I gaduudaatan”ayuu yiri Maxamed Cismaan oo la hadlay
Waagacusub.net
Mr
Maxamed Cismaan wuxuu xusay inuu xaasle yahay hadana uusan ku
sanboorin gabadha uu qabo,walaashiis iyo inta ay dhalasho
wadaaga hoose yihiin.
“Dhaqtarka ayaan xitaa u sheegay oo waxaan dhahay,xaaskeeyga
kuma sambooro kumana hindhiso laakiin waxaa iigu daran hadii aan
arko ama igu soo dhawaato gabadh aanan aqoon oo aad u
lebisan”ayuu si feejignaan ka muuqato u yiri.
Maxamed Cismaan wuxuu sheegay inuusan ku hindhisin gabdhaha
ajnabiga balse ay ku kooban tahay gabdhaha Soomaaliyeed,wuxuuna
sidoo kale si gaaban u yiri” Kuma Hindhiso hooyooyinka
Soomaaliyeed ama xitaa hadii aan hooyo inay tahay u arko..
Dhaqaatiir uu la xiriiray Maxamed Cismaan oo ka hoowlgala
Kampala ayaa Waagacusub.net u sheegay inuu qabo xasaasiyad aan
dawadeeda la aqoon oo uu ka qaado dumarka uusan aqoon ee
Somalida.
W/D Abdi Salaan Abdulle
Alasow
